ഫോക്‌സ്‌വാഗന്റെ ഐഡി4 ഇന്ത്യൻ റോഡുകളിൽ പരീക്ഷണത്തില്‍
ഫോക്‌സ്‌വാഗന്റെ ഐഡി.4 ഇന്ത്യൻ റോഡുകളിൽ കണ്ടെത്തിയെന്നാണ് റിപ്പോര്‍ട്ടുകള്‍. വാഹനത്തിന്റെ ഏറ്റവും ഉയർന്ന പതിപ്പായ ID.4-ന്റെ GTX പതിപ്പ് പരീക്ഷിക്കുന്നതാണ് കണ്ടെത്തിയത്.
 )
Followഇലക്ട്രിക് വാഹനങ്ങൾ ഇന്ത്യൻ വിപണിയിൽ സ്വാധീനം ചെലുത്തിക്കൊണ്ടിരിക്കുകയാണ്. ടാറ്റ നെക്‌സോൺ ഇവി, ടിഗോർ ഇവി, ടിയാഗോ ഇവി തുടങ്ങിയ ആഭ്യന്തര ഇലക്ട്രിക്ക് വാഹനങ്ങൾ ഇന്ത്യയിൽ ജനപ്രിയമായിക്കൊണ്ടിരിക്കുന്നു. മെഴ്‌സിഡസ് ബെൻസ് ഇക്യുഎസ്, ബിഎംഡബ്ല്യു ഐഎക്‌സ് തുടങ്ങിയ മറ്റ് ചിലരും ഇറക്കുമതി ചെയ്യുന്നു. ഇപ്പോഴിതാ, ജര്‍മ്മൻ ആഡംബര ബ്രാൻഡായ ഫോക്‌സ്‌വാഗൺ ഇലക്ട്രിക് വാഹന വിപണിയിലേക്ക് കടക്കാൻ ഒരുങ്ങുന്നതായി റിപ്പോര്‍ട്ടുകള്‍.
ഫോക്‌സ്‌വാഗന്റെ ഐഡി.4 ഇന്ത്യൻ റോഡുകളിൽ കണ്ടെത്തിയെന്നാണ് റിപ്പോര്‍ട്ടുകള്‍. വാഹനത്തിന്റെ ഏറ്റവും ഉയർന്ന പതിപ്പായ ID.4-ന്റെ GTX പതിപ്പ് പരീക്ഷിക്കുന്നതാണ് കണ്ടെത്തിയത്. ഐഡി.4 കണ്ടെത്തുന്നത് ഇതാദ്യമല്ല. ഈ ഇലക്ട്രിക് ക്രോസ്ഓവർ 2021-ൽ ആഗോളതലത്തിൽ അനാച്ഛാദനം ചെയ്‍തു. 2020 ഓട്ടോ എക്‌സ്‌പോയിൽ ഇന്ത്യയിലും പ്രദർശിപ്പിച്ച ഐഡി ക്രോസ് ആശയത്തെ അടിസ്ഥാനമാക്കിയുള്ളതാണ്.
ഫോക്‌സ്‌വാഗനിൽ നിന്നുള്ള രണ്ടാമത്തെ ഇലക്ട്രിക് വാഹനമാണ് ഐഡി.4 . ആദ്യത്തേത് ഐഡി.3. രണ്ട് വാഹനങ്ങളും MEB അല്ലെങ്കിൽ മോഡുലാർ ഇലക്ട്രിക് ഡ്രൈവ് പ്ലാറ്റ്‌ഫോമിനെ അടിസ്ഥാനമാക്കിയുള്ളതാണ്. പ്ലാറ്റ്‌ഫോം ഒരു ഓൾ-ഇലക്ട്രിക് പ്ലാറ്റ്‌ഫോമാണ്, അതായത് നാല് ചക്രങ്ങൾ മൂലകളിൽ സ്ഥാപിച്ചിരിക്കുന്നു, ബാറ്ററി പായ്ക്ക് വാഹനത്തിന്റെ ഫ്ലോർബോർഡായി പ്രവർത്തിക്കുന്നു.
20 ഇഞ്ച് ഡയമണ്ട് കട്ട് അലോയ് വീലുകളിൽ പ്രവർത്തിക്കുന്ന ചുവന്ന നിറത്തിലാണ് ടെസ്റ്റ് മോഡലിനെ കണ്ടെത്തിയത്. ID.4 ന് രണ്ട് ഇലക്ട്രിക് മോട്ടോറുകൾ ലഭിക്കുന്നു. ഓരോ ആക്സിലിലും ഒരോന്നു വീതം. എന്നാൽ സ്റ്റാൻഡേർഡ് ID.4 ന് ഒന്ന് മാത്രമേ ലഭിക്കുകയുള്ളു. രണ്ട് ഇലക്ട്രിക് മോട്ടോറുകൾ ഉള്ളതിനർത്ഥം ഇതിന് ഓൾ-വീൽ ഡ്രൈവും ഉണ്ടെന്നാണ്. എന്നിരുന്നാലും, വാഹനം ഭൂരിഭാഗവും പിൻ-വീൽ ഡ്രൈവിൽ തുടരുന്നു. വഴുതൽ സാഹചര്യങ്ങളില്‍ മാത്രമേ മുൻ ചക്രങ്ങളിലേക്ക് പവർ അയയ്‌ക്കൂ. ID.4 GTX-ന്റെ പവർ ഔട്ട്പുട്ട് 295 bhp ആണ്. ഇതിന് 6.2 സെക്കൻഡിനുള്ളിൽ പൂജ്യം മുതല്‍ 100 കിലോമീറ്റർ വേഗത കൈവരിക്കാൻ കഴിയും, കൂടാതെ ഇലക്ട്രോണിക് പരിമിതമായ പരമാവധി വേഗത മണിക്കൂറിൽ 180 കിലോമീറ്ററാണ്. താരതമ്യപ്പെടുത്തുമ്പോൾ, സ്റ്റാൻഡേർഡ് ഐഡി.4 ന് 160 കിലോമീറ്റർ വേഗതയുണ്ട്.
ID.4-ലെ ബാറ്ററി പായ്ക്ക് 77 kWh ആണ്. GTX-ന് WLTP അവകാശപ്പെട്ട ഡ്രൈവിംഗ് റേഞ്ച് 479 കിലോമീറ്ററാണ്, എന്നാൽ സ്റ്റാൻഡേർഡ് ട്രിമ്മിന് 520 കിലോമീറ്ററാണ് അവകാശപ്പെടുന്നത്.
