SBI Recruitment : സ്റ്റേറ്റ് ബാങ്ക് ഓഫ് ഇന്ത്യ റിക്രൂട്ട്മെന്റ്; സ്പെഷലിസ്റ്റ് കേഡർ ഓഫീസർ 35 ഒഴിവുകൾ

ദില്ലി: സ്റ്റേറ്റ് ബാങ്ക് ഓഫ് ഇന്ത്യ (State Bank of India) നിരവധി ഒഴിവുകളിലേക്ക് അപേക്ഷ ക്ഷണിച്ചു. 35 സ്പെഷലിസ്റ്റ് കേഡർ ഓഫീസർ (Specialist Cadre Officer) തസ്തികയിലാണ് അപേക്ഷ ക്ഷണിച്ചിട്ടുള്ളത്. താത്പര്യമുള്ള ഉദ്യോ​ഗാർത്ഥികൾക്ക് ഔദ്യോ​ഗിക വെബ്സൈറ്റിൽ പുറപ്പെടുവിച്ചിരുന്ന വിജ്ഞാപനം പരിശോധിച്ച് അപേക്ഷിക്കാവുന്നതാണ്. കരാർ, സ്ഥിര നിയമനങ്ങളിലേക്കാണ് അപേക്ഷ. സ്ഥിര നിയമനത്തിനായി 7 ഒഴിവുകളാണുളളത്. കരാർ അടിസ്ഥാനത്തിലുള്ള നിയമനത്തിന് 29 ഒഴിവുകളുണ്ട്. ജനറൽ, ഒബിസി, ഇ ഡബ്ലിയു എസ് ഉദ്യോ​ഗാർത്ഥികൾക്ക് 750 രൂപയാണ് ഫീസ്. എസ് സി, എസ് ടി, പിഡബ്ലിയുഡി ഉദ്യോ​ഗാർത്ഥികൾക്ക് ഫീസില്ല. 

എസ്ബിഐയുടെ ഔദ്യോ​ഗിക വെബ്സൈറ്റ് ആയി  https://bank.sbi/web/careers വഴി അപേക്ഷ സമർപ്പിക്കാവുന്നതാണ്. ഇന്റർനെറ്റ് ബാങ്കിം​ഗ്, ഡെബിറ്റ് കാർഡ്, ക്രെഡിറ്റ് കാർഡ് എന്നിവ വഴി ഫീസടക്കാം. ഉദ്യോഗാർത്ഥികൾ ആദ്യം അവരുടെ ഏറ്റവും പുതിയ ഫോട്ടോയും ഒപ്പും സ്കാൻ ചെയ്യണം. വെബ്‌സൈറ്റിൽ വ്യക്തമാക്കിയ പ്രകാരം ഉദ്യോഗാർത്ഥി അവന്റെ/അവളുടെ ഫോട്ടോയും ഒപ്പും അപ്‌ലോഡ് ചെയ്യുന്നില്ലെങ്കിൽ ഓൺലൈൻ അപേക്ഷകൾ രജിസ്റ്റർ ചെയ്യാൻ സാധിക്കില്ല. ഓൺലൈൻ അപേക്ഷാ നടപടികൾ മേയ് 17-ന് അവസാനിക്കും. അഡ്മിറ്റ് കാർഡ് ജൂൺ 16 മുതൽ ലഭ്യമാകും, ഓൺലൈൻ പരീക്ഷ ജൂൺ 25-ന് താൽക്കാലികമായി നിശ്ചയിച്ചിരിക്കുന്നു.

• specialist cadre officer
• State bank of india Recruitment