"ബുള്ളറ്റ് ഡാാ.."എതിരാളികള്‍ മനസില്‍ കണ്ടത് റോയല്‍ എൻഫീല്‍ഡ് മാനത്ത് കണ്ടു!
എതിരാളികള്‍ യുദ്ധതന്ത്രം മെനയുമ്പോള്‍ വെറുതെയിരിക്കാൻ റോയല്‍ എൻഫീല്‍ഡ് ഒരുക്കമല്ല. 350 സിസി-450 സിസി ശ്രേണിയിൽ മൂന്ന് പുതിയ മോട്ടോർസൈക്കിളുകളുമായി വിപണി ശക്തിപ്പെടുത്താനുള്ള ഒരുക്കത്തിലാണ് റോയൽ എൻഫീൽഡ് കമ്പനി.
 )
Followപുതിയ ഹാർലി-ഡേവിഡ്‌സൺ X440 , ട്രയംഫ് സ്പീഡ് 400 എന്നിവ അവതരിപ്പിക്കുന്നതോടെ മിഡിൽവെയ്റ്റ് മോട്ടോർസൈക്കിൾ സെഗ്‌മെന്റ് കൂടുതൽ മത്സരാത്മകമായി മാറുകയാണ് . വിവിധ ഇരുചക്ര വാഹന നിർമ്മാതാക്കളിൽ നിന്നുള്ള ഏറ്റവും താങ്ങാനാവുന്ന ഓഫറുകളാണ് ഈ ബൈക്കുകളുടെ പ്രത്യേകത. ഹീറോയും ഹാർലിയും തമ്മിലുള്ള പങ്കാളിത്തത്തിൽ പുറത്തിറക്കുന്ന ആദ്യ മോഡലാണ് ഹാർലി-ഡേവിഡ്‌സൺ X440. അതേസമയം ബജാജ് ഓട്ടോയും ട്രയംഫും ചേർന്ന് വികസിപ്പിച്ച ആദ്യത്തെ ഉൽപ്പന്നമാണ് സ്പീഡ് 400. ബുള്ളറ്റ് 350, ക്ലാസിക് 340, ഹണ്ടർ 350, മെറ്റിയർ 350, ഹിമാലയൻ 400 തുടങ്ങിയ ജനപ്രിയ മോഡലുകൾ വാഗ്ദാനം ചെയ്യുന്ന റോയൽ എൻഫീൽഡിന്റെ ആധിപത്യത്തെ വെല്ലുവിളിക്കാനാണ് ഇരു കമ്പനികളും ലക്ഷ്യമിടുന്നത്.
എന്നാൽ വെറുതെയിരിക്കാൻ റോയല്‍ എൻഫീല്‍ഡും ഒരുക്കമല്ല. 350 സിസി-450 സിസി ശ്രേണിയിൽ മൂന്ന് പുതിയ മോട്ടോർസൈക്കിളുകളുമായി വിപണി ശക്തിപ്പെടുത്താനുള്ള ഒരുക്കത്തിലാണ് റോയൽ എൻഫീൽഡ് കമ്പനി. പുതിയ തലമുറ റോയൽ എൻഫീൽഡ് ബുള്ളറ്റ് 350 ഈ സെപ്റ്റംബർ ആദ്യം പുറത്തിറക്കുമെന്ന് റിപ്പോർട്ടുകൾ സൂചിപ്പിക്കുന്നു. റോയൽ എൻഫീൽഡ് സ്ക്രാം 440-ൽ കമ്പനി പ്രവർത്തിക്കുന്നുണ്ട്. ഇത് അടുത്ത 12 മാസത്തിനുള്ളിൽ നിരത്തിലെത്താൻ സാധ്യതയുണ്ട്.
പുതിയ 750 സിസി ബോബർ ബുള്ളറ്റിന്‍റെ പണിപ്പുരയില്‍ റോയൽ എൻഫീൽഡ്
പുതിയ തലമുറ റോയൽ എൻഫീൽഡ് ബുള്ളറ്റ് 350 (J1B എന്ന കോഡ് നാമം) യെ കുറിച്ച് പറയുകയാണെങ്കിൽ, ബൈക്ക് ഒരു പുതിയ പ്ലാറ്റ്‌ഫോമിനെ അടിസ്ഥാനമാക്കിയുള്ളതായിരിക്കും. കൂടാതെ 346 സിസി, സിംഗിൾ സിലിണ്ടർ, എയർ കൂൾഡ് എഞ്ചിനാണ് കരുത്ത് പകരുന്നത്. മികച്ച ലംബർ സപ്പോർട്ടുള്ള പുതിയ സിംഗിൾ പീസ് സീറ്റ്, ഹെഡ്‌ലാമ്പിന് ചുറ്റുമുള്ള ക്രോം ട്രീറ്റ്‌മെന്റ്, ടെയ്‌ലാമ്പ്, റിയർവ്യൂ മിററുകൾ, ടിയർ ഡ്രോപ്പ് ഫ്യൂവൽ ടാങ്ക്, വയർ-സ്‌പോക്ക് വീലുകൾ, സിംഗിൾ-സൈഡ് എക്‌സ്‌ഹോസ്റ്റ് കാനിസ്റ്റർ എന്നിവ ഉൾപ്പെടെ കാര്യമായ സൗന്ദര്യവർദ്ധക മാറ്റങ്ങൾ പ്രതീക്ഷിക്കുന്നു.
പുതിയ റോയൽ എൻഫീൽഡ് ഹിമാലയനെക്കുറിച്ചുള്ള വിശദാംശങ്ങൾ ഇപ്പോൾ ലഭ്യമല്ല. ഡി4കെ എന്ന കോഡുനാമം, റോയൽ എൻഫീൽഡ് സ്ക്രാം 440-ൽ എയർ/ഓയിൽ കൂൾഡ് 440 സിസി എഞ്ചിൻ ഉപയോഗിക്കും. എന്നിരുന്നാലും, വരും മാസങ്ങളിൽ പുറത്തിറക്കാൻ ഉദ്ദേശിക്കുന്ന റോയൽ എൻഫീൽഡ് ഹിമാലയൻ 450-നെ അപേക്ഷിച്ച് അതിന്റെ ശക്തിയും ടോർക്കും കണക്കുകൾ വളരെ കുറവായിരിക്കും. പുതിയ സ്ക്രാം 440 സ്ക്രാം 411-ന് പകരമാകുമോ അതോ അതിനോടൊപ്പം വിൽക്കുമോ എന്നും വ്യക്തമല്ല.
