Bigg Boss : ബിഗ് ബോസില്‍ 'ഹലോ മൈ ഡിയര്‍ റോംഗ് നമ്പര്‍', ലക്ഷ്‍മി പ്രിയയ്‍ക്ക് സ്‍ത്രീ വിരുദ്ധതയെന്ന് റിയാസ്
ഹലോ മൈ ഡിയല്‍ റോംഗ് നമ്പര്‍ ടാസ്‍കില്‍ ലക്ഷ്‍മി പ്രിയയെ ഫോണ്‍ വിളിച്ച് റിയാസ് (Bigg Boss).
 )
Followബിഗ് ബോസില്‍ ഈ ആഴ്‍ച ഹലോ മൈ ഡിയര്‍ റോംഗ് നമ്പര്‍ എന്ന വീക്ക്‍ലി ടാസ്‍കാണ് നടക്കുന്നത്. മത്സരാര്‍ഥികളില്‍ ഒരു ടീം കോള്‍ സെന്റര്‍ ജീവനക്കാരായും മറ്റൊരു ടീം കോള്‍ വിളിക്കുന്ന ആള്‍ക്കാരായും ആയിട്ടാണ് ടാസ്‍കില്‍ പങ്കെടുക്കുന്നത്. ഇന്ന് റിയാസ് ലക്ഷ്‍മി പ്രിയയെയായിരുന്നു ടാസ്‍കില്‍ വിളിച്ചത്. കഴിഞ്ഞ ദിവസം കോള്‍ സെന്റര്‍ ജീവനക്കാരനായ തന്നോട് ലക്ഷ്‍മി പ്രിയ പറഞ്ഞ കാര്യങ്ങള്‍ക്ക് മറുപടിയെന്നോണമായിരുന്നു റിയാസിന്റെ ഇന്നത്തെ പ്രകടനം (Bigg Boss).
ലക്ഷ്‍മി പ്രിയ കഴിഞ്ഞ ദിവസം കുട്ടി എന്ന് വിളിച്ച് റിയാസിനെ പരിഹസിച്ചിരുന്നു. താൻ കുട്ടിയല്ല പ്രായപൂര്‍ത്തിയായ ആളാണ് എന്ന് തനിക്ക് കിട്ടിയ അവസരത്തില്‍ തുടക്കത്തിലേ റിയാസ് പറഞ്ഞു. താൻ പുരുഷനാണ് എന്ന് അറിയുമോ എന്ന് റിയാസ് ചോദിച്ചു. പേര് കേട്ടപ്പോള്‍ തന്നെ മനസിലായി സാര്‍ എന്ന് ലക്ഷ്‍മി പ്രിയ പറഞ്ഞു. എന്നാല്‍ പേര് കേട്ട് തിരിച്ചറിയേണ്ടതല്ല ജെൻഡര്‍ എന്ന് റിയാസ് പറഞ്ഞു. പുരുഷനാണ് എന്ന് അറിഞ്ഞിട്ടും എന്തുകൊണ്ട് താൻ പ്രസവിക്കുമോ എന്ന് കഴിഞ്ഞ ദിവസം ചോദിച്ചുവെന്ന് റിയാസ് ആരാഞ്ഞു. അത്രപോലും അറിവില്ലേ എന്നും പരിഹാസരൂപേണ റിയാസ് ചോദിച്ചു. തന്റെ അറിവില്ലായ്‍മ കൊണ്ടാണ് എന്നായിരുന്നു ലക്ഷ്‍മി പ്രിയയുടെ മറുപടി. 37 വയസായിട്ടും അറിവില്ലേ എന്ന് റിയാസ് തിരിച്ചുചോദിച്ചു.
നിമിഷയെ കുറിച്ച് ലക്ഷ്‍മി പ്രിയ പറഞ്ഞ കാര്യങ്ങളും റിയാസ് തന്റെ ഫോണ്‍വിളിയില്‍ കൊണ്ടുവന്നു. താങ്കള്‍ എഴുത്തുകാരിയാണെന്നല്ലേ പറയുന്നത്. താങ്കള്‍ക്ക് മാതാപിതാക്കളില്‍ നിന്നുണ്ടായ മോശം അനുഭവങ്ങള്‍ കണ്ണീരില്‍ ചാലിച്ച് എഴുതുകയല്ലേ ചെയ്‍തത് എന്ന് റിയാസ് ചോദിച്ചു. നിമിഷയുടെ അനുഭവങ്ങള്‍ എന്തുകൊണ്ട് മനസിലായില്ല നിങ്ങള്‍ക്ക് എന്നും റിയാസ് ചോദിച്ചു. നിമിഷയുടെ മാതാപിതാക്കളെ വെറുതെ ചര്‍ച്ചയിലേക്ക് വലിച്ചിട്ടുവെന്നാണ് നിങ്ങള്‍ പറഞ്ഞത്. നിങ്ങള്‍ക്കു നിങ്ങളുടെ വേദനകള്‍ പറയാമെങ്കില്‍ അവര്‍ക്കും പറഞ്ഞുകൂടേ. നിങ്ങള്‍ ജീവിതത്തില്‍ ബുദ്ധിമുട്ടുകള്‍ അതുപോലെ അനുഭവിച്ചിരുന്നെങ്കില്‍ അങ്ങനെ പറയുമായിരുന്നില്ല. സ്‍ത്രീക്കുള്ളിലെ സ്‍ത്രീവിരുദ്ധതയാണ് നിങ്ങള്‍ക്ക് എന്നും റിയാസ് പറഞ്ഞു.
മെയ്‍ക്കപിന് സമയം കളയുന്നുവെന്ന് കഴിഞ്ഞ ദിവസം ലക്ഷ്‍മി പറഞ്ഞുവെന്ന് ചൂണ്ടിക്കാട്ടിയും റിയാസ് മറുപടി നല്‍കി. പുരുഷൻമാര്‍ മേയ്ക്കപ്പ് ചെയ്യുന്നത് കണ്ടിട്ടില്ലേ നിങ്ങള്‍. ഒപ്പം അഭിനയിക്കുന്ന പുരുഷ താരങ്ങള്‍ മെയ്‍ക്കപ്പ് ചെയ്യാറില്ലേ. റിയാസിനും മെയ്‍ക്കപ്പ് ചെയ്‍തൂടെ. മലയാളി പ്രേക്ഷകര്‍ക്ക് എന്തൊക്കെ സ്വഭാവങ്ങള്‍ ഇഷ്‍ടപ്പെടില്ല എന്നറിഞ്ഞുകൊണ്ട് വലിച്ചിടുകയാണ് എന്നും റിയാസ് പറഞ്ഞു. നിമിഷയുടെ വസ്‍ത്രധാരണത്തെ അവഹേളിച്ചതിനെ കുറിച്ചും റിയാസ് എടുത്തുപറഞ്ഞു. ഒപ്പം അഭിനയിക്കുന്ന സ്‍ത്രീ താരങ്ങള്‍ അല്‍പ വസ്‍ത്രം ധരിക്കുന്നത് നിങ്ങള്‍ കണ്ടിട്ടില്ലേ. എന്നിട്ട് നിമിഷയെ കുറിച്ച് എന്തുകൊണ്ട് അങ്ങനെ പറയുന്നു. വസ്‍ത്രധാരണം ഒരാളുടെ ചോയിസാണ്. സ്‍ത്രീകളെ അവഹേളിക്കുന്ന നിങ്ങള്‍ ഒരിക്കലും സ്വയം ഫെമിനിസ്റ്റ് എന്ന് വിളിക്കരുത്. ചില ആണ്‍കുട്ടികള്‍ ഫെമിനനായിരിക്കും. ചില പെണ്‍കുട്ടികള്‍ ചിലപ്പോള്‍ ആണ്‍ സ്വഭാവം കാണിക്കും. അത് നിങ്ങള്‍ കുറവായും ഓട്ടിസം പോലെയുള്ള അവസ്ഥകളുമായി താരതമ്യം ചെയ്യുമ്പോള്‍ മനസിലാകും നിങ്ങള്‍ എത്രമാത്രം മോശപ്പെട്ട ഒരു മനുഷ്യനാണെന്ന്. നിങ്ങളുടെ ഉള്ളിലെ വിഷം ഇതില്‍ നിന്നൊക്കെ മനസിലാകും. സ്‍ത്രീ ശാക്‍തീകരണം എന്ന് പറഞ്ഞ് സ്‍ത്രീകളെ അവഹേളിക്കുകയാണ് ലക്ഷ്‍മി പ്രിയ എന്നും റിയാസ് പറഞ്ഞു. എന്നാല്‍ റിയാസിന്റെ ചോദ്യങ്ങളില്‍ പ്രകോപിതയാകാതെ മറുപടി പറഞ്ഞതിനാല്‍ ലക്ഷ്‍മി പ്രിയ വിജയിച്ചുവെന്ന് ഒടുവില്‍ ബിഗ് ബോസ് പ്രഖ്യപിച്ചു.
