രൂപം മാറണം, മാരുതിയുടെ വീട്ടുമുറ്റത്തേക്ക് ഒഴുകിയെത്തുക ഇത്രയും ഇന്നോവകള്‍!
ടൊയോട്ട കിർലോസ്‌കർ മോട്ടോർ 9,000 മുതൽ 10,000 യൂണിറ്റ് ഇന്നോവ ഹൈക്രോസ് മാരുതി സുസുക്കിക്ക് വാർഷിക അടിസ്ഥാനത്തിൽ വിതരണം ചെയ്യുമെന്നാണ് റിപ്പോർട്ടുകൾ.
 )
Followജാപ്പനീസ് വാഹന നിര്‍മ്മാതാക്കളായ ടൊയോട്ട മോട്ടോർ കോർപ്പറേഷനും സുസുക്കി മോട്ടോർ കോർപ്പറേഷനും 2018-ൽ പുതിയ മേഖലകളിൽ ദീർഘകാല പങ്കാളിത്തവും സഹകരണവും സ്ഥാപിക്കുന്നതിനും പ്രോത്സാഹിപ്പിക്കുന്നതിനുമായി ഒരു മൂലധന സഖ്യത്തിന് കരാര്‍ ഒപ്പിട്ടിരുന്നു. ഇതനുസരിച്ച് രണ്ട് കാർ നിർമ്മാതാക്കളും തങ്ങളുടെ വാഹനങ്ങള്‍ പരസ്‍പരം കൈമാറി ഇന്ത്യയിൽ വിൽക്കാൻ തീരുമാനിച്ചു. മാരുതി സുസുക്കി മോഡലുകളായ ബ്രെസ (ടൊയോട്ട അർബൻ ക്രൂയിസർ), ഗ്രാൻഡ് വിറ്റാര (ടൊയോട്ട ഹൈറൈഡർ), ബലേനോ (ടൊയോട്ട ഗ്ലാൻസ) എന്നിവയുടെ റീ-ബാഡ്‍ജ് പതിപ്പ് ടൊയോട്ട ഇതിനകം അവതരിപ്പിച്ചിട്ടുണ്ട്. 2023 ഉത്സവ സീസണിൽ നിരത്തുകളിലെത്താൻ സാധ്യതയുള്ള മാരുതി സുസുക്കി ഫ്രോങ്ക്സ് കൂപ്പെ എസ്‌യുവിയുടെ റീ-ബാഡ്‍ജ് ചെയ്ത പതിപ്പാണ് ടൊയോട്ട ശ്രേണിയിലെ അടുത്ത മാരുതി മോഡല്‍.
അതേസമയം തങ്ങളുടെ ആദ്യത്തെ റീ-ബാഡ്‍ജ് ചെയ്ത ടൊയോട്ട മോഡല്‍ പുറത്തിറക്കാനുള്ള ഒരുക്കത്തിലാണ് മാരുതി സുസുക്കി. ഇത് ഇന്നോവ ഹൈക്രോസ് എംപിവിയെ അടിസ്ഥാനമാക്കിയുള്ളതായിരിക്കും . മാരുതി സുസുക്കിയിൽ നിന്നുള്ള രാജ്യത്തെ രണ്ടാമത്തെ ശക്തമായ ഹൈബ്രിഡ് വാഹനമായിരിക്കും ഇത്. ടൊയോട്ട കിർലോസ്‌കർ മോട്ടോർ 9,000 മുതൽ 10,000 യൂണിറ്റ് ഇന്നോവ ഹൈക്രോസ് മാരുതി സുസുക്കിക്ക് വാർഷിക അടിസ്ഥാനത്തിൽ വിതരണം ചെയ്യുമെന്നാണ് റിപ്പോർട്ടുകൾ. മാരുതി സുസുക്കി എൻഗേജ് എന്ന പേരിൽ കമ്പനി ഈയിടെ ഈ പേര് ട്രേഡ്‍മാർക്ക് ചെയ്‍തതിനാൽ മോഡലിന് ഈ പേരു തന്നെ ഇടുമെന്ന് പ്രതീക്ഷിക്കുന്നു.
പിന്നെയും പിന്നെയും മാരുതി കാറുകള്‍ പടികടന്നെത്തുന്ന പദനിസ്വനം..!
മാരുതിയുടെ പുതിയ പ്രീമിയം എംപിവി ഇന്നോവ ഹൈക്രോസില്‍ നിന്നും അല്പം വ്യത്യസ്‍തമായി കാണപ്പെടും. അതേസമയം അതിന്റെ ഇന്റീരിയർ, ഫീച്ചറുകൾ, പവർട്രെയിനുകൾ എന്നിവ ടൊയോട്ട ഇന്നോവ ഹൈക്രോസിന് സമാനമായിരിക്കും. ടൊയോട്ടയുടെ ടിഎൻജിഎ-സി പ്ലാറ്റ്‌ഫോമിനെ അടിസ്ഥാനമാക്കിയുള്ളതാണ് ഇന്നോവ ഹൈക്രോസ്. ഇത് 2.0L നാച്ചുറലി ആസ്പിറേറ്റഡ്, 2.0L ശക്തമായ ഹൈബ്രിഡ് പവർട്രെയിനുമായി വരുന്നു. നോൺ-ഹൈബ്രിഡ് യൂണിറ്റ് സിവിടി ഗിയർബോക്‌സിനൊപ്പം 172 ബിഎച്ച്പി പവറും 205 എൻഎം ടോർക്കും നൽകുന്നു. ശക്തമായ ഹൈബ്രിഡ് സജ്ജീകരണമാകട്ടെ, ഇ-ഡ്രൈവ് ട്രാൻസ്മിഷനോടൊപ്പം 184 ബിഎച്ച്പി നൽകുന്നു. ടൊയോട്ടയുടെ എംപിവി, നാച്ചുറലി ആസ്പിറേറ്റഡ് മോട്ടോർ ഉപയോഗിച്ച് 16.71kmpl മൈലേജും ശക്തമായ ഹൈബ്രിഡ് യൂണിറ്റിനൊപ്പം 23.24kmpl മൈലേജും വാഗ്ദാനം ചെയ്യുന്നു.
ബ്ലൈൻഡ് സ്പോട്ട് മോണിറ്റർ, ലെയ്ൻ കീപ്പ് അസിസ്റ്റ്, റിയർ ക്രോസ് ട്രാഫിക് അലേർട്ട്, അഡാപ്റ്റീവ് ക്രൂയിസ് കൺട്രോൾ, പ്രീ-കൊളിഷൻ സിസ്റ്റം തുടങ്ങിയ ടൊയോട്ടയുടെ അഡാസ് ടെക് ഓഫറിംഗ് ഫീച്ചറുകൾ പുതിയ മാരുതി എൻഗേജ് എംപിവിയിൽ ഉണ്ടാകും. സ്റ്റാൻഡേർഡ് സേഫ്റ്റി കിറ്റിൽ ആറ് എയർബാഗുകൾ, ഇലക്ട്രോണിക് സ്റ്റെബിലിറ്റി പ്രോഗ്രാം, ഇബിഡി ഉള്ള എബിഎസ്, ട്രാക്ഷൻ കൺട്രോൾ എന്നിവ ഉൾപ്പെടും. ഇന്നോവ ഹൈക്രോസിന് സമാനമായി, 10.1 ഇഞ്ച് ഫ്ലോട്ടിംഗ് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, വെന്റിലേറ്റഡ് ഫ്രണ്ട് സീറ്റുകൾ, ആംബിയന്റ് ലൈറ്റിംഗ്, ഡ്രൈവർ സീറ്റിനുള്ള മെമ്മറി ഫംഗ്‌ഷൻ എന്നിവയും മറ്റ് നിരവധി ഫീച്ചറുകളും എൻഗേജിന് ലഭിച്ചേക്കും.
"ഭയക്കണം കേട്ടോ.." പണി പാലുംവെള്ളത്തില്‍ കിട്ടുമെന്ന ആശങ്കയൊഴിയാതെ മാരുതി സുസുക്കി!
