'ബോഗീബീല്‍'; ഇന്ത്യയുടെ ഈ മാജിക്കില്‍ ഇനി ചൈന വിറയ്ക്കും!
രാജ്യത്തെ ഏറ്റവും നീളമുള്ള റെയില്‍ , റോഡ് പാലമായ അസമിലെ 'ബോഗീബീല്‍' പ്രധാനമന്ത്രി നരേന്ദ്ര മോദി ഇന്ന് രാജ്യത്തിന് സമര്‍പ്പിച്ചിരിക്കുകയാണ്. സഞ്ചാരികളുടെയും യാത്രാ സ്നേഹികളുടെയുമൊക്കെ അറിവിലേക്കായി ഇതാ ചില ബോഗീബീല്‍ വിശേഷങ്ങള്‍
 )
Follow
രാജ്യത്തെ ഏറ്റവും നീളമുള്ള റെയില്‍ റോഡ് പാലമായ അസമിലെ 'ബോഗീബീല്‍' പ്രധാനമന്ത്രി നരേന്ദ്ര മോദി ഇന്ന് രാജ്യത്തിന് സമര്‍പ്പിക്കുകയാണ്. സഞ്ചാരികളുടെയും യാത്രാ സ്നേഹികളുടെയുമൊക്കെ അറിവിലേക്കായി ഇതാ ചില ബോഗീബീല്‍ വിശേഷങ്ങള്‍
- പാലം ബ്രഹ്മപുത്ര നദിക്കു കുറുകെ
- ദിബ്രുഗഡ് - ധേമാജി ജില്ലകളെ പരസ്പരം ബന്ധിപ്പിക്കുന്നു
- പാലത്തിന്‍റെ രണ്ടു നിലകളിലായി റോഡും റെയിൽവെ ലൈനും. മുകളില്‍ മൂന്ന് വരി റോഡും താഴെ ഇരട്ട റെയില്‍ പാതയും
- നീളം 4.94 കിലോമീറ്റര്‍. ഉയരം ബ്രഹ്മപുത്ര നദീനിരപ്പില്‍ നിന്നും 32 മീറ്ററും
- അസമിൽ നിന്ന് അരുണാചലിലേക്കുള്ള ദൂരം 170 കിലോമീറ്റർ കുറയും. ഈ റൂട്ടിലെ സഞ്ചാരികള്‍ക്ക് ഏറെ പ്രയോജനകരം.
- അരുണാചലിലേക്ക് വേഗത്തില്‍ സൈന്യത്തെ എത്തിക്കാനും ഇന്ത്യയ്ക്ക് ഇനി സാധിക്കും. ചൈനീസ് അതിര്‍ത്തിയിലെ സൈനിക നീക്കത്തില്‍ ഈ പാലം ഇനി നിര്‍ണ്ണായക പങ്കു വഹിക്കും.
- യൂറോപ്യന്‍ മാതൃകയില്‍ പൂര്‍ണ്ണമായും വെല്‍ഡ് ചെയ്ത് നിര്‍മ്മിച്ച ഇന്ത്യയിലെ ആദ്യ പാലം. അതിനാല്‍ അറ്റകുറ്റപ്പണികള്‍ കുറവായിരുക്കുമെന്ന് എഞ്ചിയിര്‍മാര്‍ അവകാശപ്പെടുന്നു.
- ഏഷ്യയിലെ ഏറ്റവും വലിയ രണ്ടാമത്തെ റെയില്‍ റോഡ് പാലം
- 1997 ജനുവരി 22 ന് മുന്‍ പ്രധാനമന്ത്രി എച്ച് ഡി ദേവഗൗഡ തറക്കല്ലിട്ടു
- 2002 ഏപ്രില്‍ 21 ന് അടല്‍ ബിഹാരി വാജ്പേയി സര്‍ക്കാര്‍ നിര്‍മ്മാണം ആരംഭിച്ചു. അദ്ദേഹത്തിന്‍റെ 94ാം ജന്മദിനത്തില്‍ പാലം രാജ്യത്തിന് സമർപ്പിക്കപ്പെടുന്നു.
- നിര്‍മ്മാണച്ചെലവ് 5,900 കോടി
- 5.6 കിലോമീറ്റർ നീളമുള്ള ബാന്ദ്ര-വെർളി കടൽപ്പാലമാണ് നിലവിൽ ഇന്ത്യയിലെ ഏറ്റവും നീളംകൂടിയ റോഡ് പാലം. കൊച്ചിയിൽ വെമ്പനാട് കായലിന് കുറുകെയുള്ള റെയിൽപാലമാണ് ഏറ്റവും നീളമേറിയ റെയില്‍പ്പാലം. എന്നാല്‍ ഇനി റോഡും റെയിലും ഉൾക്കൊള്ളുന്ന ബോഗീബീൽ പാലമായിരിക്കും ഇന്ത്യയിലെ ആദ്യത്തെ നീളമേറിയ ഡബിൾ ഡക്കർ പാലം.
