കപിലിനെയും മറികടന്ന് വിക്കറ്റ് വേട്ടയില്‍ റെക്കോര്‍ഡുമായി ജസ്പ്രീത് ബുമ്ര
അതിവേഗം 200 വിക്കറ്റ് തികയ്ക്കുന്ന രണ്ടാമത്തെ ഇന്ത്യൻ ബൗളറെന്ന റെക്കോര്‍ഡും ബുമ്ര ഇന്ന് സ്വന്തമാക്കി
Followമെല്‍ബണ്‍: ഓസ്ട്രേലിയക്കെതിരായ മെല്‍ബണ്‍ ക്രിക്കറ്റ് ടെസ്റ്റില്‍ വിക്കറ്റ് വേട്ടയില്‍ ഇന്ത്യൻ റെക്കോര്‍ഡിട്ട് ജസ്പ്രീത് ബുമ്ര. ഓസ്ട്രേലിയയുടെ രണ്ടാം ഇന്നിംഗ്സില്‍ ട്രാവിസ് ഹെഡിന്‍റെ വിക്കറ്റ് വീഴ്ത്തിയ ബുമ്ര ടെസ്റ്റില്‍ 200 വിക്കറ്റ് നേട്ടം തികച്ചു. അതിവേഗം ഈ നേട്ടത്തിലെത്തുന്ന ഇന്ത്യൻ പേസറെന്ന റെക്കോര്‍ഡാണ് ബുമ്ര സ്വന്തമാക്കിയത്. 44 ടെസ്റ്റില്‍ നിന്നാണ് ബുമ്ര 200 വിക്കറ്റ് തികച്ചത്.50 ടെസ്റ്റില്‍ നിന്ന് 200 വിക്കറ്റ് തികച്ച കപിൽ ദേവിന്‍റെ റെക്കോര്‍ഡാണ് ബുമ്ര തകര്‍ത്തത്.
അതിവേഗം 200 വിക്കറ്റ് തികയ്ക്കുന്ന രണ്ടാമത്തെ ഇന്ത്യൻ ബൗളറെന്ന റെക്കോര്‍ഡും ബുമ്ര ഇന്ന് സ്വന്തമാക്കി. 44 ടെസ്റ്റില്‍ നിന്ന് 200 വിക്കറ്റ് തികച്ച രവീന്ദ്ര ജഡേജയുടെ റെക്കോര്‍ഡിനൊപ്പമാണ് ബുമ്ര ഇന്നെത്തിയത്. 37 ടെസ്റ്റില്‍ 200 വിക്കറ്റ് തികച്ച ആര്‍ അശ്വിനാണ് അതിവേഗം 200 വിക്കറ്റ് തികച്ച ഇന്ത്യൻ ബൗളര്‍. ഹര്‍ഭജന്‍ സിംഗ്(46 ടെസ്റ്റ്), അനില്‍ കുംബ്ലെ(47 ടെസ്റ്റ്) എന്നിവരാണ് ബുമ്രക്ക് പിന്നിലുള്ളത്.
വിജയ് ഹസാരെ ട്രോഫി: ഇഷാന്ത് ശർമക്ക് മുന്നില്‍ അടിതെറ്റി വീണ് കേരളം; ഡല്‍ഹിക്കെതിരെയും തോല്‍വി
പന്തുകളുടെ അടിസ്ഥാനത്തില്‍ അതിവേഗം 200 വിക്കറ്റ് തികയ്ക്കുന്ന നാലാമത്തെ ബൗളറുമാണ് ബുമ്ര. 8484 പന്തുകളെറിഞ്ഞാണ് ബുമ്ര 200 ടെസ്റ്റ് വിക്കറ്റുകള്‍ സ്വന്തമാക്കിയത്. പാകിസ്ഥാന്‍റെ വഖാര്‍ യൂനിസ്(7848 പന്തുകള്‍), ദക്ഷിണാഫ്രിക്കയുടെ ഡെയ്ല്‍ സ്റ്റെയ്ന്‍(7848 പന്തുകള്‍) കാഗിസോ റബാഡ(8153 പന്തുകള്‍) എന്നിവരാണ് ടെസ്റ്റില്‍ ഏറ്റവും കുറഞ്ഞ പന്തുകളില്‍ 200 വിക്കറ്റ് തികച്ച ആദ്യ മൂന്നുപേര്‍. 200 വിക്കറ്റ് തികച്ച ബൗളര്‍മാരിലെ മികച്ച ബൗളിംഗ് ശരാശരിയും ബുമ്രയുടെ പേരിലാണ്. 19.56 ആണ് ബുമ്രയുടെ ബൗളിംഗ് ശരാശരി.
First Test wicket - AB Devilliers in 2018.
— Johns. (@CricCrazyJohns) December 29, 2024
200th Test wicket - Travis Head in 2024.
THE GREATEST EVER, BOOM. 🥶 pic.twitter.com/xAIKdj7GDx
33 ടെസ്റ്റില്‍ നിന്ന് 200 വിക്കറ്റ് വീഴ്ത്തിയ പാകിസ്ഥാന്‍ സ്പിന്നര്‍ യാസിര്‍ ഷായുടെ പേരിലാണ് രാജ്യാന്തര ക്രിക്കറ്റില്‍ അതിവേഗം 200 തികച്ച ബൗളറുടെ റെക്കോര്‍ഡ്. പേസര്‍മാരില്‍ 38 ടെസ്റ്റില്‍ നിന്ന് 200 വിക്കറ്റെടുത്ത ഓസീസ് പേസ് ഇതിഹാസം ഡെന്നിസ് ലില്ലിയുടെ പേരിലാണ് അതിവേഗം 200 വിക്കറ്റ് തികച്ചതിന്‍റെ റെക്കോര്‍ഡ്.
ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക
