എന്തരോ എന്തോ! വരാൻ അനുവദിക്കില്ലെന്ന് മന്ത്രി പറഞ്ഞ ആ കാറിനെ നടുറോഡിൽ പരീക്ഷിച്ച് ഇന്നോവ മുതലാളി!
വരും വർഷങ്ങളിൽ ഇന്ത്യൻ റോഡുകളിൽ ഡ്രൈവർമാരില്ലാതെ ഓടുന്ന കാറുകൾ കാണാനുള്ള വലിയ സാധ്യതയുണ്ട്. കാരണം, അത്തരത്തിലുള്ള ഒരു ടൊയോട്ട കാറിൻ്റെ ചിത്രം അടുത്തിടെ സോഷ്യൽ മീഡിയയിൽ പ്രത്യക്ഷപ്പെട്ടു.
 )
Followഇന്ത്യൻ ഓട്ടോ വിപണി അതിവേഗം നവീകരിച്ചുകൊണ്ടിരിക്കുകയാണ്. പെട്രോൾ-ഡീസലിൽ നിന്ന് സിഎൻജിയിലേക്കും പിന്നീട് ഇലക്ട്രിക്കിലേക്കും നീങ്ങുന്നു. ഇപ്പോഴിതാ ഇന്ത്യൻ കാർ വിപണി പുതിയൊരു വിപ്ലവത്തിനുകൂടി തയ്യാറെടുക്കുന്നതായി തോന്നുന്നു. മറ്റൊന്നുമല്ല ഡ്രൈവർ ഇല്ലാ കാറുകളാണത്. വരും വർഷങ്ങളിൽ ഇന്ത്യൻ റോഡുകളിൽ ഡ്രൈവർമാരില്ലാതെ ഓടുന്ന കാറുകൾ കാണാനുള്ള വലിയ സാധ്യതയുണ്ട്. കാരണം, അത്തരത്തിലുള്ള ഒരു ടൊയോട്ട കാറിൻ്റെ ചിത്രം അടുത്തിടെ സോഷ്യൽ മീഡിയയിൽ പ്രത്യക്ഷപ്പെട്ടു. അതിനാലാണ് ഈ ഡ്രൈവറില്ലാ കാറുകൾ പരീക്ഷിക്കുന്നതെന്ന് ഊഹാപോഹങ്ങൾ ശക്തമാകാനുള്ള കാരണം. ടെസ്റ്റിംഗ് മോഡലിൽ ഓട്ടോമോട്ടീവ് റിസർച്ച് അസോസിയേഷൻ ഓഫ് ഇന്ത്യ (ARAI) സ്റ്റിക്കറും ഉണ്ട്. എന്നാൽ ശ്രദ്ധേയമായ മറ്റൊരു കാര്യം ഡ്രൈവറില്ലാ കാറുകൾ ഇന്ത്യൻ നിരത്തിൽ എത്താൻ അനുവദിക്കില്ലെന്ന കേന്ദ്രമന്ത്രി നിതിൻ ഗഡ്‍കരിയുടെ വനാക്കുകൾക്ക് കടകവിരുദ്ധമാണ് ഈ പരീക്ഷണം എന്നതാണ്.
അടുത്തിടെ ഓട്ടോമൊബൈൽ വെബ്‌സൈറ്റ് റഷ്‌ലെയ്ൻ അതിൻ്റെ സോഷ്യൽ മീഡിയ പേജിൽ ചില ചിത്രങ്ങൾ പങ്കിട്ടു. ഈ ചിത്രങ്ങൾ ടൊയോട്ട RAV4 എസ്‌യുവിയുടെതാണ് . ഇത് ഇതുവരെ ഇന്ത്യയിൽ ലോഞ്ച് ചെയ്തിട്ടില്ല . ഈ കാറിൻ്റെ ടെസ്റ്റിംഗ് മോഡൽ പൂനെയിലെ റോഡുകളിൽ കണ്ടെത്തിയതായി പറയപ്പെടുന്നു. ഈ എസ്‌യുവിയിൽ ഓട്ടോണമസ് കാറുകൾക്ക് സമാനമായ ചില ഉപകരണങ്ങൾ ഇൻസ്റ്റാൾ ചെയ്തിട്ടുണ്ടെന്നാണ് റിപ്പോര്‍ട്ടുകൾ. അതിൽ നിന്നാണ് ഈ പരീക്ഷിക്കുന്നത് സെൽഫ് ഡ്രൈവിംഗ് കാറാണെന്ന് എന്ന് ഊഹിക്കപ്പെടുന്നത്.
ടൊയോട്ട RAV4 2020 മുതൽ നിരവധി തവണ പരീക്ഷണം നടത്തുന്നതായി കണ്ടിട്ടുണ്ട്. പക്ഷേ ഇപ്പോൾ ഈ പരീക്ഷണം കൂടുതൽ ശ്രദ്ധേയമാണ്. കാരണം അതിൻ്റെ ടെസ്റ്റിംഗ് മോഡലിന് നിരവധി ലിഡാർ സെൻസറുകൾ ഘടിപ്പിച്ചതായി കാണപ്പെട്ടു. സാധാരണയായി ഈ LiDAR സെൻസറുകൾ ഡ്രൈവറില്ലാ കാറുകളോ ഓട്ടോണമസ് ഡ്രൈവിംഗ് കാറുകളോ പരിശോധിക്കുന്നതിനാണ് ഇൻസ്റ്റാൾ ചെയ്യുന്നത്.
ടൊയോട്ട RAV4 ടെസ്റ്റിംഗ് എസ്‌യുവിയിൽ മൊത്തം നാല് സെൻസറുകൾ ഇൻസ്റ്റാൾ ചെയ്തിട്ടുണ്ട്. എസ്‌യുവിയുടെ മേൽക്കൂരയിലും സൈഡ് പാനലുകളിലും പിൻഭാഗത്തും ഇവ ഇൻസ്റ്റാൾ ചെയ്തിട്ടുണ്ട്. ഇവയിൽ, കാറിൻ്റെ മേൽക്കൂരയിൽ സ്ഥാപിച്ചിരിക്കുന്ന ലിഡാർ സെൻസർ വലുതും കൂടുതൽ ഫലപ്രദവുമാണെന്ന് തോന്നുന്നു. ഇതിനുപുറമെ, കാറിൻ്റെ പിൻവശത്തെ ഗ്ലാസ്സിൽ "ഓൺ ടെസ്റ്റ് ബൈ എആർഎഐ, ഗവൺമെൻ്റ് ഓഫ് ഇന്ത്യ" എന്ന സ്റ്റിക്കറും കണ്ടെത്തിയിട്ടുണ്ട്.
ഓട്ടോമോട്ടീവ് റിസർച്ച് അസോസിയേഷൻ ഓഫ് ഇന്ത്യ (ARAI) വ്യവസായ മന്ത്രാലയവും ഇന്ത്യാ ഗവൺമെൻ്റും ചേർന്നുള്ള ഓട്ടോമോട്ടീവ് വ്യവസായവുമായി ചേർന്ന് പ്രവർത്തിക്കുന്ന വ്യവസായ ഗവേഷണ സംഘടനയാണ്. ഓട്ടോമോട്ടീവ് എഞ്ചിനീയറിംഗ്, ഉൽപ്പന്ന രൂപകൽപ്പനയും വികസനവും, ഓട്ടോമോട്ടീവ് ഉപകരണങ്ങളുടെ വിലയിരുത്തൽ, സ്റ്റാൻഡേർഡൈസേഷൻ, സാങ്കേതിക വിവര സേവനങ്ങൾ, ആധുനിക സാങ്കേതികവിദ്യകളുടെ നിർവ്വഹണം, വ്യവസായത്തിനായുള്ള പ്രത്യേക പരിശോധന ഉൾപ്പെടെയുള്ള അവയുടെ പ്രയോഗം എന്നിവയിൽ ഗവേഷണവും വികസനവും നടത്തുക എന്നതാണ് ഈ സ്ഥാപനത്തിന്‍റെ ലക്ഷ്യം.
അതേസമയം ലൈറ്റ് ഡിറ്റക്ഷൻ ആൻഡ് റേഞ്ചിംഗ് എന്നതിൻ്റെ ചുരുക്കെഴുത്താണ് ലിഡാർ. ലളിതമായ ഭാഷയിൽ പറഞ്ഞാൽ, ലക്ഷ്യത്തിലേക്കുള്ള ദൂരം അളക്കുന്ന ഒരു ഉപകരണമാണ് ലിഡാർ. ഒരു ചെറിയ ലേസർ പൾസ് അയച്ച് ഔട്ട്ഗോയിംഗ് ലൈറ്റ് പൾസ് തമ്മിലുള്ള സമയ ഇടവേളയും പ്രതിഫലിച്ച (പിന്നിൽ ചിതറിക്കിടക്കുന്ന) ലൈറ്റ് പൾസ് കണ്ടെത്തലും തമ്മിലുള്ള സമയ ഇടവേള രേഖപ്പെടുത്തുന്നതിലൂടെയാണ് ദൂരം അളക്കുന്നത്. ഈ സെൻസർ അധിഷ്‌ഠിത സാങ്കേതികവിദ്യ പ്രധാനമായും ഉപയോഗിക്കുന്നത് സ്വയം-ഡ്രൈവിംഗ് കാറുകളുടെ പരീക്ഷണ വേളയിൽ ചുറ്റുമുള്ള യഥാർത്ഥ സാഹചര്യങ്ങളും വസ്തുക്കളും മറ്റും കണ്ടെത്തുന്നതിനാണ്. കാറിൽ നൽകിയിരിക്കുന്ന ഒന്നിലധികം ക്യാമറകളിലൂടെ ലിഡാർ വിദൂര വസ്തുക്കളെ ട്രാക്ക് ചെയ്യുകയും ചിത്രങ്ങൾ സൃഷ്‍ടിക്കുകയും ചെയ്യുന്നു.
ഓട്ടോണമസ് കാറുകൾക്കുള്ള വിദൂര സംവേദനത്തിനായി പലപ്പോഴും ഉപയോഗിക്കുന്ന ഒപ്റ്റിക്കൽ സാങ്കേതികവിദ്യയാണ് ലിഡാർ. പല വാഹന നിർമ്മാതാക്കളും സാമ്പത്തികവും ഒതുക്കമുള്ളതുമായ ലിഡാർ സംവിധാനം വികസിപ്പിക്കാൻ പ്രവർത്തിക്കുന്നു. സ്വയം-ഡ്രൈവിംഗ് അല്ലെങ്കിൽ ഓട്ടോണമസ് ഡ്രൈവിംഗ് കാറുകളുടെ മിക്കവാറും എല്ലാ നിർമ്മാതാക്കളും ലിഡാർ ഒരു പ്രധാന സാങ്കേതികവിദ്യയായി കണക്കാക്കുന്നു. കൂടാതെ അഡ്വാൻസ്ഡ് ഡ്രൈവിംഗ് അസിസ്റ്റ് സിസ്റ്റങ്ങൾക്ക് ചില ലിഡാർ സിസ്റ്റങ്ങൾ ഇതിനകം ലഭ്യമാണ്.
സമീപത്തുള്ള വസ്തുക്കളുടെ സ്ഥാനം ട്രാക്കുചെയ്യുന്നതിൽ ലിഡാർ സെൻസറുകൾ ഒരു പ്രധാന പങ്ക് വഹിക്കുന്നു. തടസങ്ങളില്ലാതെ കാർ മുന്നോട്ട് കൊണ്ടുപോകാനും റൂട്ടുകൾ ആസൂത്രണം ചെയ്യാനും ഇത് സഹായിക്കുന്നു. ലിഡാറിൽ, ലേസർ പ്രകാശം ഒരു ഉറവിടത്തിൽ നിന്ന് (ട്രാൻസ്മിറ്റർ) അയയ്ക്കുകയും ദൃശ്യത്തിലെ വസ്തുക്കളിൽ നിന്ന് പ്രതിഫലിക്കുകയും ചെയ്യുന്നു. പ്രതിഫലിക്കുന്ന പ്രകാശം സിസ്റ്റം റിസീവർ കണ്ടെത്തുകയും ഇമേജിൽ നിന്ന് അടുത്തുള്ള വസ്തുക്കളുടെ ഒരു ദൂര മാപ്പ് വികസിപ്പിക്കാൻ ഉപയോഗിക്കുകയും ചെയ്യുന്നു.
സെൽഫ് ഡ്രൈവിംഗ് കാറുകളെ സംബന്ധിച്ച കേന്ദ്ര സർക്കാർ നിലപാട്
ഇന്ത്യയെപ്പോലുള്ള ഒരു രാജ്യത്ത്, ഓട്ടോണമസ് ഡ്രൈവിംഗ് അല്ലെങ്കിൽ സെൽഫ് ഡ്രൈവിംഗ് കാറുകളുടെ പ്രവർത്തനം വളരെ വെല്ലുവിളി നിറഞ്ഞതാണ്. സാങ്കേതിക വിദ്യ, ഹരിത ഊർജം തുടങ്ങിയ വിഷയങ്ങളെ എപ്പോഴും പിന്തുണച്ചിരുന്ന കേന്ദ്ര റോഡ് ഗതാഗത-ഹൈവേ മന്ത്രി നിതിൻ ഗഡ്കരിയും ഡ്രൈവറില്ലാ കാറുകളെ എതിർത്തിരുന്നു. ഡ്രൈവറില്ലാ കാറുകൾ ഇന്ത്യയിലേക്ക് കൊണ്ടുവരരുതെന്ന് അദ്ദേഹം ഓപ്പൺ ഫോറങ്ങളിൽ ആവർത്തിച്ച് പറഞ്ഞിട്ടുണ്ട്. അടുത്തിടെ ഐഐഎം നാഗ്പൂർ സംഘടിപ്പിച്ച സീറോ മൈൽ പരിപാടിയിൽ സംസാരിക്കവേ കേന്ദ്രമന്ത്രി നിതിൻ ഗഡ്കരി പറഞ്ഞു, "ഞാൻ മന്ത്രിയായിരിക്കുമ്പോൾ ഡ്രൈവർ ഇല്ലാതെ ഓടുന്ന ഓട്ടോണമസ് കാറുകൾ ഇന്ത്യയിൽ പുറത്തിറക്കാൻ അനുവദിക്കില്ല."
ബിസിനസ് ടുഡേയുടെ ചോദ്യത്തിന് നിതിൻ ഗഡ്കരി പറഞ്ഞു, "ഡ്രൈവറില്ലാ കാറുകൾ ഇന്ത്യയിലേക്ക് വരാൻ ഞാൻ ഒരിക്കലും അനുവദിക്കില്ല, കാരണം ഇത് 70 മുതൽ 80 ലക്ഷം വരെ ഡ്രൈവർമാരുടെ തൊഴിൽ ഇല്ലാതാക്കും, ഇത് സംഭവിക്കാൻ ഞാൻ അനുവദിക്കില്ല."
ഈ പരിശോധന എന്തിനായിരിക്കും?
ഇന്ത്യൻ സാഹചര്യങ്ങളിൽ സ്വയം ഓടുന്ന ഡ്രൈവിംഗിൽ താൽപ്പര്യമുള്ള ഉപഭോക്താക്കളെ ഓട്ടോമോട്ടീവ് റിസർച്ച് അസോസിയേഷൻ ഓഫ് ഇന്ത്യ ഗവേഷണം ചെയ്യുന്നതായി വിശ്വസിക്കപ്പെടുന്നു. ഇമാത്രമല്ല ഇതൊരുപക്ഷേ ടൊയോട്ടയുടെ സ്റ്റാൻഡേർഡ് ടെസ്റ്റിംഗ് പ്രോട്ടോക്കോൾ ആകാം, അവിടെ അവർ ആഗോള ഓട്ടോമോട്ടീവ് മാർക്കറ്റുകളിൽ ട്രാഫിക് പെരുമാറ്റ ഡാറ്റ ശേഖരിക്കുകയും ഓട്ടോമോട്ടീവ് റിസർച്ച് അസോസിയേഷൻ ഓഫ് ഇന്ത്യ പോലുള്ള സ്ഥാപനങ്ങൾക്ക് ഔട്ട്സോഴ്സ് ചെയ്യുകയും ചെയ്യുന്നു. എന്നിരുന്നാലും, ഈ പരിശോധനയുടെ ഫലം രസകരമായിരിക്കും, പ്രത്യേകിച്ചും നിതിൻ ഗഡ്കരി ഇന്ത്യയിൽ ഓട്ടോണമസ് കാറുകളെക്കുറിച്ചുള്ള തൻ്റെ നിലപാട് വ്യക്തമാക്കിയ സാഹചര്യത്തിൽ.
