റോയൽ എൻഫീൽഡ് ബിയർ 650; പ്രത്യേകതകൾ

ഐക്കണിക്ക് ഇരുചക്ര വാഹന ബ്രാൻഡായ റോയൽ എൻഫീൽഡ് അടുത്തിടെയാണ് പുതിയൊരു ബൈക്ക് ഇന്ത്യൻ വിപണിയിൽ അവതരിപ്പിച്ചത്. 650 സിസിയിൽ എത്തുന്ന റോയൽ എൻഫീൽഡിൻ്റെ ഏറ്റവും ഉയരം കൂടിയ ബൈക്കാണ് ബിയർ 650. ഉയർന്ന ഉയരം കാരണം, ഈ ബൈക്ക് ഉയരമുള്ള ആളുകൾക്ക് മികച്ച ഓപ്ഷനാണെന്ന് കമ്പനി പറയുന്നു. ക്ലാസിക് 650 പോലുള്ള മോട്ടോർസൈക്കിളുകൾ ഉൾപ്പെടുന്ന 650 സിസി ലൈനപ്പിലാണ് ഇത് വിൽക്കുന്നത്. ഇൻ്റർസെപ്റ്റർ 650 ൻ്റെ പ്ലാറ്റ്‌ഫോമിലാണ് കമ്പനി ഇത് നിർമ്മിച്ചിരിക്കുന്നത്.

മികച്ച ഓഫ്-റോഡ് പെർഫോമൻസിനായി 19 ഇഞ്ച് ഫ്രണ്ട് വീലും 17 ഇഞ്ച് പിൻ വീലും ബിയർ 650 ന് ഉണ്ട്. 184 എംഎം ഗ്രൗണ്ട് ക്ലിയറൻസുള്ള ബിയർ 650 റോയൽ എൻഫീൽഡിൻ്റെ 650 സിസി ലൈനപ്പിലെ ഏറ്റവും ഉയരം കൂടിയ ബൈക്ക് കൂടിയാണ്. റോയൽ എൻഫീൽഡിൻ്റെ ടിഎഫ്‍ടി ഡാഷുള്ള ഏക 650 സിസി മോട്ടോർസൈക്കിളാണെന്നതും ബിയർ 650ന്‍റെ പ്രത്യേകതയാണ്. ഇത് പുതിയ ഹിമാലയനിലും ലഭ്യമാണ് . 3.39 ലക്ഷം രൂപ മുതലാണ് ബിയർ 650 ൻ്റെ എക്‌സ് ഷോറൂം വില.

കോണ്ടൂർഡ് സീറ്റ്, വൈഡ് ഹാൻഡിൽബാർ, ന്യൂട്രൽ ഫുട്‌പെഗ് പൊസിഷനിംഗ് എന്നിവ ഈ ബൈക്കിലുണ്ട്, ഇത് റൈഡർമാർക്ക് മികച്ച ആശ്വാസം നൽകും. ട്രിപ്പർ ഡാഷും TFT ഡിസ്‌പ്ലേയും ഡ്രൈവ് ചെയ്യുമ്പോൾ നാവിഗേഷൻ എളുപ്പമാക്കും. ബിയർ 650 ന് പൂർണ്ണ LED ലൈറ്റിംഗ് സജ്ജീകരണമുണ്ട്. ബ്രേക്കിംഗിനായി മുന്നിൽ 320 എംഎം ഡിസ്‌ക്കും പിന്നിൽ 270 എംഎം ഡിസ്‌ക്കും നൽകിയിട്ടുണ്ട്. സ്വിച്ച് ചെയ്യാവുന്ന ഡ്യുവൽ ചാനൽ എബിഎസും ഇതിലുണ്ട്.

ഒറ്റ മാസം വിറ്റത് ഇത്രലക്ഷം ബുള്ളറ്റുകൾ! ശരിക്കും രാജാവാണെന്ന് തെളിയിച്ച് റോയൽ എൻഫീൽഡ്

പുതുക്കിയതും കരുത്തുറ്റതുമായ ഷാസിയുമായാണ് ഈ ബൈക്ക് വരുന്നതെന്ന് കമ്പനി പറയുന്നു. 130 എംഎം ട്രാവൽ ഉള്ള മുൻവശത്ത് ഷോവ യുഎസ്ഡി ബിഗ് പിസ്റ്റൺ ഫോർക്കുകളും പിന്നിൽ 115 എംഎം ട്രാവൽ ഉള്ള ഷോവ ട്വിൻ ട്യൂബ് ഷോക്കുകളുമാണ് സസ്പെൻഷൻ ഫീച്ചറുകൾ. കമ്പനിയുടെ പാരലൽ-ട്വിൻ 648 സിസി എഞ്ചിനാണ് റോയൽ എൻഫീൽഡ് ഇൻ്റർസെപ്റ്റർ ബിയർ 650 ന് കരുത്ത് പകരുന്നത്, ഇത് 47 ബിഎച്ച്പിയും 56.5 എൻഎം പീക്ക് ടോർക്കും നൽകുന്നു.

റോയൽ എൻഫീൽഡ് ബിയർ 650 നാല് സാധാരണ കളർ ഓപ്ഷനുകളിൽ വാങ്ങാം. ബോർഡ്‌വാക്ക് വൈറ്റ് (3.39 ലക്ഷം രൂപ), പെട്രോൾ ഗ്രീൻ ആൻഡ് വൈൽഡ് ഹണി (3.34 ലക്ഷം രൂപ), ഗോൾഡൻ ഷാഡോ (3.51 ലക്ഷം രൂപ) എന്നിവയ്‌ക്കൊപ്പം ടു ഫോർ ഒമ്പത് എന്ന പുതിയ കളർ ഓപ്ഷനും ഉണ്ട്. ഇതിൻ്റെ എക്സ് ഷോറൂം വില 3.59 ലക്ഷം രൂപയാണ്. 

• Royal Enfield Bear 650