വെടിക്കെട്ടോടെ സഞ്ജു തുടങ്ങി, അര്‍ധ സെഞ്ചുറി! മുഷ്താഖ് അലിയില്‍ സര്‍വീസസിനെതിരെ കേരളത്തിന് മികച്ച തുടക്കം
നേരത്തെ അഞ്ച് വിക്കറ്റ് നേടിയ അഖില്‍ സ്‌കറിയയാണ് സര്‍വീസസിനെ തകര്‍ത്തത്. നിധീഷ് എം ഡി രണ്ടും വിക്കറ്റ് വീഴ്ത്തി.
 )
Followഹൈദരാബാദ്: സയ്യിദ് മുഷ്താഖ് അലി ടി20യില്‍ സര്‍വീസസിനെതിരെ കേരളത്തിന് മികച്ച തുടക്കം. ഹൈദരാബാദ്, രാജീവ്ഗാന്ധി ഇന്റര്‍നാഷണല്‍ സ്‌റ്റേഡിയത്തില്‍ സര്‍വീസസ് ഉയര്‍ത്തിയ 150 റണ്‍സ് വിജയക്ഷ്യം പിന്തുടരാനെത്തിയ കേരളം 11 ഓവറില്‍ രണ്ട് വിക്കറ്റ് നഷ്ടത്തില്‍ 98 റണ്‍സെടുത്തിട്ടുണ്ട്. സഞ്ജു സാംസണ്‍ (54), മുഹമ്മദ് അസറുദ്ദീന്‍ (8) എന്നിവരാണ് ക്രീസില്‍. രോഹന്‍ കുന്നുമ്മല്‍ (27), വിഷ്ണു വിനോദ് (4) എന്നവരുടെ വിക്കറ്റുകള്‍ കേരളത്തിന് നഷ്ടമായി. ഓപ്പണിംഗ് വിക്കറ്റില്‍ 73 ചേര്‍ത്താണ് രോഹന്‍ മടങ്ങിയത്. വിശാല്‍ ഗൌറിന്‍റെ അതേ ഓവറില്‍ വിഷ്ണുവും മടങ്ങി. ക്യാപ്റ്റന്‍ കൂടിയായ സഞ്ജു ആദ്യ ഓവറില്‍ തന്നെ 18 റണ്‍സ് അടിച്ചെടുത്തു. 31 പന്തുകള്‍ മാത്രം നേരിട്ട താരം ഇതുവരെ ഒമ്പത് ബൗണ്ടറികള്‍ നേടിയിട്ടുണ്ട്.
നേരത്തെ അഞ്ച് വിക്കറ്റ് നേടിയ അഖില്‍ സ്‌കറിയയാണ് സര്‍വീസസിനെ തകര്‍ത്തത്. നിധീഷ് എം ഡി രണ്ടും വിക്കറ്റ് വീഴ്ത്തി. അഞ്ചില്‍ നാല് വിക്കറ്റും അഖില്‍ ഒരോവറിലാണ് സ്വന്തമാക്കിയത്. 29 പന്തില്‍ 41 റണ്‍സെടുത്ത മോഹിത് അഹ്ലാവദാണ് സര്‍വീസസിന്റെ ടോപ് സ്‌കോറര്‍. മോശം തുടക്കമായിരുന്നു സര്‍വീസസിന്. പവര്‍ പ്ലേ തീരുന്നതിന് മുമ്പ് അവര്‍ക്ക് രണ്ട് വിക്കറ്റുകള്‍ നഷ്ടമായി. ഓപ്പണര്‍മാരായ കുമാര്‍ പതക് (16), രോഹില്ല (2) എന്നിവരെ നിതീഷ് പുറത്താക്കുകയായിരുന്നു. ഇതോടെ രണ്ടിന് 35 എന്ന നിലയിലായി സര്‍വീസസ്.
എറിയെടാ, ഒന്ന് എറിഞ്ഞുനോക്കെടാ! ക്രീസില്‍ കയറാതെ ലബുഷെയ്‌നെ കൊതിപ്പിച്ച് ജയ്‌സ്വാള്‍ -വീഡിയോ
പിന്നാലെ വിതീക് ധന്‍കര്‍ (35) - മോഹിത് സഖ്യം 40 റണ്‍സ് കൂട്ടിചേര്‍ത്ത് തകര്‍ച്ചയില്‍ നിന്ന് രക്ഷിച്ചു. എന്നാല്‍ മോഹിത്തിനെ പുറത്താക്കി സിജോ മോന്‍ കേരളത്തിന് ബ്രേക്ക് ത്രൂ നല്‍കി. തുടര്‍ന്നാണ് മോഹിത്തിനൊപ്പം അരുണ്‍ കുമാര്‍ (22 പന്തില്‍ 28) ചേര്‍ന്നത്. ഇരുവരും 49 റണ്‍സ് ടോട്ടലിനൊപ്പം ചേര്‍ത്തു. എന്നാല്‍ അരുണിനെ പുറത്താക്കി വിനോദ് കുമാര്‍ കേരളത്തിന് ബ്രേക്ക് ത്രൂ നല്‍കി. വൈകാതെ 19-ാം ഓവറില്‍ അഹ്ലാവദിനെ, അഖില്‍ സ്‌കറിയയും മടക്കി. തൊട്ടടുത്ത പന്തില്‍ പി എസ് പൂനിയ (0)യും നാലാം പന്തില്‍ എം എസ് രതിയേയും (8) അവസാന പന്തില്‍ ഗൗരവ് ശര്‍മയേയും (1) അഖില്‍ മടക്കി. ഒരോവറില്‍ മാത്രം നാല് വിക്കറ്റാണ് അഖില്‍ വീഴ്ത്തിയത്. നാല് ഓവറില്‍ 30 റണ്‍സ് മാത്രം വഴങ്ങിയാണ് അഖില്‍ അഞ്ച് പേരെ പുറത്താക്കിയത്.
കേരളം: സഞ്ജു സാംസണ്‍ (ക്യാപ്റ്റന്‍, വിക്കറ്റ് കീപ്പര്‍), രോഹന്‍ കുന്നുമ്മല്‍, മുഹമ്മദ് അസറുദ്ദീന്‍, സച്ചിന്‍ ബേബി, വിഷ്ണു വിനോദ്, സല്‍മാന്‍ നിസാര്‍, അബ്ദുള്‍ ബാസിത്, അഖില്‍ സ്‌കറിയ, സിജോമോന്‍ ജോസഫ്, വിനോദ് കുമാര്‍, നിധീഷ് എം ഡി.
