തുടങ്ങി വെറും ഏഴ് ദിവസം, അമ്പരപ്പിക്കും ബുക്കിംഗുമായി മാരുതി ജിംനി
പുതിയ മാരുതി ജിംനി അഞ്ച് ഡോർ അതിന്റെ വില പ്രഖ്യാപനത്തിന് മുമ്പ് തന്നെ 5,000-ത്തിലധികം പ്രീ-ഓർഡറുകൾ ശേഖരിച്ചു എന്നാണ് പുതിയ കണക്കുകള്‍.
 )
Followമാരുതി സുസുക്കി തങ്ങളുടെ വരാനിരിക്കുന്ന ജിംനി 5-ഡോർ എസ്യുവി ഇന്ത്യൻ വിപണിയിൽ പ്രദർശിപ്പിച്ചിട്ട് ഏഴ് ദിവസമേ ആയിട്ടുള്ളൂ. 25,000 രൂപ ടോക്കൺ തുകയിൽ വാഹനത്തിന്‍റെ ബുക്കിംഗും ആരംഭിച്ചു. പുതിയ മാരുതി ജിംനി അഞ്ച് ഡോർ അതിന്റെ വില പ്രഖ്യാപനത്തിന് മുമ്പ് തന്നെ 5,000-ത്തിലധികം പ്രീ-ഓർഡറുകൾ ശേഖരിച്ചു എന്നാണ് പുതിയ കണക്കുകള്‍.
വാഹനത്തിന്‍റെ വിപണി ഏപ്രിൽ മാസത്തിൽ നടക്കാൻ സാധ്യതയുണ്ട്. ഏകദേശം 10 ലക്ഷം രൂപ മുതൽ വില പ്രതീക്ഷിക്കുന്നു. നെക്സ ഡീലർഷിപ്പ് നെറ്റ്‌വർക്ക് വഴി റീട്ടെയിൽ ചെയ്യുന്ന എസ്യുവി മോഡൽ ലൈനപ്പ് സെറ്റ, ആല്‍ഫ ട്രിമ്മുകളിൽ വരും.
അഞ്ച് ഡോർ മാരുതി ജിംനിയിൽ 1.5L, K15B പെട്രോൾ എഞ്ചിൻ നിഷ്‌ക്രിയ സ്റ്റാർട്ട്/സ്റ്റോപ്പ് ഫംഗ്‌ഷനോട് കൂടിയതാണ്. 5-സ്പീഡ് മാനുവൽ അല്ലെങ്കിൽ 4-സ്പീഡ് ടോർക്ക് കൺവെർട്ടർ ഓട്ടോമാറ്റിക് ഗിയർബോക്‌സ് ആയിരിക്കും ട്രാൻസ്‍മിഷൻ. ഇത് പരമാവധി 104.8PS കരുത്തും 134.2Nm ടോർക്കും ഉത്പാദിപ്പിക്കുന്നു. എസ്‌യുവിക്ക് സ്റ്റാൻഡേർഡ് ഫിറ്റ്‌മെന്റായി ലോ-റേഞ്ച് ട്രാൻസ്ഫർ ഗിയറോടുകൂടിയ ഓള്‍ഗ്രിപ്പ് പ്രോ 4X4 ലഭിക്കുന്നു. ജിംനി എസ്‌യുവിയുടെ മൈലേജ് ഇതുവരെ വെളിപ്പെടുത്തിയിട്ടില്ല.
അളവുകളുടെ കാര്യത്തിൽ, പുതിയ ജിംനിക്ക് മഹീന്ദ്ര ഥാറിന്റെ നീളം ലഭിക്കുന്നു. അതായത് 3985 എംഎം. ഇതിന്റെ വീതിയും ഉയരവും യഥാക്രമം 1645 മില്ലീമീറ്ററും 1720 മില്ലീമീറ്ററുമാണ്. പുതിയ മാരുതി എസ്‌യുവിക്ക് അതിന്റെ സെഗ്‌മെന്റിലെ ഏറ്റവും നീളമേറിയ വീൽബേസ് 2590 എംഎം ആണ്. ഫോഴ്‌സ് ഗൂർഖയേക്കാൾ ഉയർന്ന ഗ്രൗണ്ട് ക്ലിയറൻസ് ലഭിക്കുന്നു. ലാഡർ-ഓൺ-ഫ്രെയിം ചേസിസിനെ അടിസ്ഥാനമാക്കി, മാരുതി ജിംനി 5-ഡോറിന് 36° അപ്രോച്ച് ആംഗിളും 50° ഡിപ്പാർച്ചർ ആംഗിളും 24° ബ്രേക്ക്-ഓവർ ആംഗിളും ഉണ്ട്.
ഒമ്പത് ഇഞ്ച് സ്‍മാര്‍ട്ട് പ്ലേ പ്രോ പ്ലസ് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, ആര്‍ക്കിമിസ് സറൗണ്ട് സൗണ്ട് സിസ്റ്റം, ലെതർ പൊതിഞ്ഞ സ്റ്റിയറിംഗ് വീൽ, ഓട്ടോമാറ്റിക് ക്ലൈമറ്റ് കൺട്രോൾ, പുഷ്-ബട്ടൺ എഞ്ചിൻ സ്റ്റാർട്ട്/സ്റ്റോപ്പ് ഉള്ള സ്മാർട്ട് കീലെസ് എൻട്രി തുടങ്ങിയ ചില പ്രത്യേക സവിശേഷതകളോടെയാണ് ആൽഫ ട്രിം വരുന്നത്. മടക്കാവുന്ന സൈഡ് മിററുകൾ, ഓട്ടോമാറ്റിക് ഹെഡ്‌ലാമ്പുകൾ, ഹെഡ്‌ലാമ്പ് വാഷർ, DRL-കളുള്ള LED ഹെഡ്‌ലാമ്പുകൾ, ഫോഗ് ലാമ്പുകൾ, അലോയി വീലുകൾ, ഇരുണ്ട പച്ച ഗ്ലാസ്, ബോഡി-നിറമുള്ള ORVM-കൾ തുടങ്ങിയവയും ലഭിക്കുന്നു.
സുരക്ഷയ്‍ക്കായി ഈ പുതിയ മാരുതി എസ്‌യുവിയിൽ ആറ് എയർബാഗ് സംരക്ഷണം, ഹിൽ ഹോൾഡ് അസിസ്റ്റ്, ഇലക്ട്രോണിക് സ്റ്റെബിലിറ്റി കൺട്രോൾ, ഹിൽ ഡിസന്റ് കൺട്രോൾ, ബ്രേക്ക് ലിമിറ്റഡ് സ്ലിപ്പ് ഡിഫറൻഷ്യൽ, 3-പോയിന്റ് ELR സീറ്റ് ബെൽറ്റുകൾ, റിയർ വ്യൂ ക്യാമറ, റിയർ ഡിഫോഗർ, എബിഎസ് വിത്ത് ഇബിഡി, ബ്രേക്ക് അസിസ്റ്റ്, സെൻട്രൽ ഡോർ ലോക്കിംഗ്, ഐസോഫിക്സ് ചൈൽഡ് സീറ്റ് മൗണ്ടുകൾ തുടങ്ങിയവയും ഉണ്ട്.
