ടാറ്റ കുതിക്കുന്നു, എക്കാലത്തെയും ഉയർന്ന പ്രതിമാസ ഇവി വിൽപ്പനയുമായി ടാറ്റ മോട്ടോഴ്സ്
3,507 യൂണിറ്റുകൾ വിറ്റഴിച്ച ഇലക്ട്രിക് കാറുകളുടെ എക്കാലത്തെയും ഉയർന്ന പ്രതിമാസ വിൽപ്പന റിപ്പോർട്ട് ചെയ്‍ത് ടാറ്റ മോട്ടോഴ്സ്. 2023 സാമ്പത്തിക വർഷത്തിന്റെ ആദ്യ പാദത്തിൽ 9,283 യൂണിറ്റുകൾ വിറ്റഴിച്ചതായും കമ്പനി അറിയിച്ചതായി ഹിന്ദുസ്ഥാന്‍ ടൈംസ് ഓട്ടോ റിപ്പോർട്ട് ചെയ്യുന്നു
 )
Follow3,507 യൂണിറ്റുകൾ വിറ്റഴിച്ച ഇലക്ട്രിക് കാറുകളുടെ എക്കാലത്തെയും ഉയർന്ന പ്രതിമാസ വിൽപ്പന റിപ്പോർട്ട് ചെയ്‍ത് ടാറ്റ മോട്ടോഴ്സ്. 2023 സാമ്പത്തിക വർഷത്തിന്റെ ആദ്യ പാദത്തിൽ 9,283 യൂണിറ്റുകൾ വിറ്റഴിച്ചതായും കമ്പനി അറിയിച്ചതായി ഹിന്ദുസ്ഥാന്‍ ടൈംസ് ഓട്ടോ റിപ്പോർട്ട് ചെയ്യുന്നു. നെക്‌സോൺ ഇവി, ടിഗോർ ഇവി തുടങ്ങിയ മോഡലുകൾക്കൊപ്പം ഇന്ത്യൻ ഇലക്ട്രിക് കാർ വിപണിയുടെ സിംഹഭാഗവും നിലവിൽ ടാറ്റ മോട്ടോഴ്‌സാണ്. ഇലക്ട്രിക് പവർട്രെയിനുകൾക്കൊപ്പം വരുന്ന പുതിയ ഉൽപ്പന്നങ്ങളുടെ ഒരു ശ്രേണിയിലും വാഹന നിർമ്മാതാവ് പ്രവർത്തിക്കുന്നു.
ഈ മോഡൽ ലോഞ്ച് ചെയ്‍തതുമുതൽ ടാറ്റ നെക്‌സോൺ ഇവി ഇന്ത്യയിലെ ഇലക്ട്രിക് കാർ മേഖലയിൽ ആധിപത്യം പുലർത്തുന്നു. നെക്സോണ്‍ ഇവിയുടെ വിജയത്തിൽ നിന്ന് പ്രചോദനം ഉൾക്കൊണ്ട്, ടാറ്റ മോട്ടോഴ്സ് ഈയിടെ എസ്‌യുവിയുടെ ഒരു പുതിയ വേരിയന്റ് അവതരിപ്പിച്ചിരുന്നു. ഇത് സ്റ്റാൻഡേർഡ് മോഡലിനെ അപേക്ഷിച്ച് വലിയ ബാറ്ററി പാക്കും മെച്ചപ്പെട്ട ശ്രേണിയുമായി വരുന്നു. ടാറ്റ നെക്‌സോൺ ഇവി മാക്‌സ് എന്ന ഈ ഇലക്ട്രിക് എസ്‌യുവിക്ക് മികച്ച പ്രതികരണമാണ് ലഭിക്കുന്നതെന്നും ടാറ്റാ മോട്ടോഴ്സ് അവകാശപ്പെടുന്നു.
Read more:3.2 സെക്കൻഡിൽ 100 കിലോമീറ്റർ വേഗതയിലേക്ക്; 'സുപ്പർ'കാർ എന്ന് വെറുതെ പറയുന്നതല്ല..!
വൈദ്യുത വാഹന വിൽപ്പന 9,283 ത്രൈമാസ വിൽപ്പനയോടെ പുതിയ ഉയരങ്ങളിലെത്തിയെന്നും 2022 ജൂണിൽ 3,507 യൂണിറ്റുകൾ വിറ്റെന്നും ഇലക്ട്രിക് കാറുകളുടെ പ്രകടനത്തെക്കുറിച്ച് സംസാരിച്ച ടാറ്റ മോട്ടോഴ്സ് പാസഞ്ചർ വെഹിക്കിൾസ് ലിമിറ്റഡിന്റെയും ടാറ്റ പാസഞ്ചർ ഇലക്ട്രിക് മൊബിലിറ്റി ലിമിറ്റഡിന്റെയും മാനേജിംഗ് ഡയറക്ടർ ശൈലേഷ് ചന്ദ്ര പറഞ്ഞു. 2022 മെയ് മാസത്തിൽ പുറത്തിറക്കിയ ടാറ്റ നെക്‌സോൺ ഇവി മാക്‌സിന് ശക്തമായ ഡിമാൻഡാണ് ഉണ്ടായതെന്നും അദ്ദേഹം പറഞ്ഞു.
Read more: വാണിജ്യ വാഹനങ്ങളുടെ വില വ൪ധന പ്രഖ്യാപിച്ച് ടാറ്റ; ജൂലൈ 1 മുതൽ പുതിയ വില
ഇന്ത്യൻ ഇലക്ട്രിക് കാർ വിപണിയിൽ തങ്ങളുടെ സാനിധ്യം കൂടുതൽ ശക്തമാക്കാനാണ് ടാറ്റ മോട്ടോഴ്സ് ലക്ഷ്യമിടുന്നത്. വാഹന നിർമ്മാതാവ് വരും ദിവസങ്ങളിൽ സെഗ്‌മെന്റിൽ കൂടുതൽ പുതിയ ഉൽപ്പന്നങ്ങൾ അവതരിപ്പിക്കുമെന്ന് പ്രതീക്ഷിക്കുന്നു. അവയിലൊന്ന് ടാറ്റ ആൾട്ടോഴ്‌സ് ഇവി ആയിരിക്കാം എന്നും ഹിന്ദുസ്ഥാന്‍ ടൈംസ് ഓട്ടോ റിപ്പോർട്ട് ചെയ്യുന്നു.
