പുത്തന്‍ CB 1300 സീരീസ് ബൈക്കുകളുമായി ഹോണ്ട
ജാപ്പനീസ് ഇരുചക്രവാഹന നിര്‍മ്മാതാക്കളായ ഹോണ്ട തങ്ങളുടെ ഏറ്റവും പുതിയ CB 1300 സീരീസ് വിപണിയിൽ അവതരിപ്പിച്ചു
Followജാപ്പനീസ് ഇരുചക്രവാഹന നിര്‍മ്മാതാക്കളായ ഹോണ്ട തങ്ങളുടെ ഏറ്റവും പുതിയ CB 1300 സീരീസ് വിപണിയിൽ അവതരിപ്പിച്ചു. ജാപ്പനീസ് വിപണിയിലാണ് ബൈക്കിന്‍റെ അവതരണമെന്ന് ബൈക്ക് വാലെ റിപ്പോര്‍ട്ട് ചെയ്യുന്നു.
CB 1300 സൂപ്പർ ഫോർ, CB 1300 സൂപ്പർ ഫോർ SP, CB 1300 സൂപ്പർ ബോൾഡ്, CB 1300 സൂപ്പർ ബോൾഡ് SP എന്നിങ്ങനെ നാല് മോട്ടോർസൈക്കിളുകൾ പുതിയ ഹോണ്ട CB 1300 സീരീസിൽ ഉൾപ്പെടുന്നു. 1284 സിസി ഇൻലൈൻ ഫോർ-സിലിണ്ടർ എഞ്ചിൻ ഇവ പങ്കിടുന്നു.
ജപ്പാനിൽ പുതിയ CB 1300 സീരീസിന്റെ 1,600 യൂണിറ്റുകൾ വിൽക്കാനാണ് ഹോണ്ട പദ്ധതിയിടുന്നത്. CB 1300 സീരീസിൽ ഒരു റൈഡ്-ബൈ-വയർ സിസ്റ്റം ഉൾപ്പെടുന്നു, അത് സ്‌പോർട്ട്, സ്റ്റാൻഡേർഡ്, റെയിൻ എന്നീ മൂന്ന് റൈഡിംഗ് മോഡുകൾ ഉൾപ്പെടുത്താൻ സഹായിക്കുന്നു. ആവശ്യമില്ലാത്തപ്പോൾ സ്വിച്ച് ഓഫ് ചെയ്യാവുന്ന ഹോണ്ട സെലക്റ്റബിൾ ടോർക്ക് കൺട്രോളും ലഭിക്കുന്നു. ക്രൂയിസ് കൺട്രോളിനൊപ്പം ഹോണ്ട ഒരു ബൈ-ഡയറക്ഷണൽ ക്വിക്ക് ഷിഫ്റ്ററും ചേർത്തിരിക്കുന്നു.
എല്ലാ മോട്ടോർസൈക്കിളുകളിലും ഇന്റഗ്രേറ്റഡ് എൽഇഡി ഡിആർഎല്ലുകളുള്ള പൂർണ്ണ എൽഇഡി ഹെഡ്‌ലൈറ്റ് ഒരുങ്ങുന്നു. ഇവയിൽ എൽഇഡി ബ്ലിങ്കറുകളും എൽഇഡി ടൈൽ‌ലൈറ്റും ഉണ്ട്. മോട്ടോർസൈക്കിളുകളുടെ സീറ്റുകൾ ദീർഘദൂര യാത്രകൾക്കായി സുഖപ്രദമായ രീതിയിൽ രൂപകൽപ്പന ചെയ്തിരിക്കുന്നു. അറ്റകുറ്റപ്പണികൾ എളുപ്പമാക്കുന്നതിന് 'L' ആകൃതിയിലുള്ള ടയർ പ്രഷർ വാൽവുകൾ ബൈക്കിൽ ലഭിക്കും. JYP 15,62,000 (INR 11.16 ലക്ഷം) മുതലാണ് ഈ മോഡലിന്‍റെ വില ആരംഭിക്കുന്നത് എന്നാണ് റിപ്പോര്‍ട്ടുകള്‍.
