വലിയ ഇലക്ട്രിക്ക് പ്ലാനുകളുമായി സ്കോഡ
സുസ്ഥിരവും വൈദ്യുതവും വ്യക്തിഗതവുമായ മൊബിലിറ്റിയിലേക്ക് സ്കോഡ ഓട്ടോ കൂടുതൽ വേഗത്തിൽ നീങ്ങുകയാണെന്ന് സ്കോഡ ചെയർമാൻ കലസ് സെൽമർ പറഞ്ഞു.
 )
Follow2026-ഓടെ ആറ് പുതിയ ഓൾ-ഇലക്ട്രിക് വാഹനങ്ങൾ (ഇവി) അവതരിപ്പിക്കുമെന്ന് ചെക്ക് വാഹന ബ്രാൻഡായ സ്കോഡ പ്രഖ്യാപിച്ചു. നാല് പുതിയ ഇ-വാഹനങ്ങളും (രണ്ട് എസ്‌യുവികൾ, ഒരു എംപിവി, ഒരു വാഗൺ) കൂടാതെ രണ്ട് അപ്‌ഡേറ്റ് ചെയ്‍ത എൻയാക് ഐവി മോഡലുകളും പ്ലാനില്‍ ഉള്‍ക്കൊള്ളുന്നു. 25,000 യൂറോ (ഏകദേശം 22.5 ലക്ഷം രൂപ) മുതൽമുടക്കിൽ 2025-ഓടെ താങ്ങാനാവുന്ന ആഗോള ചെറുകിട ഇവി വിപണിയിൽ എത്തിക്കാനാണ് കാർ നിർമ്മാതാവ് ലക്ഷ്യമിടുന്നത്.
സുസ്ഥിരവും വൈദ്യുതവും വ്യക്തിഗതവുമായ മൊബിലിറ്റിയിലേക്ക് സ്കോഡ ഓട്ടോ കൂടുതൽ വേഗത്തിൽ നീങ്ങുകയാണെന്ന് സ്കോഡ ചെയർമാൻ കലസ് സെൽമർ പറഞ്ഞു. തങ്ങളുടെ പുതിയതും ഉയർന്ന കാര്യക്ഷമതയുള്ളതുമായ പരമ്പരാഗത, ഹൈബ്രിഡ്-പവർ മോഡലുകൾക്കൊപ്പം, ഈ പരിവർത്തന സമയത്ത് ലോകമെമ്പാടുമുള്ള നിലവിലുള്ളതും പുതിയതുമായ ഉപഭോക്താക്കളുടെ ആവശ്യങ്ങൾ നിറവേറ്റുന്നതിനായി ഏറ്റവും മികച്ചത് വാഗ്ദാനം ചെയ്യുന്നുവെന്ന് കമ്പനി അവകാശപ്പെടുന്നു.
ഒരു ചെറിയ ബിഇവി (4.1 മീറ്റർ നീളം), ഒരു കോംപാക്റ്റ് എസ്‌യുവി, ഒരു കോമ്പി വാഗൺ (ഒക്ടാവിയയെ അടിസ്ഥാനമാക്കിയുള്ളത്), ഒരു എംപിവി (ഏകദേശം 4.9 മീറ്റർ നീളം) എന്നിവ ഉൾപ്പെടെ വരാനിരിക്കുന്ന നാല് സ്കോഡ ഇലക്ട്രിക് കാറുകളുടെ കണ്‍സെപ്റ്റ് മോഡലുകൾ കമ്പനി പ്രദർശിപ്പിച്ചിട്ടുണ്ട്. ആഗോള വിപണിയിൽ കരോക്കിന്റെ വൈദ്യുത പകരക്കാരനായാണ് എൽറോക്ക് എന്ന് വിളിക്കുന്ന പുതിയ സ്കോഡ ചെറു ഇലക്ട്രിക് എസ്‌യുവി എത്തുന്നത്.
സ്കോഡ എൽറോക്കിനെക്കുറിച്ച് പറയുമ്പോൾ, ചെറിയ ഇലക്ട്രിക് കാർ ബോണ്‍ ഇവി ആർക്കിടെക്ചറിനെ അടിസ്ഥാനമാക്കിയുള്ളതായിരിക്കും. ഒപ്പം ജീപ്പ് അവഞ്ചർ, ഫോർഡ് എക്‌സ്‌പ്ലോറർ ഇവി, മിനി ഏസ്‌മാൻ എന്നിവയെ നേരിടും. ബ്രാൻഡിന്റെ പുതിയ പരുക്കൻ 'മോഡേൺ സോളിഡ്' ഡിസൈൻ ഭാഷ അവതരിപ്പിക്കുന്ന ആദ്യത്തെ സ്കോഡ മോഡലായിരിക്കും ഇത്. സ്‌റ്റൈലിംഗ് തീമിൽ ഒരു പരുക്കൻ ഫ്രണ്ട് ഫാസിയ ഉൾപ്പെടുന്നു. ടെക് ഡെക്ക് എന്ന് വിളിക്കപ്പെടുന്ന, ചതുരാകൃതിയിലുള്ള വീൽ ആർച്ചുകൾ, മുന്നിലും പിന്നിലും വലിയ സ്‌കിഡ്‌പ്ലേറ്റുകൾ എന്നിവയും ലഭിക്കും.
സ്കോഡ എൽറോക്ക് അതിന്റെ പവർട്രെയിൻ സ്കോഡ എൻയോക്കുമായി പങ്കിട്ടേക്കാം . അതായത്, ഒറ്റ ചാർജിൽ 480 കിലോമീറ്റർ റേഞ്ച് വാഗ്ദാനം ചെയ്യുന്ന 77kWh ബാറ്ററി പാക്ക് ഉണ്ടായിരിക്കാം. സ്‌കോഡയുടെ പുതിയ 86kWh ബാറ്ററിയും ചെറിയ ഇലക്ട്രിക് എസ്‌യുവിയിൽ നൽകിയേക്കാം. എൽറോക്കിന്റെ ഏറ്റവും ശക്തമായ പതിപ്പിന് ഇരട്ട-മോട്ടോർ ക്രമീകരണവും ഏകദേശം 300bhp മൂല്യമുള്ള കരുത്തും ഉണ്ടായിരിക്കാം. ഇതിന് സ്കോഡ എൽറോക്ക് vRS എന്ന് പേരിടാനും സാധ്യതയുണ്ട്.
