വീട്ടമ്മയുടെ സഞ്ചരിക്കുന്ന വീട്! അകത്തെ കാഴ്ച കണ്ടവർ ഞെട്ടി! ചോദിക്കുന്നത് ഒരൊറ്റ ചോദ്യം, പക്ഷേ ഉത്തരമില്ല
4.5 മീറ്റർ നീളവും 2 മീറ്റർ വീതിയും മാത്രമാണ് ഈ കാരവാനിനുള്ളത്. അതിനുള്ളിലെ സാധനങ്ങൾ മഞ്ഞ, ഓറഞ്ച് നിറങ്ങളിൽ അലങ്കരിച്ചിരിക്കുന്നു,
 )
Followസോഷ്യൽ മീഡിയയുടെയും ഇൻ്റർനെറ്റിൻ്റെയും യുഗത്തിൽ, നിങ്ങൾക്ക് എന്തൊക്കെ കാണാനാകുമെന്ന് സങ്കൽപ്പിക്കാൻ കഴിയില്ല. ചിലപ്പോൾ നമുക്ക് സങ്കൽപ്പിക്കാൻ പോലും കഴിയാത്ത ചില കാര്യങ്ങൾ കാണാം. ലോകത്തിൻ്റെ ഒരു കോണിൽ ഇരുന്നുകൊണ്ട് മറ്റൊരു കോണിൽ ജീവിക്കുന്ന ആളുകളുടെ ജീവിതത്തെക്കുറിച്ച് അറിയാൻ കഴിയും. ആളുകൾക്ക് അവരുടെ സർഗ്ഗാത്മകത മിനിറ്റുകൾക്കുള്ളിൽ ലോകവുമായി പങ്കിടാനുമൊക്കെ ഇന്ന് സാധിക്കും.
അത്തരത്തിലുള്ള ഒരു വീഡിയോ ഇപ്പോൾ വൈറലായിക്കൊണ്ടിരിക്കുകയാണ്. പുറത്ത് നിന്ന് നോക്കുമ്പോൾ വളരെ ചെറുതായ ഒരു വാഹനമാണ് ഈ വീഡിയോയിലെ ഹീറോ. ഒരു ചെറിയ കാരവാനാണത്. അതിൽ ഒരാൾക്ക് സുഖമായി ഇരിക്കാനോ കിടക്കാനോ കഴിയില്ല എന്നും തോന്നും. എങ്കിലും അതിനുള്ളിലെ കാഴ്ച ആരെയും ഞെട്ടിക്കുന്നതായിരുന്നു. പുറമെ നിന്ന് നോക്കിയാൽ ചെറിയ വാഹനമാണെന്ന് തോന്നുമെങ്കിലും കാറിനുള്ളിൽ എന്താണ് മറഞ്ഞിരിക്കുന്നതെന്ന് നമുക്ക് അറിയാം.
ഈ ഒരു ചെറിയ കാറിൽ മറ്റൊരു ലോകം മറഞ്ഞിരിക്കുന്നതായിദി സൺ റിപ്പോർട്ട് ചെയ്യുന്നു, എമ്മ മീസ് എന്ന സ്ത്രീയാണ് ഇത്തരമൊരു കാർ സോഷ്യൽ മീഡിയയിൽ പങ്കുവച്ചിരിക്കുന്നത്. അത് അവളുടെ മൊബൈൽ ഹോം ആണ്. ആശ്ചര്യപ്പെടുത്തുന്ന കാര്യം, അതിനുള്ളിൽ താമസിക്കുന്ന കാര്യം സങ്കൽപ്പിക്കാൻ പോലും കഴിയാത്തത്ര ചെറുതാണ്. എങ്കിലും, ഒരു പോളിഷ് കമ്പനിയുടെ ഈ കാരവൻ വാങ്ങി എമ്മ സ്വന്തം ലോകം സ്ഥാപിച്ചു. 4.5 മീറ്റർ നീളവും 2 മീറ്റർ വീതിയും മാത്രമാണ് ഈ കാരവാനിനുള്ളത്. അതിനുള്ളിലെ സാധനങ്ങൾ മഞ്ഞ, ഓറഞ്ച് നിറങ്ങളിൽ അലങ്കരിച്ചിരിക്കുന്നു, അതിൽ ഒരു ചെറിയ ഒറ്റ കിടക്കയും ഒരു ചെറിയ ഇരട്ട കിടക്കയും ഉണ്ട്. അതിനിടയിൽ ഒരു ചെറിയ ഫ്രിഡ്‍ജ്, ഹോബ്, സിങ്ക് എന്നിവയും ഉണ്ട്. സാധനങ്ങൾ സൂക്ഷിക്കാൻ ഒരു ചെറിയ അലമാരയും സ്ഥാപിച്ചിട്ടുണ്ട്.
എമ്മയുടെ ഈ ചെറിയ വീട് കണ്ട് ആളുകൾ പ്രശംസിക്കുകയും ആശ്ചര്യം പ്രകടിപ്പിക്കുകയും ചെയ്തു. എങ്കിലും, എല്ലാവരും ചോദിച്ച ഒരു കാര്യം ബാത്ത്റൂമുകളും ടോയ്‌ലറ്റുകളും എവിടെെ എന്നാണ്. പക്ഷേ എമ്മ ഈ ചോദ്യത്തിന് വ്യക്തമായ മറുപടി നൽകിയില്ല. എങ്കിലും ആളുകൾ അവളുടെ സർഗ്ഗാത്മകതയെ പ്രശംസിക്കുന്നു. ഈ വീട് മുഴുവൻ ഒരുക്കാൻ ചെലവായത് 3.20 ലക്,ം മാത്രമാണ് എന്നാണ് എമ്മ പറയുന്നത്.
