റെക്കോർഡ്! XUV700 വാങ്ങാൻ മത്സരം, 33 മാസത്തിനകം മഹീന്ദ്ര നിർമ്മിച്ചത് രണ്ടുലക്ഷത്തിലധികം യൂണിറ്റുകൾ
മഹീന്ദ്ര ആൻഡ് മഹീന്ദ്രയുടെ ഏറ്റവും കൂടുതൽ വിറ്റഴിക്കപ്പെടുന്ന XUV700 ൻ്റെ ഉത്പാദനം രണ്ടുലക്ഷം യൂണിറ്റുകൾ കടന്നു. വെറും 33 മാസത്തിനുള്ളിലാണ് ഈ നാഴികക്കല്ല് സ്വന്തമാക്കിയതെന്ന് കമ്പനി വാർത്താക്കുറിപ്പിൽ അറിയിച്ചു.
 )
Followഇന്ത്യയിലെ മുൻനിര എസ്‌യുവി നിർമ്മാതാക്കളായ മഹീന്ദ്ര ആൻഡ് മഹീന്ദ്രയുടെ ഏറ്റവും കൂടുതൽ വിറ്റഴിക്കപ്പെടുന്ന XUV700 ൻ്റെ ഉത്പാദനം രണ്ടുലക്ഷം യൂണിറ്റുകൾ കടന്നു. വെറും 33 മാസത്തിനുള്ളിലാണ് ഈ നാഴികക്കല്ല് സ്വന്തമാക്കിയതെന്ന് കമ്പനി വാർത്താക്കുറിപ്പിൽ അറിയിച്ചു. ഈ നാഴികക്കല്ല് അടയാളപ്പെടുത്തുന്നതിന്, മഹീന്ദ്ര രണ്ട് പുതിയ നിറങ്ങൾ ഹീന്ദ്ര രണ്ട് പുതിയ നിറങ്ങൾ പുറത്തിറക്കി. ഡീപ് ഫോറസ്റ്റ്, ബേൺ സിയന്ന എന്നിവയാണ് ഈ നിറങ്ങൾ. ഇതിൽ ബേൺ സിയന്ന XUV700ന് മാത്രമുള്ളതാണെന്നും കമ്പനി വാർത്താക്കുറിപ്പിൽ അറിയിച്ചു.
മഹീന്ദ്ര XUV700 അതിൻ്റെ ഒഴിവാക്കാനാവാത്ത സാന്നിധ്യം, കഠിനവും എന്നാൽ പരിഷ്കൃതവുമായ അനുഭവം, ആവേശകരമായ പ്രകടനം, ലോകോത്തര സുരക്ഷ, നൂതന സാങ്കേതികവിദ്യ എന്നിവയ്ക്കായി ഇന്ത്യൻ ഉപഭോക്താക്കളെ ആഴത്തിൽ സ്വാധീനിച്ചുവെന്ന് കമ്പനി പറയുന്നു. ഒരു പുതിയ സ്റ്റാൻഡേർഡ് സജ്ജമാക്കിയെന്നും അതിൽ അലക്‌സാ ബിൽറ്റ്-ഇൻ ഫംഗ്‌ഷണാലിറ്റി, ലെവൽ 2 എഡിഎഎസ്, ഡ്യുവൽ 26.03 സെ.മീ എച്ച്‌ഡി സൂപ്പർസ്‌ക്രീൻ തുടങ്ങിയവ ഉൾപ്പെടെ സെഗ്‌മെൻ്റ്-ഫസ്റ്റ് ഫീച്ചറുകൾ അവതരിപ്പിച്ചുവെന്നും മഹീന്ദ്ര പറയുന്നു. "2022 ഇന്ത്യൻ കാർ ഓഫ് ദ ഇയർ" ഉൾപ്പെടെ 40 അഭിമാനകരമായ അവാർഡുകളുടെ പിന്തുണയോടെ നഗര ഡ്രൈവിംഗ് അനുഭവത്തിനും അവിസ്മരണീയമായ ഹൈവേ യാത്രകൾക്കുമുള്ള പ്രീമിയർ എസ്‌യുവി എന്ന നിലയിൽ ഇത് അതിൻ്റെ സ്ഥാനം ഉറപ്പിക്കുന്നുവെന്നും കമ്പനി അവകാശപ്പെടുന്നു.
XUV700 എസ്‌യുവി 2022-ലെ ഇന്ത്യയുടെ ഏറ്റവും സുരക്ഷിതമായ വാഹനമായ "സേഫർ ചോയ്‌സ് അവാർഡും" ഗ്ലോബൽ എൻസിഎപിയുടെ 5-സ്റ്റാർ റേറ്റിംഗും സ്വന്തമാക്കിയിട്ടുണ്ട്. ഗ്ലോബൽ എൻസിഎപിയുടെ സേഫ് കാർ ഇന്ത്യ കാമ്പെയ്‌നിൽ ഏറ്റവും ഉയർന്ന സംയോജിത ഒക്യുപൻ്റ് സേഫ്റ്റി റേറ്റിംഗ് ഇത് നേടി. മുതിർന്ന യാത്രക്കാരുടെ സംരക്ഷണത്തിനായി അഞ്ച് നക്ഷത്രങ്ങളും കുട്ടികളുടെ യാത്രക്കാരുടെ സംരക്ഷണത്തിന് നാല് നക്ഷത്രങ്ങളും നേടി.
ഉപഭോക്തൃ അനുഭവം തുടർച്ചയായി മെച്ചപ്പെടുത്തുന്നതിനുള്ള മഹീന്ദ്രയുടെ പ്രതിബദ്ധത പ്രതിഫലിപ്പിച്ചുകൊണ്ട്, വെൻ്റിലേറ്റഡ് ഫ്രണ്ട് സീറ്റുകൾ, മെമ്മറി ഓആഞവിഎമ്മുകൾ, നാപ്പോളി ബ്ലാക്ക് കളർ തുടങ്ങിയ പുതിയ ഫീച്ചറുകളോടെ അടുത്തിടെ പരിഷ്‍കരിച്ച XUV700 പുറത്തിറക്കി. കൂടാതെ, AX5 സെലെക്ട്, MX 7-സീറ്റർ, ബ്ലേസ് എഡിഷൻ എന്നിവയുടെ വരവ് ലൈനപ്പിനെ വൈവിധ്യവൽക്കരിക്കുകയും ഉപഭോക്താക്കളുടെ പ്രവേശനക്ഷമതയും ആകർഷകത്വവും വർദ്ധിപ്പിക്കുകയും ചെയ്തുവെന്നുൂം വേഗത്തിലുള്ള ഡെലിവറികൾ ഉറപ്പാക്കിക്കൊണ്ട് മഹീന്ദ്ര അതിൻ്റെ ഉൽപ്പാദന ശേഷിയും വിപുലീകരിച്ചുവെന്നും മഹീന്ദ്ര പറയുന്നു. ലോഞ്ച് ചെയ്ത് 21 മാസത്തിനുള്ളിൽ മഹീന്ദ്ര ആദ്യത്തെ 100,000 യൂണിറ്റ് ഉൽപ്പാദനം പൂർത്തിയാക്കി, എന്നാൽ അടുത്ത 100,000 യൂണിറ്റുകൾ ഒരു വർഷത്തിനുള്ളിൽ കൈവരിക്കാൻ കഴിഞ്ഞു.
മെക്കാനിക്കലായി, XUV700-ന് കരുത്തേകുന്നത് 197 എച്ച്പിയും 380 എൻഎമ്മും ഉത്പാദിപ്പിക്കുന്ന 2.0-ലിറ്റർ ടർബോ പെട്രോൾ എഞ്ചിനും 153-182 എച്ച്പിയും 360-420 എൻഎമ്മും പുറപ്പെടുവിക്കുന്ന 2.2 ലിറ്റർ ഡീസൽ എഞ്ചിനുമാണ്. ട്രാൻസ്മിഷൻ ഓപ്ഷനുകളിൽ 6-സ്പീഡ് മാനുവലും 6-സ്പീഡ് ഓട്ടോമാറ്റിക്കും ഉൾപ്പെടുന്നു.
