ഇതാ ഹാച്ച്ബാക്ക് വിൽപ്പന കണക്കുകൾ, ഒന്നാമൻ ബലേനോ തന്നെ
കഴിഞ്ഞ സാമ്പത്തിക വർഷമായ 2023-24ലെ ഈ കാലയളവിലും ധാരാളം പ്രീമിയം സെഗ്മെൻ്റ് ഹാച്ച്ബാക്ക് കാറുകൾ വിറ്റഴിക്കപ്പെട്ടു. കഴിഞ്ഞ സാമ്പത്തിക വർഷത്തിലെ പ്രീമിയം സെഗ്മെൻ്റ് ഹാച്ച്ബാക്ക് കാറുകളുടെ വിൽപ്പനയെക്കുറിച്ച് വിശദമായി അറിയാം.
 )
Followഇന്ത്യൻ ഉപഭോക്താക്കൾക്കിടയിൽ ഹാച്ച്ബാക്ക് കാറുകളുടെ ആവശ്യം എപ്പോഴും ഉയർന്നതാണ്. ഹാച്ച്ബാക്ക് സെഗ്‌മെൻ്റിൽ, മാരുതി സ്വിഫ്റ്റ്, വാഗൺആർ, ബലേനോ, ടാറ്റ ആൾട്രോസ്, ഹ്യുണ്ടായ് ഐ20, ടൊയോട്ട ഗ്ലാൻസ തുടങ്ങിയ കാറുകൾ ഏറ്റവും പ്രശസ്തമാണ്. ഹാച്ച്ബാക്ക് കാറുകളുടെ അറ്റകുറ്റപ്പണികൾ കുറയുന്നതിനൊപ്പം വിലയും കുറവാണെന്നതാണ് നേട്ടം. പ്രീമിയം സെഗ്മെൻ്റ് ഹാച്ച്ബാക്ക് കാറുകളും ആളുകൾ വളരെയധികം ഇഷ്ടപ്പെടുന്നു. കഴിഞ്ഞ സാമ്പത്തിക വർഷമായ 2023-24ലെ ഈ കാലയളവിലും ധാരാളം പ്രീമിയം സെഗ്മെൻ്റ് ഹാച്ച്ബാക്ക് കാറുകൾ വിറ്റഴിക്കപ്പെട്ടു. കഴിഞ്ഞ സാമ്പത്തിക വർഷത്തിലെ പ്രീമിയം സെഗ്മെൻ്റ് ഹാച്ച്ബാക്ക് കാറുകളുടെ വിൽപ്പനയെക്കുറിച്ച് വിശദമായി അറിയാം.
കഴിഞ്ഞ സാമ്പത്തിക വർഷം പ്രീമിയം സെഗ്മെൻ്റ് ഹാച്ച്ബാക്ക് കാറുകളുടെ വിൽപ്പനയിൽ മാരുതി സുസുക്കി ബലേനോ വീണ്ടും ഒന്നാം സ്ഥാനം കരസ്ഥമാക്കി. ഇക്കാലയളവിൽ മാരുതി ബലേനോയുടെ 1,95,660 യൂണിറ്റ് കാറുകളാണ് വിറ്റഴിച്ചത്. പ്രീമിയം ഹാച്ച്ബാക്ക് സെഗ്‌മെൻ്റിൻ്റെ ഈ വിൽപ്പന പട്ടികയിൽ ടാറ്റ ആൾട്രോസ് രണ്ടാം സ്ഥാനത്താണ്. ഈ കാലയളവിൽ ടാറ്റ ആൾട്രോസ് മൊത്തം 70,162 യൂണിറ്റ് കാറുകൾ വിറ്റു. 69,988 യൂണിറ്റ് വിൽപ്പനയുമായി ഹ്യൂണ്ടായ് i20 മൂന്നാം സ്ഥാനത്താണ്. അതേസമയം, 52,262 യൂണിറ്റ് വൽപ്പനയുമായി ടൊയോട്ട ഗ്ലാൻസ നാലാം സ്ഥാനത്താണ്.
മാരുതി സുസുക്കി ബലേനോ ഒരു 5-സീറ്റർ ഹാച്ച്ബാക്ക് കാറാണ്. അതിൽ 1.2 ലിറ്റർ ഡ്യുവൽജെറ്റ് പെട്രോൾ എഞ്ചിനാണ് നൽകിയിരിക്കുന്നത്. ഇത് പരമാവധി 90 ബിഎച്ച്പി കരുത്തും 113 എൻഎം പീക്ക് ടോർക്കും സൃഷ്ടിക്കാൻ പ്രാപ്തമാണ്. 5-സ്പീഡ് മാനുവൽ, 5-സ്പീഡ് ഓട്ടോമാറ്റിക് ട്രാൻസ്മിഷൻ ഗിയർബോക്‌സാണ് ട്രാൻസ്‍മിഷനായി ഘടിപ്പിച്ചിരിക്കുന്നത്. മാരുതി സുസുക്കി ബലേനോയിൽ, ഉപഭോക്താക്കൾക്ക് സിഎൻജി പവർട്രെയിനിൻ്റെ ഓപ്ഷനും ലഭിക്കുന്നുണ്ട്.
ബലേനോയുടെ ഇൻ്റീരിയറിനെക്കുറിച്ച് സംസാരിക്കുകയാണെങ്കിൽ, 9 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെൻ്റ് സിസ്റ്റം, വയർലെസ് ചാർജർ, ക്രൂയിസ് കൺട്രോൾ ഫീച്ചർ എന്നിവയ്‌ക്കൊപ്പം ആപ്പിൾ, ആൻഡ്രോയിഡ് കാർപ്ലേ കണക്റ്റിവിറ്റി എന്നിവയും ഇത് ഉപഭോക്താക്കൾക്ക് നൽകിയിട്ടുണ്ട്. ഇതിന് പുറമെ സുരക്ഷയ്ക്കായി 6 എയർബാഗുകളും 360 ഡിഗ്രി ക്യാമറയും കാറിൽ നൽകിയിട്ടുണ്ട്. മുൻനിര മോഡലിന് 6.66 ലക്ഷം മുതൽ 9.88 ലക്ഷം രൂപ വരെയാണ് മാരുതി ബലേനോയുടെ പ്രാരംഭ എക്‌സ് ഷോറൂം വില.
