ഒറ്റ ചാർജിൽ 500 കിമീ മാത്രമല്ല, മാരുതിയുടെ ആദ്യ ഇലക്ട്രിക് എസ്‌യുവിയിൽ ഈ ന്യൂജൻ സുരക്ഷാ ഫീച്ചറും!
വരാനിരിക്കുന്ന മാരുതി സുസുക്കി ഇവിഎക്‌സിൽ അഡ്വാൻസ്‍ഡ് ഡ്രൈവർ അസിസ്റ്റൻ്റ് സിസ്റ്റം (ADAS) ഉണ്ടായിരിക്കും എന്നാണ് പുതിയ റിപ്പോര്‍ട്ടുകൾ. വരാനിരിക്കുന്ന മാരുതി ഓൾ-ഇലക്ട്രിക് എസ്‌യുവിയുടെ സാധ്യമായ സവിശേഷതകളെയും പവർട്രെയിനിനെയും കുറിച്ച് വിശദമായി അറിയാം.
Followകഴിഞ്ഞ കുറച്ച് വർഷങ്ങളായി ഇന്ത്യൻ വിപണിയിൽ ഇലക്ട്രിക് സെഗ്‌മെൻ്റ് കാറുകളുടെ ആവശ്യകതയിൽ ദ്രുതഗതിയിലുള്ള വർദ്ധനവ് ഉണ്ടായിട്ടുണ്ട്. ഈ വിഭാഗത്തിൽ ടാറ്റ മോട്ടോഴ്‌സിന് ഇപ്പോഴും ഏകപക്ഷീയമായ ആധിപത്യമുണ്ട്. ഇന്ത്യയിലെ മൊത്തം ഇലക്ട്രിക് കാർ വിൽപ്പനയുടെ 65 ശതമാനത്തിലധികം ടാറ്റ മോട്ടോഴ്‌സിന് മാത്രം സ്വന്തമാണ്. ഇപ്പോൾ ഈ ശ്രേണിയിൽ, ഇന്ത്യയിലെ ഏറ്റവും വലിയ കാർ വിൽപ്പന കമ്പനിയായ മാരുതി സുസുക്കി അതിൻ്റെ ആദ്യത്തെ ഓൾ-ഇലക്ട്രിക് എസ്യുവി അവതരിപ്പിക്കാൻ പോകുന്നു. മാരുതി സുസുക്കി ഇവിഎക്‌സ് എന്നായിരിക്കും കമ്പനിയുടെ ആദ്യ ഇലക്ട്രിക് എസ്‌യുവിയുടെ പേര്. ഇത് ഇന്ത്യൻ റോഡുകളിൽ പരീക്ഷണത്തിനിടെ നിരവധി തവണ ക്യാമറകളിൽ പതിഞ്ഞിട്ടുണ്ട്.
മാരുതി സുസുക്കി ഇവിഎക്‌സ് ആദ്യം ഓട്ടോ എക്‌സ്‌പോ 2023 ലും പിന്നീട് ടോക്കിയോ മോട്ടോർ ഷോയിലും പ്രദർശിപ്പിച്ചിരുന്നു. ഇപ്പോഴിതാ വരാനിരിക്കുന്ന മാരുതി സുസുക്കി ഇവിഎക്‌സിൽ അഡ്വാൻസ്‍ഡ് ഡ്രൈവർ അസിസ്റ്റൻ്റ് സിസ്റ്റം (ADAS) ഉണ്ടായിരിക്കും എന്നാണ് പുതിയ റിപ്പോര്‍ട്ടുകൾ. വരാനിരിക്കുന്ന മാരുതി ഓൾ-ഇലക്ട്രിക് എസ്‌യുവിയുടെ സാധ്യമായ സവിശേഷതകളെയും പവർട്രെയിനിനെയും കുറിച്ച് വിശദമായി അറിയാം.
ഒറ്റ ചാർജിൽ 500 കിലോമീറ്റർ ഓടും
പവർട്രെയിനിൻ പരിശോധിക്കുകയാണെങ്കിൽ, വരാനിരിക്കുന്ന ഇലക്ട്രിക് എസ്യുവി മാരുതി സുസുക്കി ഇവിഎക്‌സിന് 55kWh മുതൽ 60kWh വരെ ബാറ്ററി നൽകാം. ഇലക്ട്രിക് എസ്‌യുവിയുടെ മോട്ടോറിന് ഒറ്റ ചാർജിൽ 500 കിലോമീറ്റർ ഡ്രൈവിംഗ് റേഞ്ച് ഉപഭോക്താക്കൾക്ക് വാഗ്ദാനം ചെയ്യുമെന്നാണ് റിപ്പോര്‍ട്ടുകൾ. ഇന്ത്യൻ വിപണിയിലെ മാരുതി സുസുക്കിയുടെ ആദ്യ ഇലക്ട്രിക് എസ്‌യുവിക്ക് വിപണിയുടെ ഗതി മാറ്റാൻ കഴിയും. കമ്പനിയുടെ വരാനിരിക്കുന്ന ഇലക്ട്രിക് എസ്‌യുവിയായ മാരുതി സുസുക്കി ഇവിഎക്‌സ് വിപണിയിൽ വരാനിരിക്കുന്ന ഹ്യുണ്ടായ് ക്രെറ്റ ഇവി, ഹോണ്ട എലിവേറ്റ് ഇവി, ടാറ്റ ഹാരിയർ ഇവി എന്നിവയുമായി മത്സരിക്കും. എങ്കിലും മാരുതി ഇതുവരെ ഔദ്യോഗിക ലോഞ്ച് തീയതി പ്രഖ്യാപിച്ചിട്ടില്ല.
എക്സ്റ്റീരിയർ ഡിസൈൻ
ടെസ്റ്റിങ്ങിനിടെ ചോർന്ന ഏറ്റവും പുതിയ സ്പൈ ഷോട്ടുകൾ അനുസരിച്ച്, വരാനിരിക്കുന്ന ഇലക്ട്രിക് എസ്‌യുവിയുടെ എൽഇഡി ഹെഡ്‌ലൈറ്റുകൾ ഒരു പ്രൊജക്ടറിൽ സ്ഥാപിച്ചിരിക്കുന്നു, അതിന് എക്സ് ആകൃതിയിലുള്ള ഡിസൈനും ഉണ്ട്. കൂടാതെ, ടെയിൽ ലൈറ്റുകളിലെ ടോപ്പ് എൽഇഡികൾ ഒരു എൽഇഡി ലൈറ്റ് ബാർ ഉപയോഗിച്ച് പരസ്പരം ബന്ധിപ്പിക്കാവുന്നതാണ്. വരാനിരിക്കുന്ന ഇലക്ട്രിക് എസ്‌യുവിയിൽ എൽഇഡി ഹെഡ്‌ലാമ്പുകൾ, പുതിയ ഫ്രണ്ട് ആൻഡ് റിയർ ബമ്പറുകൾ, സി-പില്ലർ മൗണ്ടഡ് റിയർ ഡോർ ഹാൻഡിൽ, ടു-സ്‌പോക്ക് സ്റ്റിയറിംഗ് വീൽ, വലിയ ടച്ച്‌സ്‌ക്രീൻ ഇൻഫോടെയ്ൻമെൻ്റ് സിസ്റ്റം, ഫ്രഷ് സെൻ്റർ കൺസോൾ, ഡ്യുവൽ-ടോൺ അപ്‌ഹോൾസ്റ്ററി, റോട്ടറി ഡയൽ എന്നിവ ഉണ്ടായിരിക്കും. ഡ്രൈവ് മോഡിനായി ഫ്രണ്ട് സെൻ്റർ ആംറെസ്റ്റും ലഭ്യമാകുമെന്നും റിപ്പോര്‍ട്ടുകൾ ഉണ്ട്.
