"അമ്പമ്പോ.." 700 കിമി മൈലേജുമായി ഫോക്‌സ്‌വാഗൺ ഐഡി!
പുതിയ ഫോക്‌സ്‌വാഗൺ ഐഡി.7 പ്രോ, പ്രോ എസ് എന്നിങ്ങനെ രണ്ട് ട്രിം ഓപ്ഷനുകളിൽ ലഭ്യമാണ്.
 )
Followഫോക്‌സ്‌വാഗൺ ആരാധകർക്ക് ഒരു സന്തോഷവാർത്ത. കമ്പനി തങ്ങളുടെ പുതിയ ആഡംബര ഇലക്ട്രിക് കാർ അവതരിപ്പിച്ചു. ഫോക്‌സ്‌വാഗൺ ഐഡി.7 എന്നാണ് ഈ കാറിന്റെ പേര്. ഒറ്റ ചാർജിൽ 700 കിലോമീറ്റർ വരെ ഈ കാർ ഓടുന്നു എന്നതാണ് പ്രധാന പ്രത്യേകത. പുതിയ ഫോക്‌സ്‌വാഗൺ ഐഡി.7 പ്രോ, പ്രോ എസ് എന്നിങ്ങനെ രണ്ട് ട്രിം ഓപ്ഷനുകളിൽ ലഭ്യമാണ്.
അടിസ്ഥാന വേരിയന്റിന് 77 kWh ബാറ്ററി പാക്ക് ലഭിക്കുന്നു, WLTP സൈക്കിളിൽ 615 കിലോമീറ്റർ ഡ്രൈവിംഗ് റേഞ്ച് വാഗ്ദാനം ചെയ്യുന്നു, കൂടാതെ 170 kW DC ചാർജിംഗിനെ പിന്തുണയ്ക്കുന്നു. പ്രോ എസ് വേരിയന്റിന് 700 കിലോമീറ്റർ റേഞ്ചുള്ള (WLTP-സൈക്കിൾ) 86 kWh ബാറ്ററി പായ്ക്കുണ്ട്, കൂടാതെ 200 kW DC ഫാസ്റ്റ് ചാർജറുമായി പൊരുത്തപ്പെടുന്നു.
ഫാസ്റ്റ് ചാർജിംഗ്, സാറ്റലൈറ്റ് നാവിഗേഷൻ, എന്‍റെര്‍ടെയിൻമെന്‍റ്, ഓട്ടോ ഡ്രൈവിംഗ് സാങ്കേതികവിദ്യ തുടങ്ങിയ ഫീച്ചറുകൾ ഈ കാറിൽ നൽകിയിട്ടുണ്ട്. ഇതൊരു ഫ്യൂച്ചറിസ്റ്റിക് കാറാണ്. കാറിന്റെ നീളം 4,961 എംഎം ആണ്, ഇതിന് വളരെ മിനുസമാർന്ന ഹെഡ്‌ലൈറ്റുകൾ ഉണ്ട്. 15.0-ഇഞ്ച് ഇൻഫോടെയ്ൻമെന്റ്, പനോരമിക് സൺറൂഫ്, മസാജ് ഫംഗ്‌ഷനോടുകൂടിയ 14-വേ പവർ-അഡ്ജസ്റ്റ് ചെയ്യാവുന്ന സീറ്റുകൾ, വോയ്‌സ് അസിസ്റ്റ്, അഡാപ്റ്റീവ് ക്രൂയിസ് കൺട്രോൾ തുടങ്ങിയ സവിശേഷതകൾ ഇതിന് ലഭിക്കുന്നു.
ഫോക്‌സ്‌വാഗൺ ഐഡി.7-ന് 15.0-ഇഞ്ച് സെൻട്രൽ ഇൻഫോടെയ്ൻമെന്റ് സ്‌ക്രീൻ, ഓഗ്‌മെന്റഡ് ഹെഡ്-അപ്പ് ഡിസ്‌പ്ലേ, സ്‌മാർട്ട് പനോരമിക് സൺറൂഫ്, മസാജ് ഫംഗ്‌ഷനോടുകൂടിയ 14-വേ പവർ-അഡ്ജസ്റ്റ് ചെയ്യാവുന്ന സീറ്റുകൾ എന്നിവ ലഭിക്കുന്നു. വോയ്‌സ് അസിസ്റ്റന്റ്, അഡാപ്റ്റീവ് ക്രൂയിസ് കൺട്രോൾ, ലെയ്ൻ ചേഞ്ച് അസിസ്റ്റ് എന്നിങ്ങനെയുള്ള മറ്റ് സാങ്കേതിക സവിശേഷതകളും കാറിന് ലഭിക്കുന്നു.
ഫോക്‌സ്‌വാഗൺ ഐഡി.7 മറ്റ് അന്താരാഷ്ട്ര വിപണികളിൽ പ്രവേശിക്കുന്നതിന് മുമ്പ് യൂറോപ്പിലും ചൈനയിലും ഈ വർഷം അവസാനത്തോടെ വിൽപ്പനയ്‌ക്കെത്തും. ജർമ്മനിയിലെ ബ്രാൻഡിന്റെ പ്ലാന്റിൽ കാർ നിർമ്മിക്കുന്നതോടെ ഈ വർഷത്തിന്റെ രണ്ടാം പകുതിയിൽ ഉത്പാദനം ആരംഭിക്കും. ഫോക്‌സ്‌വാഗൺ തങ്ങളുടെ മുൻനിര ഇലക്ട്രിക് സെഡാന്റെ വില ഇതുവരെ പ്രഖ്യാപിച്ചിട്ടില്ല.
നിലവിൽ, ഈ കാറിന്റെ വിലയെക്കുറിച്ചും ഇന്ത്യയിൽ എപ്പോൾ അവതരിപ്പിക്കുമെന്നതിനെക്കുറിച്ചും കമ്പനി ഇതുവരെ ഒരു വിവരവും പങ്കിട്ടിട്ടില്ല. ജർമ്മൻ കാർ നിർമ്മാതാക്കളായ ഫോക്‌സ്‌വാഗൺ ശക്തമായ കാറുകൾക്ക് പേരുകേട്ടതാണ്. അടുത്തിടെ ഷാങ്ഹായിൽ നടന്ന ഓട്ടോ ഷോയിൽ പുതിയ ഇവി കാർ കമ്പനി അവതരിപ്പിച്ചിരുന്നു.
