പഞ്ചും എക്സ്‍റ്ററും വിറച്ചു തുടങ്ങി, വരുന്നൂ റെനോ കാര്‍ഡിയൻ
വരാനിരിക്കുന്ന റെനോ കാർഡിയാന്റെ ഡിസൈനും ഇന്റീരിയറിന്‍റെയും മറ്റും ചില ടീസർ ചിത്രങ്ങളും കമ്പനി പുറത്തിറക്കിയിട്ടുണ്ട്. മറ്റ് വികസ്വര രാജ്യങ്ങളിലേക്ക് പ്രവേശിക്കുന്നതിന് മുമ്പ് ഈ കോംപാക്റ്റ് എസ്‌യുവി ആദ്യം ബ്രസീലിൽ വിൽപ്പനയ്‌ക്കെത്തും.
 )
Follow2023 ഒക്‌ടോബർ 25-ന് കാർഡിയൻ എന്ന പേരിൽ ഒരു പുതിയ കോംപാക്റ്റ് എസ്‌യുവി അവതരിപ്പിക്കുമെന്ന് ഫ്രഞ്ച് വാഹന നിര്‍മ്മാതാക്കളായ റെനോ പ്രഖ്യാപിച്ചു. വരാനിരിക്കുന്ന റെനോ കാർഡിയാന്റെ ഡിസൈനും ഇന്റീരിയറിന്‍റെയും മറ്റും ചില ടീസർ ചിത്രങ്ങളും കമ്പനി പുറത്തിറക്കിയിട്ടുണ്ട്. മറ്റ് വികസ്വര രാജ്യങ്ങളിലേക്ക് പ്രവേശിക്കുന്നതിന് മുമ്പ് ഈ കോംപാക്റ്റ് എസ്‌യുവി ആദ്യം ബ്രസീലിൽ വിൽപ്പനയ്‌ക്കെത്തും.
പുതിയ റെനോ കാർഡിയൻ കോംപാക്റ്റ് എസ്‌യുവി ഡാസിയ സാൻഡേറോ സ്റ്റെപ്പ്‌വേയെ അടിസ്ഥാനമാക്കിയുള്ളതാണ്. തിരഞ്ഞെടുത്ത രാജ്യാന്തര വിപണികളിൽ റെനോയുടെ ഏറ്റവും ചെറിയ എസ്‌യുവിയായിരിക്കും ഇത്. പുതിയ സബ്-4 മീറ്റർ എസ്‌യുവി ദക്ഷിണ അമേരിക്കൻ വിപണികളിൽ വിൽപ്പനയ്‌ക്കെത്തുന്ന ഫിയറ്റ് പൾസിനോട് നേരിട്ട് മത്സരിക്കും. CMF-B പ്ലാറ്റ്‌ഫോമിൽ നിർമ്മിച്ച പുതിയ കാർഡിയൻ കോംപാക്റ്റ് എസ്‌യുവി സാൻഡേറോ സ്റ്റെപ്പ്‌വേയുമായി ബോഡി പാനലുകളും പവർട്രെയിനുകളും പങ്കിടും. എന്നിരുന്നാലും, ഇതിന് ഒരു പുതിയ ഫ്രണ്ട് സ്റ്റൈലിംഗും കൂടുതൽ എസ്‌യുവി പ്രൊഫൈലും ഉണ്ടായിരിക്കും.
റെനോ കാർഡിയൻ കോംപാക്റ്റ് എസ്‌യുവിയുടെ ഫ്രണ്ട് പ്രൊഫൈലിൽ സിഗ്നേച്ചർ ഡബിൾ-ലെയർ ഗ്രില്ലുള്ള മുൻവശത്ത് സ്പ്ലിറ്റ് ഹെഡ്‌ലാമ്പ് സജ്ജീകരണം ഉണ്ടാകും. ഫാക്‌സ് ബ്രഷ് ചെയ്ത അലുമിനിയം സ്‌കിഡ്‌പ്ലേറ്റ് ഉള്ള ബ്ലാക്ക് ഫിനിഷ്ഡ് ബമ്പറുമായാണ് ഇത് വരുന്നത്. സിൽഹൗറ്റ് പോലെയുള്ള കൂപ്പെ-എസ്‌യുവി, ഉയർന്ന ഗ്രൗണ്ട് ക്ലിയറൻസ്, വീൽ ആർച്ചുകളിൽ ചങ്കി ക്ലാഡിംഗ് എന്നിവയുമായാണ് കാർഡിയൻ എത്തുന്നത്. കിഗറിൽ നിന്ന് പ്രചോദനം ഉൾക്കൊണ്ട് സി ആകൃതിയിലുള്ള ടെയിൽ ലാമ്പുകൾ പിൻഭാഗത്ത് ലഭിക്കുന്നു.
വാങ്ങാൻ കൂട്ടയിടി, എക്സ്റ്ററിന് വില കൂട്ടി ഹ്യുണ്ടായി!
വലിയ റെനോ എസ്‌യുവികളിൽ നിന്ന് പ്രചോദനം ഉൾക്കൊണ്ട് സ്റ്റൈലിഷ് ഡാഷ്‌ബോർഡ് ലേഔട്ട് റെനോ കാർഡിയൻ കോംപാക്റ്റ് എസ്‌യുവി അവതരിപ്പിക്കുന്നുവെന്ന് ഇന്റീരിയർ ടീസറുകൾ വെളിപ്പെടുത്തുന്നു. എട്ട് ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, നാല് സ്‌പോക്ക് സ്റ്റിയറിംഗ് വീൽ, ഫോക്‌സ് ബ്രഷ്ഡ് അലുമിനിയം & വുഡ് ഇൻസെർട്ടുകൾ, ഡ്രൈവ് മോഡ് സെലക്ടർ എന്നിവ ഇതിന്റെ സവിശേഷതകളാണ്.
1.0 ലിറ്റർ 3 സിലിണ്ടർ ടർബോചാർജ്ഡ് പെട്രോൾ എഞ്ചിനായിരിക്കും റെനോ കാർഡിയന് കരുത്തേകുക. ഇന്ത്യയിൽ കിഗറിനും മാഗ്‌നൈറ്റിനും കരുത്ത് പകരുന്നത് ഈ എഞ്ചിൻ തന്നെയാണ്. രണ്ടാം തലമുറ ഡസ്റ്ററിന് താഴെയായിരിക്കും പുതിയ കാർഡിയൻ കോംപാക്ട് എസ്‌യുവിയുടെ സ്ഥാനം. CMF-B മോഡുലാർ പ്ലാറ്റ്‌ഫോമിനെ അടിസ്ഥാനമാക്കിയുള്ള മൂന്നാം തലമുറ ഡസ്റ്ററിലും റെനോ പ്രവർത്തിക്കുന്നുണ്ട് . മൂന്നാം തലമുറ ഡസ്റ്റർ 2025 ഓടെ നമ്മുടെ വിപണിയിലും വിൽപ്പനയ്‌ക്കെത്തും.
