28 കിമീക്ക് മേൽ മൈലേജ്, സുരക്ഷയും ഉറപ്പ്! വാഗണാറിന്‍റെ ശത്രുവിന് വൻ വിലക്കിഴിവും പ്രഖ്യാപിച്ച് ടാറ്റ!
ടാറ്റ മോട്ടോഴ്‌സ് 2024 മെയ് മാസത്തിൽ ടിയാഗോ കാറിന് 60,000 രൂപ വരെ കിഴിവ് നൽകുന്നു. ഈ ഓഫറിൽ ക്യാഷ് ഡിസ്‌കൗണ്ട്, എക്‌സ്‌ചേഞ്ച് ബോണസ്, കോർപ്പറേറ്റ് ഡിസ്‌കൗണ്ട് എന്നിവയും ഉൾപ്പെടുന്നു.
 )
Followഅടുത്ത ഏതാനും ദിവസങ്ങൾക്കുള്ളിൽ നിങ്ങൾ ഒരു പുതിയ കാർ വാങ്ങാൻ ആഗ്രഹിക്കുന്നുവെങ്കിൽ, നിങ്ങൾക്കൊരു സന്തോഷ വാർത്തയുണ്ട്. ആഭ്യന്തര കാർ നിർമ്മാതാക്കളായ ടാറ്റ മോട്ടോഴ്‌സ് 2024 മെയ് മാസത്തിൽ ടിയാഗോ കാറിന് 60,000 രൂപ വരെ കിഴിവ് നൽകുന്നു. ഈ ഓഫറിൽ ക്യാഷ് ഡിസ്‌കൗണ്ട്, എക്‌സ്‌ചേഞ്ച് ബോണസ്, കോർപ്പറേറ്റ് ഡിസ്‌കൗണ്ട് എന്നിവയും ഉൾപ്പെടുന്നു.
ടാറ്റ ടിയാഗോ പെട്രോളിൻ്റെ XT (O), XT, XZ+ വേരിയൻ്റുകളിൽ കമ്പനി മൊത്തം 60,000 രൂപ കിഴിവ് നൽകുന്നു. ഈ ഓഫറിൽ 45,000 രൂപയുടെ ക്യാഷ് ഡിസ്‌കൗണ്ടും 10,000 രൂപയുടെ എക്‌സ്‌ചേഞ്ച് ബോണസും 5,000 രൂപയുടെ കോർപ്പറേറ്റ് ഡിസ്‌കൗണ്ടും ഉൾപ്പെടുന്നു. ടാറ്റ ടിയാഗോയുടെ പെട്രോൾ, സിഎൻജി വേരിയൻ്റുകളിൽ കമ്പനി കിഴിവുകളും വാഗ്ദാനം ചെയ്യുന്നു. ടാറ്റ ടിയാഗോ പെട്രോളിൻ്റെ ശേഷിക്കുന്ന വേരിയൻ്റുകളിൽ കമ്പനി 50,000 രൂപ കിഴിവ് നൽകുന്നു. ഈ ഓഫറിൽ 35,000 രൂപയുടെ ക്യാഷ് ഡിസ്‌കൗണ്ടും 10,000 രൂപയുടെ എക്‌സ്‌ചേഞ്ച് ബോണസും 5,000 രൂപയുടെ കോർപ്പറേറ്റ് ഡിസ്‌കൗണ്ടും ഉൾപ്പെടുന്നു. ഇതിനുപുറമെ, ടാറ്റ ടിയാഗോയുടെ സിഎൻജി വേരിയൻ്റിന് 40,000 രൂപ വരെ കിഴിവും കമ്പനി വാഗ്ദാനം ചെയ്യുന്നു. 25,000 രൂപ വരെ ക്യാഷ് ഡിസ്‌കൗണ്ട്, 10,000 രൂപ എക്‌സ്‌ചേഞ്ച് ബോണസ്, 5,000 രൂപ കോർപ്പറേറ്റ് ഡിസ്‌കൗണ്ട് എന്നിവ ഓഫറുകളിൽ ഉൾപ്പെടുന്നു.
ടാറ്റാ ടിയാഗോയുടെ പവർട്രെയിനിനെക്കുറിച്ച് പറയുകയാണെങ്കിൽ, ടാറ്റ ടിയാഗോയ്ക്ക് 1.2 ലിറ്റർ പെട്രോൾ എഞ്ചിനാണുള്ളത്. അത് പരമാവധി 86 ബിഎച്ച്പി കരുത്തും 113 എൻഎം പരമാവധി ടോർക്കും സൃഷ്‍ടിക്കാൻ പ്രാപ്‍തമാണ്. ഇതുകൂടാതെ, പരമാവധി 73.5 ബിഎച്ച്പി കരുത്തും 95 എൻഎം പരമാവധി ടോർക്കും സൃഷ്‍ടിക്കാൻ ശേഷിയുള്ള സിഎൻജി ഓപ്ഷനും കാറിൽ നൽകിയിട്ടുണ്ട്. കാറിൻ്റെ രണ്ട് എഞ്ചിനുകളും അഞ്ച് സ്പീഡ് മാനുവൽ, ഓട്ടോമാറ്റിക് ഗിയർബോക്‌സുമായി ഘടിപ്പിച്ചിരിക്കുന്നു. പെട്രോൾ മാനുവലിൽ 20.1 കിലോമീറ്ററും പെട്രോൾ ഓട്ടോമാറ്റിക്കിൽ 19.43 കിലോമീറ്ററും സിഎൻജി മാനുവലിൽ 26.49 കിലോമീറ്ററും സിഎൻജി ഓട്ടോമാറ്റിക്കിൽ 28.06 കിലോമീറ്ററും മൈലേജ് നൽകുമെന്ന് കമ്പനി അവകാശപ്പെടുന്നു.
ടാറ്റ ടിയാഗോയുടെ ഇൻ്റീരിയറിൽ, ഉപഭോക്താക്കൾക്ക് 7.0 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെൻ്റ് സിസ്റ്റം, ആൻഡ്രോയിഡ് ഓട്ടോ, ആപ്പിൾ കാർപ്ലേ കണക്റ്റിവിറ്റി, എട്ട് സ്‍പീക്കർ സൗണ്ട് സിസ്റ്റം, ഓട്ടോമാറ്റിക് ക്ലൈമറ്റ് കൺട്രോൾ തുടങ്ങിയ സവിശേഷതകൾ നൽകിയിട്ടുണ്ട്. ഇതിനുപുറമെ, സുരക്ഷയ്ക്കായി, ഡ്യുവൽ ഫ്രണ്ട് എയർബാഗുകൾ, പിൻ പാർക്കിംഗ് സെൻസർ, എബിഎസ് സാങ്കേതികവിദ്യ തുടങ്ങിയ സവിശേഷതകളും കാറിലുണ്ട്. മാരുതി സുസുക്കി സെലേറിയോ, വാഗൺആർ തുടങ്ങിയ കാറുകളുമായാണ് ടാറ്റ ടിയാഗോ വിപണിയിൽ മത്സരിക്കുന്നത്. ടോപ് മോഡലിന് 5.65 ലക്ഷം മുതൽ 8.90 ലക്ഷം രൂപ വരെയാണ് ടാറ്റ ടിയാഗോയുടെ പ്രാരംഭ എക്‌സ് ഷോറൂം വില.
ശ്രദ്ധിക്കുക, മേൽപ്പറഞ്ഞ ഓഫറുകൾ രാജ്യത്തെ വിവിധ ഭൂപ്രദേശങ്ങൾ, സ്റ്റോക്കുകൾ, വേരിയന്റ് തുടങ്ങിയവയെ അനുസരിച്ച് വ്യത്യാസപ്പെടാാൻ സാധ്യതയുണ്ട്. ഡിസ്‌കൗണ്ടിനെ കുറിച്ചുള്ള കൂടുതൽ വിവരങ്ങൾക്ക് ഉപഭോക്താക്കൾക്ക് അവരുടെ അടുത്തുള്ള ഡീലർഷിപ്പുമായി ബന്ധപ്പെടുക.
