പരിഭ്രമിക്കരുത്! പുതിയ ഥാറിന് കമ്പനി പറഞ്ഞത് ഇത്രയും മൈലേജ്, എന്നാൽ റോഡിൽ ഓടിച്ചപ്പോൾ കിട്ടിയത് ഇത്രയും
ഡീസലിൽ പ്രവർത്തിക്കുന്ന ഥാർ റോക്സിന് കമ്പനി അവകാശപ്പെടുന്ന മൈലേജ് 15.2 കിമി ആണ്. എന്നാൽ റോഡിൽ ലഭിക്കുന്ന യഥാർത്ഥ മൈലേജ് തികച്ചും വ്യത്യസ്തമാണെന്നാണ് റിപ്പോര്‍ട്ടുകൾ. കാർവാലെയുടെ ടെസ്റ്റിംഗ് റിപ്പോർട്ട് അനുസരിച്ചുള്ള ഡീസൽ എടി വേരിയൻ്റിൻ്റെ യഥാർത്ഥ മൈലേജ് വിശദാംശങ്ങൾ നമുക്ക് അറിയാം.
Followമഹീന്ദ്ര ആൻഡ് മഹീന്ദ്ര അടുത്തിടെയാണ് പുതിയ അഞ്ച് ഡോർ ഥാറായ ഥാർ റോക്സ് ലോഞ്ച് ചെയ്‍തത്. അതിശയിപ്പിക്കുന്ന നിരവധി ഫീച്ചറുകൾ, വലിയ ബൂട്ട് സ്പേസ്, പിൻ സീറ്റ്, 5-ഡോർ ഓപ്ഷൻ എന്നിവ മഹീന്ദ്ര ഥാറിൻ്റെ പുതിയ രൂപത്തിൽ കാണാം. ഇതോടെ ഇത് ഒരു ഓൾറൗണ്ടർ എസ്‌യുവിയായി മാറി. ഡീസലിൽ പ്രവർത്തിക്കുന്ന ഥാർ റോക്സിന് കമ്പനി അവകാശപ്പെടുന്ന മൈലേജ് 15.2 കിമി ആണ്. എന്നാൽ റോഡിൽ ലഭിക്കുന്ന യഥാർത്ഥ മൈലേജ് തികച്ചും വ്യത്യസ്തമാണെന്നാണ് റിപ്പോര്‍ട്ടുകൾ. കാർവാലെയുടെ ടെസ്റ്റിംഗ് റിപ്പോർട്ട് അനുസരിച്ച് ഡീസൽ എടി വേരിയൻ്റിൻ്റെ യഥാർത്ഥ മൈലേജ് വിശദാംശങ്ങൾ നമുക്ക് അറിയാം.
നഗരത്തിനും ഹൈവേക്കുമായി ഥാർ റോക്ക്‌സ് ഡീസൽ എടിയുടെ മൈലേജ് യഥാക്രമം 10.82 കിമിയും 15.44 കിമിയും ആണെന്ന് കാർവാലെയുടെ ടെസ്റ്റിംഗ് റിപ്പോർട്ട് പറയുന്നു. നഗരത്തിലെ മൈലേജ് കണക്കുകളുടെ 75 ശതമാനവും ഹൈവേ കണക്കുകളുടെ 25 ശതമാനവും സംയോജിപ്പിച്ചാൽ, ശരാശരി മൈലേജ് 11.97 കിമി ആണ്. 57 ലിറ്റർ ഇന്ധന ടാങ്ക് കപ്പാസിറ്റിയുള്ള മഹീന്ദ്ര ഥാർ ഒരു ഫുൾ ടാങ്കിൽ ഏകദേശം 682 കി.മീ ഓടുന്നു.
2.0-ലിറ്റർ TGDi പെട്രോൾ അല്ലെങ്കിൽ 2.2-ലിറ്റർ CRDi ഡീസൽ എഞ്ചിനിൽ പുതിയ ഥാർ റോക്സ് ലഭിക്കും. രണ്ട് എഞ്ചിൻ ഓപ്ഷനുകളിലും 6-സ്പീഡ് മാനുവൽ അല്ലെങ്കിൽ 6-സ്പീഡ് ടോർക്ക് കൺവെർട്ടർ ഓട്ടോമാറ്റിക് ഗിയർബോക്‌സ് ലഭിക്കും. ഥാർ റോക്സ് കളർ ഓപ്ഷനുകളെക്കുറിച്ച് പറയുകയാണെങ്കിൽ, പുതിയ മഹീന്ദ്ര ഥാർ റോക്സ് ഏഴ് പെയിൻ്റ് സ്‍കീമുകളിൽ വരുന്നു. സ്റ്റെൽത്ത് ബ്ലാക്ക്, ടാംഗോ റെഡ്, എവറസ്റ്റ് വൈറ്റ്, ഡീപ് ഫോറസ്റ്റ്, നെബുല ബ്ലൂ, ബാറ്റിൽഷിപ്പ് ഗ്രേ, ബേൺഡ് സിന തുടങ്ങിയ കളർ ഓപ്ഷനുകൾ ഇതിൽ ഉൾപ്പെടുന്നു. MX1, MX3, AX3L, MX5, AX5L, AX7L എന്നീ ആറ് വകഭേദങ്ങൾ ഇതിൽ ഉൾപ്പെടുന്നു.
ഥാർ റോക്സിൽ സുരക്ഷാ സവിശേഷതകളിൽ പ്രധാനം ക്യാമറ അടിസ്ഥാനമാക്കിയുള്ള ലെവൽ-2 ADAS സ്യൂട്ടാണ് നൽകിയിരിക്കുന്നത്. നാല് ചക്രങ്ങളിലും ഡിസ്‌ക് ബ്രേക്കുകൾ, 6 എയർബാഗുകൾ, എല്ലാ യാത്രക്കാർക്കും മൂന്ന് പോയിൻ്റ് സീറ്റ് ബെൽറ്റുകൾ, TCS, TPMS, ESP എന്നിവ എസ്‌യുവിയുടെ മറ്റ് ചില സുരക്ഷാ സവിശേഷതകളാണ്. ഓഫ്-റോഡിംഗ് സുഗമമാക്കുന്നതിന്, മഹീന്ദ്ര ക്രാൾ സ്മാർട്ട് അസിസ്റ്റ് (സിഎസ്എ), ഇൻ്റലി ടേൺ അസിസ്റ്റ് (ഐടിഎ) എന്നിവയും ഇലക്ട്രോണിക് ലോക്കിംഗ് റിയർ ഡിഫറൻഷ്യലും വാഗ്ദാനം ചെയ്യുന്നു. മൊത്തത്തിൽ, ഈ സവിശേഷതകളെല്ലാം ഇതിനെ വളരെ വിപുലമായ എസ്‌യുവിയാക്കുന്നു.
