അൽപ്പം വൈകിയാലെന്താ? വന്നത് മാരുതിയുടെ മാരക ഐറ്റം! സുസുക്കി ഇ-വിറ്റാര കണ്ടുഞെട്ടി എതിരാളികൾ!
മാരുതി സുസുക്കി വിറ്റാര മിഡ് സൈസ് എസ്യുവിയുടെ ഇലക്ട്രിക്ക് പതിപ്പിനെ അവതരിപ്പിച്ചു. മാരുതി സുസുക്കിയുടെ ആദ്യ ഇലക്ട്രിക് കാറിന് ഇ വിറ്റാര എന്നാണ് പേര്. ഇറ്റലിയിലെ മിലാനിൽ നടന്ന ചടങ്ങിലാണ് പേര് ഔദ്യോഗികമായി സ്ഥിരീകരിച്ചത്. മാരുതി സുസുക്കി eVX കൺസെപ്റ്റിൻ്റെ പ്രൊഡക്ഷൻ-റെഡി പതിപ്പാണ് പുതിയ ഇലക്ട്രിക്ക് വിറ്റാര.
Followഇന്തോ - ജാപ്പനീസ് വാഹന നിർമാതാക്കളായ മാരുതി സുസുക്കി വിറ്റാര മിഡ് സൈസ് എസ്യുവിയുടെ ഇലക്ട്രിക്ക് പതിപ്പിനെ അവതരിപ്പിച്ചു. മാരുതി സുസുക്കിയുടെ ആദ്യ ഇലക്ട്രിക് കാറിന് ഇ വിറ്റാര എന്നാണ് പേര്. ഇറ്റലിയിലെ മിലാനിൽ നടന്ന ചടങ്ങിലാണ് പേര് ഔദ്യോഗികമായി സ്ഥിരീകരിച്ചത്. മാരുതി സുസുക്കി eVX കൺസെപ്റ്റിൻ്റെ പ്രൊഡക്ഷൻ-റെഡി പതിപ്പാണ് പുതിയ ഇലക്ട്രിക്ക് വിറ്റാര. ടാറ്റ കർവ്വ് ഇവി , എംജി ഇസെഡ് ഇവി, വരാനിരിക്കുന്ന മഹീന്ദ്ര BE 05, ഹ്യുണ്ടായ് ക്രെറ്റ ഇവി എന്നിവയുമായി മത്സരിക്കാൻ ഈ മോഡൽ അടുത്ത വർഷം ആദ്യം ഇന്ത്യയിൽ എത്തും.
സുസുക്കിയുടെ ഗുജറാത്ത് പ്ലാന്‍റ് ഇലക്ട്രിക്ക് വിറ്റാര എസ്യുവിയുടെ പ്രൊഡക്ഷൻ ഹബ്ബായി പ്രവർത്തിക്കും. അതിൻ്റെ ഉൽപ്പാദനത്തിൻ്റെ 50 ശതമാനവും യൂറോപ്പും ജപ്പാനും ഉൾപ്പെടെയുള്ള കയറ്റുമതി വിപണികൾക്കായി ഉപയോഗിക്കും. ഇന്ത്യയിൽ, മാരുതി ഇ വിറ്റാര 2025 ജനുവരിയിൽ ഭാരത് മൊബിലിറ്റി ഷോയിൽ ആദ്യമായി അവതരിപ്പിക്കും. ഔദ്യോഗിക അനാച്ഛാദനത്തിന് ഏതാനും മാസങ്ങൾക്ക് ശേഷം കാറിൻ്റെ വിപണി ലോഞ്ച് നടക്കും.
പുതിയ മാരുതി ഇ വിറ്റാര, ഹാർട്ട്‌ടെക്റ്റ്-ഇ എന്ന പുതിയ സ്കേറ്റ്‌ബോർഡ് പ്ലാറ്റ്‌ഫോമിൽ എത്തും. ഇത് കനംകുറഞ്ഞ ഘടനയും ഉയർന്ന വോൾട്ടേജ് പരിരക്ഷയും ഹ്രസ്വമായ ഓവർഹാംഗ് കാരണം വിശാലമായ ഇൻ്റീരിയറും വാഗ്ദാനം ചെയ്യുമെന്ന് കമ്പനി പറയുന്നു. 49kWh, 61kWh എന്നീ രണ്ട് ബാറ്ററി പായ്ക്കുകളിൽ ഈ ഇലക്ട്രിക് എസ്‌യുവി ലഭ്യമാകും. ആൾഗ്രിപ്പ്-ഇ സിസ്റ്റം എന്നറിയപ്പെടുന്ന ഡ്യുവൽ-മോട്ടോർ 4WD ഓപ്ഷനുമായാണ് വലിയ ബാറ്ററി പായ്ക്ക് വരുന്നത്. ചൈനീസ് ബാറ്ററി ഭീമനായ ബിവൈഡിയിൽ നിന്നുള്ള ലിഥിയം അയൺ-ഫോസ്ഫേറ്റ് ബ്ലേഡ് സെല്ലുകളായിരിക്കും ഇ-വിറ്റാരയുടെ ഹൃദയം. റേഞ്ചിനെക്കുറിച്ച് ഔദ്യോഗികമായ കണക്കുകളൊന്നും പുറത്തുവിട്ടിട്ടില്ലെങ്കിലും വലിയ 61kWh ബാറ്ററി സിംഗിൾ ചാർജിൽ 500 കിലോമീറ്ററിന് മുകളിൽ റേഞ്ച് നൽകിയേക്കുമെന്നാണ് റിപ്പോർട്ടുകൾ. ഇതിന് ഒരു ട്രയൽ മോഡും ഉണ്ട്. ഇത് മണ്ണിൽ പുതഞ്ഞു കറങ്ങുന്ന ചക്രങ്ങൾക്ക് സഹായിക്കുകയും പരുക്കൻ ഭൂപ്രദേശങ്ങളിൽ നിന്ന് രക്ഷപ്പെടാൻ എതിർ ചക്രത്തിലേക്ക് ഡ്രൈവ് ടോർക്ക് വിതരണം ചെയ്യുകയും ചെയ്യും.
26കിമിക്കും മേൽ മൈലേജ്! പെട്രോൾ മണം മാത്രം മതി ഈ മാരുതി കാറുകൾക്ക്!
49kWh, 61kWh ബാറ്ററി ഓപ്‌ഷനുകൾ, ഫ്രണ്ട് ആക്‌സിലിൽ ഒരൊറ്റ മോട്ടോർ ഉപയോഗിച്ച്, യഥാക്രമം 144bhp, 174bhp പവർ ഔട്ട്‌പുട്ടുകൾ ഉത്പാദിപ്പിക്കുന്നു. രണ്ട് കോൺഫിഗറേഷനുകളുടെയും ടോർക്ക് ഔട്ട്പുട്ട് ഒന്നുതന്നെയായിരിക്കും. 189Nm ആയിരിക്കും ഇത്. ഡ്യുവൽ ഇലക്ട്രിക് മോട്ടോറുകളുള്ള ഇ-ഓൾഗ്രിപ്പ് എഡബ്ല്യുഡി പതിപ്പ് പരമാവധി 184bhp കരുത്തും 300Nm ടോർക്കും നൽകുന്നു. മുന്നിലും പിന്നിലും വെൻ്റിലേറ്റഡ് ഡിസ്‌ക് ബ്രേക്കുകൾ സജ്ജീകരിച്ചിരിക്കുന്ന മാരുതി ഇ വിറ്റാരയിൽ 2WD വേരിയൻ്റുകൾക്ക് 225/55 R18 ടയറുകളും 4WD വേരിയൻ്റുകൾക്ക് 225/50 R19 ടയറുകളും ഉണ്ട്.
കൺസെപ്റ്റ് മോഡലിന് സമാനമായി മാരുതി സുസുക്കി ഇ വിറ്റാര ഒരു "ഹൈ-ടെക് ആൻഡ് അഡ്വഞ്ചർ" ഡിസൈൻ തീം പിന്തുടരുന്നു. ഒരു ആധുനിക ബിഇവിയുടെ നൂതനമായ അനുഭവവും ഒരു എസ്യുവിയുടെ കരുത്തും സമന്വയിപ്പിക്കുന്നുവെന്ന് കമ്പനി അവകാശപ്പെടുന്നു. മുന്നിലും പിന്നിലും ട്രൈ-സ്ലാഷ് LED DRL-കൾ, വലിയ അലോയ് വീലുകൾ, സി-പില്ലർ ഘടിപ്പിച്ച പിൻ ഡോർ ഹാൻഡിലുകൾ, ബോഡിക്ക് ചുറ്റും കറുത്ത പ്ലാസ്റ്റിക് ക്ലാഡിംഗ് എന്നിവയാണ് ഇലക്ട്രിക് എസ്യുവിയുടെ സവിശേഷത.
മാരുതി സുസുക്കി ഇ വിറ്റാരയ്ക്ക് 4,275 എംഎം നീളവും 1,800 എംഎം വീതിയും 1,635 എംഎം ഉയരവുമുണ്ട്. ഇലക്ട്രിക് എസ്‌യുവിക്ക് 2,700 എംഎം വീൽബേസും 180 എംഎം ഗ്രൗണ്ട് ക്ലിയറൻസുമുണ്ട്. ഇതിൻ്റെ ഭാരം 1,702 കിലോഗ്രാം മുതൽ 1,899 കിലോഗ്രാം വരെയാണ്. സുസുക്കി ഇ വിറ്റാരയുടെ ഇൻ്റീരിയർ ബ്രാൻഡിൻ്റെ നിലവിലുള്ള മോഡലുകളേക്കാൾ കൂടുതൽ പ്രീമിയം അനുഭവം വാഗ്ദാനം ചെയ്യുന്നു. ഫ്ലോട്ടിംഗ് ഡ്യുവൽ സ്‌ക്രീൻ ഇൻഫോടെയ്ൻമെൻ്റ് സിസ്റ്റവും ഇൻസ്ട്രുമെൻ്റ് ക്ലസ്റ്ററുമാണ് ശ്രദ്ധേയമായ സവിശേഷത. സെൻ്റർ കൺസോളിലെ ഗ്ലോസ് ബ്ലാക്ക് ഫിനിഷ്, ട്വിൻ-സ്‌പോക്ക് ഫ്ലാറ്റ്-ബോട്ടം സ്റ്റിയറിംഗ് വീൽ, റോട്ടറി ഡ്രൈവ് മോഡ് സെലക്ടർ, ബ്രഷ് ചെയ്ത സിൽവർ സറൗണ്ടുകളുള്ള ചതുരാകൃതിയിലുള്ള എസി വെൻ്റുകൾ തുടങ്ങിയവയാണ് മറ്റ് ഡിസൈൻ ഘടകങ്ങൾ.
വയർലെസ് ഫോൺ ചാർജർ, ഡ്രൈവ് മോഡുകൾ, സിംഗിൾ സോൺ ഓട്ടോമാറ്റിക് ക്ലൈമറ്റ് കൺട്രോൾ, ക്രമീകരിക്കാവുന്ന ഹെഡ്‌റെസ്റ്റുകൾ, ആപ്പിൾ കാർപ്ലേ, ആൻഡ്രോയിഡ് ഓട്ടോ കണക്റ്റിവിറ്റി എന്നിവ കാറിലെ പ്രധാന സവിശേഷതകളിൽ ഉൾപ്പെടുന്നു. സുരക്ഷാ മുൻവശത്ത്, മാരുതി ഇ വിറ്റാരയിൽ അഡാപ്റ്റീവ് ക്രൂയിസ് കൺട്രോൾ, ലെയ്ൻ-കീപ്പിംഗ് അസിസ്റ്റ്, ഹിൽ ഡിസൻ്റ് കൺട്രോൾ, ഓട്ടോ ഹോൾഡോടുകൂടിയ ഇലക്ട്രോണിക് പാർക്കിംഗ് ബ്രേക്ക്, ഐസോഫിക്സ് ചൈൽഡ് സീറ്റ് മൗണ്ടുകൾ, എല്ലാ യാത്രക്കാർക്കും ത്രീ-പോയിൻ്റ് സീറ്റ് ബെൽറ്റുകൾ തുടങ്ങിയ ഫീച്ചറുകളും മാരുതി സുസുക്കി ഇ-വിറ്റാരയിൽ ഉണ്ട്.
