നിങ്ങളുടെ കാറിന്‍റെ താക്കോൽ നഷ്‍ടമായോ? നോ ടെൻഷൻ, വഴിയുണ്ട്!
ഇതിനായി, ആദ്യം നിങ്ങളുടെ കാറിൻ്റെ മോഡൽ, നിർമ്മാണ വർഷം തുടങ്ങി ആവശ്യമായ വിവരങ്ങൾ ശേഖരിക്കുക. കീ മാറ്റിസ്ഥാപിക്കുമ്പോൾ ഇവയെല്ലാം നിങ്ങളോട് ആവശ്യപ്പെടുകയും ചെയ്യും. ഇതുകൂടാതെ, വിഐഎൻ നമ്പർ സൂക്ഷിക്കുക. ഇതിനുശേഷം, കാർ ഡീലറുമായി സംസാരിക്കുക.
 )
Followകാറിൻ്റെ താക്കോൽ സുരക്ഷിതമായി സൂക്ഷിക്കാൻ ചിലപ്പോൾ ചിലർക്കെങ്കിലും അൽപ്പം ബുദ്ധിമുട്ടാകുന്ന ഒരു കാര്യമാണ്. പലപ്പോഴും കാറിൻ്റെ താക്കോൽ സൂക്ഷിക്കാൻ പലരും മറന്നുപോകും. ചിലപ്പോൾ താക്കോലുകൾ അങ്ങോട്ടും ഇങ്ങോട്ടുമൊക്കെ വീണ് നഷ്‍ടമായേക്കാനും സാധ്യതയുണ്ട്. അത്തരമൊരു സാഹചര്യത്തിൽ, കാർ തുറക്കാൻ പ്രയാസമാണ്. മാത്രമല്ല കാറിൻ്റെ താക്കോൽ അത്ര എളുപ്പത്തിൽ നിർമ്മിക്കാനും കഴിയില്ല. എന്നാൽ നിങ്ങൾ വളരെയധികം വിഷമിക്കേണ്ടതില്ല. ഇങ്ങനൊരു പ്രശ്നം നേരിടുകയാണെങ്കിൽ നിങ്ങൾക്ക് എന്തുചെയ്യാനാകുമെന്ന് അറിയാം. കാറിൻ്റെ താക്കോൽ നഷ്‍ടപ്പെട്ടാൽ ഇതുപോലെ മാറ്റാം.
ഒന്നാമതായി, കാറിൻ്റെ കീകൾ സുരക്ഷിതമായി സൂക്ഷിക്കുക എന്നതാണ് ഉചിതം. അത് നഷ്‍ടപ്പെട്ടാൽ അനാവശ്യ ചെലവുകൾ കൂടും. അതിനാൽ കാർ കീ നഷ്‍ടാമെയ്യനു തോന്നിയാൽ താക്കോൽ എവിടെയായിരിക്കുമെന്ന് നിങ്ങൾക്ക് ചെറിയ സംശയം പോലും ഉണ്ടെങ്കിൽ, എല്ലായിടത്തും ശ്രദ്ധാപൂർവ്വം തിരയുക. ഇതിനുശേഷം, ചുവടെ സൂചിപ്പിച്ചിരിക്കുന്ന കാര്യങ്ങൾ ശ്രദ്ധിക്കുക.
രണ്ടാമത്തെ കാറിൻ്റെ താക്കോൽ ലഭിക്കാൻ നിങ്ങൾക്ക് ധാരാളം പണം ചിലവഴിക്കേണ്ടി വന്നേക്കാം. ഇതിൽ, നിങ്ങളുടെ റിമോട്ട് കീ (മിഡ് റേഞ്ച് ബ്രാൻഡുകൾ) നിർമ്മിക്കുന്നതിനുള്ള ചെലവ് (പ്രാരംഭ വില) ഏകദേശം 8500 രൂപയോ അതിൽ കൂടുതലോ ആയിരിക്കും.
ഒരു സാധാരണ മെക്കാനിക്കൽ കീ ഉണ്ടാക്കാൻ ഏകദേശം 1500 രൂപ ചിലവഴിക്കേണ്ടി വന്നേക്കാം. നിങ്ങൾക്ക് ഒരു പ്രീമിയം കാർ ഉണ്ടെങ്കിൽ അതിൻ്റെ രണ്ടാമത്തെ കീ നിർമ്മിക്കാൻ ആഗ്രഹിക്കുന്നുവെങ്കിൽ, അതിന് ഏകദേശം 35,000 രൂപ ചിലവാകും. പ്രാരംഭ വിലയാണിത്.
കാർ ഡീലറെ ബന്ധപ്പെടുക
ഇതിനായി, ആദ്യം നിങ്ങളുടെ കാറിൻ്റെ മോഡൽ, നിർമ്മാണ വർഷം തുടങ്ങി ആവശ്യമായ വിവരങ്ങൾ ശേഖരിക്കുക. കീ മാറ്റിസ്ഥാപിക്കുമ്പോൾ ഇവയെല്ലാം നിങ്ങളോട് ആവശ്യപ്പെടുകയും ചെയ്യും. ഇതുകൂടാതെ, വിഐഎൻ നമ്പർ സൂക്ഷിക്കുക. ഇതിനുശേഷം, കാർ ഡീലറുമായി സംസാരിക്കുക.
നിങ്ങളുടെ കാറിൻ്റെ ഉടമസ്ഥാവകാശം തെളിയിക്കുന്ന തെളിവ് ഡീലർക്ക് കൈമാറുക. മാറ്റിസ്ഥാപിക്കാനുള്ള ഓപ്ഷൻ തിരഞ്ഞെടുത്ത് ചെലവിൻ്റെ എസ്റ്റിമേറ്റ് നേടുക. ഇതിനുശേഷം, ഡീലർ ചോദിക്കുന്ന ചാർജുകൾ അടയ്ക്കുക. നിങ്ങളുടെ കാറിൻ്റെ താക്കോൽ ഡീലർഷിപ്പ് എത്തിച്ചുതരും. ഈ കാർ നിങ്ങളുടേതാണെന്ന് ഡീലർക്ക് ഉറപ്പുണ്ടെങ്കിൽ മാത്രം, അവർ താക്കോൽ ഉണ്ടാക്കി നിങ്ങൾക്ക് നൽകുന്നു. അതിനാൽ, തീർച്ചയായും കാറിന്‍റെ ഉടമസ്ഥാവകശ രേഖകൾ ഹാജരാക്കുക.
