പുതിയ ഡസ്റ്ററിനേക്കാൾ കൂടുതൽ ഫീച്ചറുകളുമായി നിസാൻ മിഡ്-സൈസ് എസ്‌യുവി

5,300 കോടി രൂപ മുതൽമുടക്കിൽ തദ്ദേശീയമായി നിർമ്മിച്ച ആറ് പുതിയ മോഡലുകൾ അവതരിപ്പിക്കാനുള്ള പദ്ധതി ഈ വർഷം ആദ്യം റെനോയും നിസാനും പ്രഖ്യാപിച്ചിരുന്നു. പ്ലാനിൽ നാല് പുതിയ എസ്‌യുവികളും (അഞ്ച്, ഏഴ് സീറ്റ് കോൺഫിഗറേഷനുകളുള്ള ന്യൂ-ജെൻ റെനോ ഡസ്റ്റർ, അവയുടെ നിസാൻ്റെ എതിരാളികൾ) വരാനിരിക്കുന്ന പുതിയ നിസാൻ എസ്‌യുവി പുതിയ ഡസ്റ്ററിനേക്കാൾ പ്രീമിയം ഉൽപ്പന്നമായിട്ടായിരിക്കും എത്തുക എന്നാണ് പുതിയ റിപ്പോര്‍ട്ടുകൾ. കൂടാതെ ചില അധിക സവിശേഷതകൾ വാഗ്ദാനം ചെയ്യുമെന്നും വില അൽപ്പം ഉയർന്നതായിരിക്കുമെന്നും റിപ്പോര്‍ട്ടുകൾ പറയുന്നു.

പുതിയ റെനോ ഡസ്റ്ററും അതിൻ്റെ നിസാൻ പതിപ്പിനും പ്രാദേശികവൽക്കരിച്ച സിഎംഎഫ്-ബി പ്ലാറ്റ്‌ഫോം അടിവരയിടും. എഞ്ചിൻ ഓപ്ഷനുകളിൽ 1.0L HR10, 1.3L HR13 ടർബോ പെട്രോൾ, 1.5L നാച്ചുറലി ആസ്പിറേറ്റഡ് പെട്രോൾ യൂണിറ്റ് എന്നിവ ഉൾപ്പെടുന്നു. പുതിയ നിസാൻ എസ്‌യുവി മോഡൽ ലൈനപ്പിന് ഡസ്റ്ററിനേക്കാൾ പരിമിതമായ എണ്ണം വേരിയൻ്റുകളുണ്ടാകും. ഫീച്ചറുകളുടെ കാര്യത്തിൽ, ഇത് പ്രീമിയം സീറ്റ് അപ്ഹോൾസ്റ്ററിയും നൂതന സാങ്കേതികവിദ്യയും വാഗ്ദാനം ചെയ്യാൻ സാധ്യതയുണ്ട് എന്നാണ് റിപ്പോര്‍ട്ടുകൾ.

രണ്ട് എസ്‌യുവികളുടെയും ഡിസൈനും സ്റ്റൈലിംഗും വ്യത്യസ്തമായിരിക്കും. പുതിയ നിസാൻ എസ്‌യുവി അതിൻ്റെ ഡിസൈൻ ഘടകങ്ങളിൽ ചിലത് മാഗ്‌നൈറ്റ് സബ്‌കോംപാക്റ്റ് എസ്‌യുവിയിൽ നിന്നും സ്വീകരിച്ചേക്കാം. അതായത് ഹെഡ്‌ലാമ്പുകളുള്ള Y- ആകൃതിയിലുള്ള DRL-കൾ, സി-പില്ലർ സംയോജിത പിൻ ഡോർ ഹാൻഡിലുകൾ, 18-ഇഞ്ച് അലോയ് വീലുകൾ, വീൽ ആർച്ചുകളിലെ പ്ലാസ്റ്റിക് ക്ലാഡിംഗ്, Y- ആകൃതിയിലുള്ള എൽഇഡി ടെയിൽലാമ്പുകൾ തുടങ്ങിയവ ഒരുപക്ഷേ മാഗ്നെറ്റിൽ നിന്നും ലഭിക്കും.

ലോഞ്ച് ചെയ്‍തതിനു ശേഷം പുതിയ തലമുറ റെനോ ഡസ്റ്റർ അഞ്ച് സീറ്റർ മാരുതി സുസുക്കി ഗ്രാൻഡ് വിറ്റാര, എംജി ആസ്റ്റർ എന്നിവയുടെ പെട്രോൾ വേരിയൻ്റുകളോട് മത്സരിക്കും. യഥാക്രമം 11.62 ലക്ഷം, 11.59 ലക്ഷം, 11.69 ലക്ഷം രൂപ വിലയുള്ള ഫോക്‌സ്‌വാഗൺ ടൈഗൺ, സ്‌കോഡ കുഷാക്ക്, ഹോണ്ട എലിവേറ്റ് എന്നിവയ്‌ക്കെതിരെയാണ് പുതിയ നിസാൻ എസ്‌യുവി മത്സരിക്കുക. ഏഴ് സീറ്റുള്ള റെനോ ഡസ്റ്ററും അതിൻ്റെ നിസാൻ്റെ എതിരാളിയും ഡാസിയ ബിഗ്സ്റ്റർ ആശയത്തെ അടിസ്ഥാനമാക്കിയുള്ളതായിരിക്കും. 2026 ഓടെ ഈ മോഡലുകൾ നിരത്തിലെത്തുമെന്നാണ് പ്രതീക്ഷിക്കുന്നത്.

• New Nissan SUV