മുന്നണിയിലെടുക്കില്ലെന്ന് യുഡിഎഫ്, സ്വതന്ത്രനായാൽ പിന്തുണക്കാമെന്ന വാഗ്‌ദാനം തള്ളി പിസി ജോർജ്

സ്വതന്ത്രനായാൽ പിന്തുണയ്ക്കാമെന്ന യുഡിഎഫ് നിലപാട് തള്ളി എൻഡിഎയുമായി ചർച്ചയ്ക്ക് ഒരുങ്ങുകയാണ് ജോർജ്ജ്

Kerala Assembly election PC George request to join UDF rejected MLA to seek NDA help

Thiruvananthapuram, First Published Feb 26, 2021, 9:18 PM IST | Last Updated Feb 26, 2021, 9:18 PM IST

തിരുവനന്തപുരം: പൂഞ്ഞാർ എംഎൽഎ പിസി ജോർജ്ജിനെ യുഡിഎഫിലെടുക്കില്ല. മുന്നണിയിലെടുക്കാനാകില്ലെന്ന് യുഡിഎഫ് നേതൃത്വം അറിയിച്ചു. സ്വതന്ത്രനായാൽ പിന്തുണയ്ക്കാമെന്ന യുഡിഎഫ് നിലപാട് ജോർജ്ജ് തള്ളി. എൻഡിഎയുമായി ചർച്ച സജീവമാക്കാനാണ് പിസി ജോർജ്ജിന്റെ തീരുമാനം.

രണ്ട് സീറ്റുകളും മുന്നണി പ്രവേശനവുമായിരുന്നു പിസി ജോർജ്ജിന്റെ യുഡിഎഫിനോടുള്ള അപേക്ഷ. എന്നാൽ രണ്ടും മുന്നണി നേതൃത്വം തള്ളി. എൻഡിഎ നേതാക്കളുമായി നാളെയും മറ്റന്നാളും സംസാരിക്കുമെന്ന് ജോർജ്ജ് വ്യക്തമാക്കി. അതിന് ശേഷം തീരുമാനം പ്രഖ്യാപിക്കും.