ഏഴുപേർക്ക് സുഖയാത്ര, വില ആറുലക്ഷം! ഈ കാറുകൾ ഉടനെത്തും, ഇനി ഇന്നോവയും എർട്ടിഗയുമൊക്കെ കരയും മോനേ!
പല കമ്പനികളും ഈ സെഗ്‌മെൻ്റിൽ പുതിയ മോഡലുകൾ കൊണ്ടുവരാൻ തയ്യാറായിക്കഴിഞ്ഞു. ഇതാ വരാനിരിക്കുന്ന ഇത്തരം ചില പുതിയ കാറുകളെക്കുറിച്ച് അറിയാം
 )
Followഇന്ത്യൻ വാഹന ഉപഭോക്താക്കൾ ഇപ്പോൾ ഏഴ് സീറ്റർ കാറുകൾ കൂടുതൽ ഇഷ്‍ടപ്പെട്ടു തുടങ്ങിയിരിക്കുന്നു. ഈ കാറുകളിൽ ധാരാളം സ്ഥലമുണ്ട് എന്നതും ഏഴ് പേർക്ക് ഇതിൽ എളുപ്പത്തിൽ ഇരിക്കാനും യാത്ര ചെയ്യാനും കഴിയും എന്നതുമൊക്കെയാണ് ഈ ജനപ്രിയതയ്ക്ക് കാരണം. യാത്രക്കാർ കുറവുള്ളപ്പോൾ വലിയ ബൂട്ട് സ്പേസും ലഭ്യമാണ്. ഈ വിഭാഗത്തിൽ മാരുതി എർട്ടിഗയ്ക്കാണ് ഏറ്റവും കൂടുതൽ ഡിമാൻഡുള്ളത്. അതേസമയം, മഹീന്ദ്ര സ്കോർപിയോ, മഹീന്ദ്ര ബൊലേറോ, കിയ കാരൻസ്, മാരുതി ഇക്കോ, ടൊയോട്ട ഇന്നോവ ക്രിസ്റ്റ, മഹീന്ദ്ര XUV700 തുടങ്ങിയ മോഡലുകളും ഉപഭോക്താക്കൾ ഇഷ്ടപ്പെടുന്നു. ഇത്തരമൊരു സാഹചര്യത്തിൽ പല കമ്പനികളും ഈ സെഗ്‌മെൻ്റിൽ പുതിയ മോഡലുകൾ കൊണ്ടുവരാൻ തയ്യാറായിക്കഴിഞ്ഞു. ഇതാ വരാനിരിക്കുന്ന ഇത്തരം ചില പുതിയ കാറുകളെക്കുറിച്ച് അറിയാം
1 മാരുതി കോംപാക്റ്റ് എംപിവി (ടൊയോട്ട പതിപ്പ്)
മാരുതി സുസുക്കി ജപ്പാൻ-സ്പെക് സ്പേഷ്യയെ അടിസ്ഥാനമാക്കി ഒരു പുതിയ മിനി എംപിവി കൊണ്ടുവരാൻ സാധ്യതയുണ്ട്. പുതിയ ഇസഡ്-സീരീസ് പെട്രോൾ എഞ്ചിനുമായി വരാൻ സാധ്യതയുള്ള, സബ്-4 മീറ്റർ എംപിവി ആയിരിക്കുമെന്ന് റിപ്പോർട്ടുകളുണ്ട്. സ്വിഫ്റ്റ് ഹാച്ച്ബാക്കിന് കരുത്തേകുന്നതാണ് ഈ മോട്ടോർ. എങ്കിലും, നിലവിൽ വികസിപ്പിച്ചുകൊണ്ടിരിക്കുന്ന മാരുതി സുസുക്കിയുടെ സ്വന്തം ശക്തമായ ഹൈബ്രിഡ് സിസ്റ്റത്തിനൊപ്പം പെട്രോൾ യൂണിറ്റും വാഗ്ദാനം ചെയ്തേക്കാം. ഫോർഡ് ഫോക്കസ് ഫെയ്‌സ്‌ലിഫ്റ്റ്, പുതിയ തലമുറ ബലേനോ ഹാച്ച്‌ബാക്ക്, സ്‌പാസിയ-ബെസ്റ്റ് മിനി എംപിവി, പുതിയ തലമുറ സ്വിഫ്റ്റ് എന്നിവയുൾപ്പെടെ അതിൻ്റെ മാസ്-മാർക്കറ്റ് ഉൽപ്പന്നങ്ങൾക്കായി ബ്രാൻഡിൻ്റെ പുതിയ എച്ച്ഇവി പവർട്രെയിൻ ഉപയോഗിക്കും.
2 ട്രൈബർ ബേസ്‍ഡ് നിസാൻ കോംപാക്റ്റ് എംപിവി
പുതിയ എൻട്രി ലെവൽ എംപിവിയിലൂടെ തങ്ങളുടെ വാഹന ശ്രേണി വിപുലീകരിക്കാൻ നിസാൻ ഇന്ത്യ പദ്ധതിയിടുന്നു. റെനോ ട്രൈബറിനെ അടിസ്ഥാനമാക്കിയായിരിക്കും ഇത്. മാഗ്‌നൈറ്റ് സബ്-കോംപാക്റ്റ് എസ്‌യുവിയുമായി മോഡൽ ചില ഡിസൈൻ ഘടകങ്ങൾ പങ്കിടാൻ സാധ്യതയുണ്ട്. അതിൻ്റെ മിക്ക സവിശേഷതകളും ഇൻ്റീരിയർ ലേഔട്ടും എഞ്ചിൻ സജ്ജീകരണവും മാഗ്നൈറ്റിൽ നിന്ന് സ്വകരിച്ചേക്കാം. പുതിയ നിസാൻ കോംപാക്ട് MPV-ക്ക് 1.0L, 3-സിലിണ്ടർ നാച്ചുറലി ആസ്പിറേറ്റഡ് പെട്രോൾ എഞ്ചിൻ നൽകാം, ഇത് പരമാവധി 71bhp കരുത്തും 96Nm ടോർക്കും ഉത്പാദിപ്പിക്കുമെന്ന് അവകാശപ്പെടുന്നു. 7 സീറ്റുള്ള ഈ ഫാമിലി കാറിൻ്റെ വില ഏകദേശം ആറുലക്ഷം രൂപ മുതൽ ആരംഭിക്കാൻ സാധ്യതയുണ്ട് എന്നാണ് റിപ്പോര്‍ട്ടുകൾ.
3 കിയ കാരൻസ് ഇവി
കിയ ഇന്ത്യ ഇന്ത്യൻ വിപണിയിൽ താങ്ങാനാവുന്ന ഒരു ഇലക്ട്രിക് വെഹിക്കിൾ (ഇവി) അവതരിപ്പിക്കാൻ ഒരുങ്ങുകയാണ്. കാരൻസ് ഇവി, കൈറോസ് ഇവി എന്നിവ ഇതിൽ ഉൾപ്പെടുത്താം. രണ്ട് മോഡലുകളും 2025 ൻ്റെ രണ്ടാം പകുതിയിൽ നിരത്തിലെത്തുമെന്ന് പ്രതീക്ഷിക്കുന്നു. ഈ മാസ്-മാർക്കറ്റ് EV-കൾ ഉപയോഗിച്ച് 2026-ഓടെ 50,000 - 60,000 യൂണിറ്റുകളുടെ സംയോജിത വിൽപ്പന കൈവരിക്കാൻ കമ്പനി പ്രതീക്ഷിക്കുന്നു. വരാനിരിക്കുന്ന കിയ കാരൻസ് ഇവിയുടെ (KY-EV എന്ന കോഡ്നാമം) വിലയും കുറയുമെന്ന് പ്രതീക്ഷിക്കുന്നു. എന്നാൽ, അതിൻ്റെ വിശദാംശങ്ങൾ ഇതുവരെ വെളിപ്പെടുത്തിയിട്ടില്ല. കിയ കാരൻസിന് ഇന്ത്യൻ വിപണിയിൽ മികച്ച പ്രതികരണമാണ് ലഭിക്കുന്നത്.
