തലമുറ മാറ്റം നേടാൻ ഈ വാഹനങ്ങൾ
മാരുതി സുസുക്കി, ഹ്യുണ്ടായ്, മഹീന്ദ്ര, ടൊയോട്ട, റെനോ തുടങ്ങിയ കമ്പനികളിൽ നിന്നുള്ള ഇന്ത്യയിലെ മികച്ച അഞ്ച് എസ്‌യുവികളുടെയും കാറുകളുടെയും പുതിയ തലമുറപതിപ്പുകൾ വിപണിയിലേക്ക്. അടുത്ത രണ്ട് വർഷത്തിനുള്ളിൽ ഇവ വിപണിയിൽ എത്തും
Followഅടുത്ത രണ്ട് വർഷത്തിനുള്ളിൽ മാരുതി സുസുക്കി, ഹ്യുണ്ടായ്, മഹീന്ദ്ര, ടൊയോട്ട, റെനോ തുടങ്ങിയ കമ്പനികളിൽ നിന്നുള്ള ഇന്ത്യയിലെ മികച്ച അഞ്ച് എസ്‌യുവികളുടെയും കാറുകളുടെയും പുതിയ തലമുറപതിപ്പുകൾ വിപണിയിലേക്കെത്തും. മാരുതി സുസുക്കി 2024 നവംബർ ആദ്യ വാരത്തിൽ നാലാം തലമുറ മാരുതി ഡിസയർ അവതരിപ്പിക്കാൻ ഒരുങ്ങുകയാണ്. ഇത്തവണ കോംപാക്റ്റ് സെഡാൻ പുതിയ 1.2 എൽ, 3 സിലിണ്ടർ Z- സീരീസ് പെട്രോൾ എഞ്ചിനുമായി വരും.ഇൻ്റീരിയർ പോലെ അതിൻ്റെ രൂപകൽപ്പനയും ഗണ്യമായി പരിഷ്‍കരിക്കപ്പെടും.
ഹ്യുണ്ടായ് മോട്ടോഴ്‌സ് ഇന്ത്യ 2025-ൻ്റെ തുടക്കത്തിൽ ന്യൂ-ജെൻ വെന്യു ലോഞ്ച് ആസൂത്രണം ചെയ്തിട്ടുണ്ട്. സബ്‌കോംപാക്റ്റ് എസ്‌യുവിയിൽ പുതിയ രൂപകൽപ്പനയും കൂടുതൽ സവിശേഷതകളും സാങ്കേതികവിദ്യയും ഉണ്ടായിരിക്കും. അതേസമയം എഞ്ചിൻ സജ്ജീകരണത്തിൽ മാറ്റമില്ല. നിലവിലെ തലമുറയുമായി താരതമ്യപ്പെടുത്തുമ്പോൾ, പുതിയതിന് വിശാലവും ചതുരാകൃതിയിലുള്ളതുമായ ഗ്രില്ലും ഉയരമുള്ള ഫ്രണ്ട് ബമ്പറും പുതിയ തിരശ്ചീനമായി സ്ഥാപിച്ചിരിക്കുന്ന ടെയിൽലാമ്പുകളും പുതുക്കിയ എൽഇഡികളും കുറച്ച് മാറ്റങ്ങളും ഉണ്ടായിരിക്കും. പുതിയ ഹ്യൂണ്ടായ് വെന്യു ഒരു എഡിഎഎസ് സ്യൂട്ടിനൊപ്പം വരുമെന്ന് സ്പൈ ചിത്രങ്ങൾ സ്ഥിരീകരിക്കുന്നു. അത് ടോപ്പ് എൻഡ് ട്രിമ്മുകൾക്കായി നീക്കിവച്ചിരിക്കാൻ സാധ്യതയുണ്ട്.
പുതിയ തലമുറ ടൊയോട്ട ഫോർച്യൂണർ 2024 അവസാനത്തോടെ അരങ്ങേറ്റം കുറിക്കും. തുടർന്ന് 2025 ൻ്റെ തുടക്കത്തിൽ വിപണിയിലെത്തും. പ്ലാറ്റ്‌ഫോം, എഞ്ചിൻ, ഡിസൈൻ, ഇൻ്റീരിയർ എന്നിവയിൽ സമഗ്രമായ മാറ്റങ്ങൾ വരുത്തും. 2025 ഫോർച്യൂണർ ടിഎൻജിഎ-എഫ് പ്ലാറ്റ്‌ഫോമിനെ അടിസ്ഥാനമാക്കിയുള്ളതാണ്. 2.8L ഡീസൽ എഞ്ചിൻ, 48V സജ്ജീകരണം, ഒരു ഇലക്ട്രിക് മോട്ടോർ എന്നിവയുൾപ്പെടെ ഒരു മൈൽഡ് ഹൈബ്രിഡ് പവർട്രെയിനുമായി വരും. എഡിഎഎസ് സ്യൂട്ട്, വെഹിക്കിൾ സ്റ്റെബിലിറ്റി കൺട്രോൾ, ഹൈഡ്രോളിക് സ്റ്റിയറിംഗ് സിസ്റ്റം തുടങ്ങിയ ഫീച്ചറുകൾ ഉണ്ടാകും.
അടുത്ത വർഷം, ഹ്യുണ്ടായ് ക്രെറ്റ, കിയ സെൽറ്റോസ്, മാരുതി ഗ്രാൻഡ് വിറ്റാര, ഹോണ്ട എലിവേറ്റ് എന്നിവയെ വെല്ലുവിളിക്കാൻ റെനോ പുതിയ തലമുറ ഡസ്റ്റർ അവതരിപ്പിക്കും. എസ്‌യുവിയുടെ അടുത്ത തലമുറ പതിപ്പ് 10.1 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെൻ്റ് സിസ്റ്റം, വയർലെസ് സ്‍മാർട്ട്‌ഫോൺ കണക്റ്റിവിറ്റി, 7 ഇഞ്ച് ഡിജിറ്റൽ ഡ്രൈവർ ഡിസ്‌പ്ലേ, വെൻ്റിലേറ്റഡ് ഫ്രണ്ട് സീറ്റുകൾ, വയർലെസ് ഫോൺ ചാർജർ, എഡിഎസ് എന്നിവ ഉൾപ്പെടെ കൂടുതൽ സവിശേഷതകൾ വാഗ്ദാനം ചെയ്യും. 2025 റെനോ ഡസ്റ്റർ ഓൾ-വീൽ ഡ്രൈവ് സിസ്റ്റത്തോടുകൂടിയ പുതിയ ശക്തമായ ഹൈബ്രിഡ് പവർട്രെയിൻ അവതരിപ്പിക്കും.
അടുത്ത തലമുറ മഹീന്ദ്ര ബൊലേറോയുടെ ലോഞ്ച് 2026-2027 ലാണ് പ്ലാൻ ചെയ്തിരിക്കുന്നത്. ഈ അപ്‌ഡേറ്റിലൂടെ, പരുക്കൻ എസ്‌യുവി ഒരു പുതിയ പ്ലാറ്റ്‌ഫോമിലേക്ക് മാറും. അത് വരാനിരിക്കുന്ന മഹീന്ദ്ര എസ്‌യുവികൾക്കും പിക്കപ്പ് ട്രക്കുകൾക്കും ഉപയോഗിക്കും. U171 എന്ന കോഡുനാമത്തിൽ എത്തുന്ന പുതിയ ബൊലേറോ കൂടുതൽ മെച്ചപ്പെടുത്തിയ ഡിസൈൻ, ഇൻ്റീരിയർ, പുതിയ 2.2L ടർബോ ഡീസൽ എഞ്ചിൻ എന്നിവയുമായാണ് വരുന്നത്.
