682 കിലോമീറ്റർ വരെ റേഞ്ച്, ഭാരത് മൊബിലിറ്റി ഷോ ശ്രദ്ധാകേന്ദ്രങ്ങളാകാൻ മഹീന്ദ്ര ഇവികൾ; പുതിയ വിവരങ്ങളിതാ
മഹീന്ദ്രയുടെ പുതിയ ബോൺ ഇലക്ട്രിക് എസ്‌യുവികളായ ബിഇ 6, എക്‌സ്ഇവി 9ഇ എന്നിവ ഈ ഷോയിൽ ശ്രദ്ധാകേന്ദ്രങ്ങളായിരിക്കും.
Follow2025 ഓട്ടോ എക്‌സ്‌പോ അഥവാ 2025ലെ ഭാരത് മൊബിലിറ്റി ഷോ ജനുവരി 17 ന് ആരംഭിച്ച് ജനുവരി 22 വരെ ദില്ലിയിൽ നടക്കും. മഹീന്ദ്രയുടെ പുതിയ ബോൺ ഇലക്ട്രിക് എസ്‌യുവികളായ ബിഇ 6, എക്‌സ്ഇവി 9ഇ എന്നിവ ഈ ഷോയിൽ ശ്രദ്ധാകേന്ദ്രങ്ങളായിരിക്കും.
മഹീന്ദ്ര BE 6 , XEV 9e എന്നിവയുടെ പവർട്രെയിൻ സജ്ജീകരണത്തിൽ രണ്ട് ബാറ്ററി പാക്ക് ഓപ്ഷനുകൾ ഉൾപ്പെടുന്നു. ഇവ ബിവൈഡിയുടെ ബ്ലേഡ് സെൽ സാങ്കേതികവിദ്യയുമായാണ് വരുന്നത്. മോട്ടോർ, ഇൻവെർട്ടർ, ട്രാൻസ്മിഷൻ എന്നിവ ഉൾപ്പെടുന്ന ബ്രാൻഡിൻ്റെ "കോംപാക്റ്റ് ത്രീ-ഇൻ-വൺ പവർട്രെയിൻ" ഇവികളിൽ ഫീച്ചർ ചെയ്യുന്നുവെന്ന് കമ്പനി പറയുന്നു. റിയർ-വീൽ ഡ്രൈവ് സിസ്റ്റം സ്റ്റാൻഡേർഡായി വരുന്നു. പിന്നീടുള്ള ഘട്ടത്തിൽ AWD ഡ്രൈവ്‌ട്രെയിൻ സജ്ജീകരണത്തോടെ മഹീന്ദ്ര ഈ ഇവികൾ എത്തിയേക്കാം. ചെറിയ ബാറ്ററി പായ്ക്ക് എആർഎഐ സാക്ഷ്യപ്പെടുത്തിയ 556 കിലോമീറ്റർ റേഞ്ച് വാഗ്ദാനം ചെയ്യുന്നു. അതേസമയം വലിയ ബാറ്ററി 682 കിലോമീറ്റർ റേഞ്ച് നൽകുന്നു.
ഇവിയുടെ 61kWh ബാറ്ററി പതിപ്പ് 6.7 സെക്കൻഡിനുള്ളിൽ 0 മുതൽ 100kmph വരെ വേഗത കൈവരിക്കുമെന്ന് കമ്പനി അവകാശപ്പെടുന്നു. 10 സെക്കൻഡ് പരമാവധി ടോർക്ക് നൽകുന്ന ബൂസ്റ്റ് മോഡിനൊപ്പം മൂന്ന് ഡ്രൈവ് മോഡുകളുണ്ട്. ബാറ്ററി പാക്കിൽ വാങ്ങുന്നവർക്ക് ആജീവനാന്ത വാറൻ്റി ലഭിക്കും. 175kW DC ഫാസ്റ്റ് ചാർജർ ഉപയോഗിച്ച് വെറും 20 മിനിറ്റിനുള്ളിൽ ഈ ബാറ്ററികൾ 20 ശതമാനം മുതൽ 80 ശതമാനം വരെ ചാർജ് ചെയ്യാൻ കഴിയുമെന്ന് മഹീന്ദ്ര അവകാശപ്പെടുന്നു. ഇവികൾക്കൊപ്പം 11.2kWh എസി ചാർജറോ 7.3kWh എസി ചാർജറോ മഹീന്ദ്ര വാഗ്ദാനം ചെയ്യും.
മഹീന്ദ്ര BE 6, XEV 9e എന്നിവയിൽ സെമി-ആക്ടീവ് സസ്‌പെൻഷൻ, ക്രമീകരിക്കാവുന്ന റീജനറേറ്റീവ് ബ്രേക്കിംഗ്, ബ്രേക്ക്-ബൈ-വയർ ടെക്‌നോളജി, വേരിയബിൾ ഗിയർ റേഷ്യോകളുള്ള ഇലക്ട്രിക് പവർ സ്റ്റിയറിംഗ്, നാല് ചക്രങ്ങളിലും ഡിസ്‌ക് ബ്രേക്കുകൾ എന്നിങ്ങനെ വിപുലമായ ഫീച്ചറുകൾ സജ്ജീകരിച്ചിരിക്കുന്നു. 2025 ഓട്ടോ എക്‌സ്‌പോയിൽ, തദ്ദേശീയ വാഹന നിർമ്മാതാവ് അതിൻ്റെ നിലവിലുള്ള എസ്‌യുവി, ഇവി ഉൽപ്പന്ന ശ്രേണിയും പ്രദർശിപ്പിക്കും. മഹീന്ദ്ര BE 6, XEV 9e എന്നിവയുടെ വിപണി ലോഞ്ചിനെ തുടർന്ന്, മഹീന്ദ്ര അവരുടെ ജനപ്രിയ XUV700 എസ്‌യുവിയുടെ ഇലക്ട്രിക് പതിപ്പ് അവതരിപ്പിക്കാൻ പദ്ധതിയിടുന്നു.
