സുരക്ഷ കൂട്ടാൻ മാരുതി, ഈ ന്യൂജെൻ സുരക്ഷാ ഫീച്ചറുള്ള കമ്പനിയുടെ ആദ്യം കാർ ഉടനെത്തും
ഇന്ത്യയിലെ ഏറ്റവും വലിയ പാസഞ്ചർ വാഹന നിർമ്മാതാക്കളായ മാരുതി സുസുക്കി, ഇ-വിറ്റാര ഇലക്ട്രിക് എസ്യുവി പുറത്തിറക്കിക്കൊണ്ട് എഡിഎഎസ് മോഡൽ ഉള്ള കാർ കമ്പനിയായി മാറും എന്നാണ് റിപ്പോർട്ടുകൾ. ജനുവരിയിൽ നടക്കുന്ന 2025 ഭാരത് മൊബിലിറ്റി ഷോയിൽ ഈ മോഡൽ ആദ്യമായി അവതരിപ്പിക്കും. അതിൻ്റെ വില പ്രഖ്യാപനം 2025 മാർച്ചിൽ നടത്തും.
Followമെച്ചപ്പെടുത്തിയ സുരക്ഷ, സൗകര്യം, റെഗുലേറ്ററി പുഷ് എന്നിവയുൾപ്പെടെ നിരവധി കാരണങ്ങളാൽ അഡ്വാൻസ്ഡ് ഡ്രൈവർ അസിസ്റ്റൻസ് സിസ്റ്റം (ADAS) കാർ ഉപഭോക്താക്കൾക്കിടയിൽ കൂടുതൽ ജനപ്രിയമായ സവിശേഷതയായി മാറിയിരിക്കുന്നു. ഹ്യൂണ്ടായ് , മഹീന്ദ്ര, ടാറ്റ , കിയ, എംജി, ഹോണ്ട , ടൊയോട്ട, സ്‌കോഡ, ഫോക്‌സ്‌വാഗൺ തുടങ്ങിയ കമ്പനികൾ ഇതിനകം തന്നെ ഒന്നിലധികം മോഡലുകളിൽ ഈ നൂതന സുരക്ഷാ ഫീച്ചറുകൾ വാഗ്ദാനം ചെയ്യുന്നുണ്ട്. ഇപ്പോഴിതാ, ഇന്ത്യയിലെ ഏറ്റവും വലിയ പാസഞ്ചർ വാഹന നിർമ്മാതാക്കളായ മാരുതി സുസുക്കി, ഇ-വിറ്റാര ഇലക്ട്രിക് എസ്യുവി പുറത്തിറക്കിക്കൊണ്ട് എഡിഎഎസ് മോഡൽ ഉള്ള കാർ കമ്പനിയായി മാറും എന്നാണ് റിപ്പോർട്ടുകൾ. ജനുവരിയിൽ നടക്കുന്ന 2025 ഭാരത് മൊബിലിറ്റി ഷോയിൽ ഈ മോഡൽ ആദ്യമായി അവതരിപ്പിക്കും. അതിൻ്റെ വില പ്രഖ്യാപനം 2025 മാർച്ചിൽ നടത്തും.
അടുത്തിടെ ആഗോളതലത്തിൽ അരങ്ങേറ്റം കുറിച്ച സുസുക്കി ഇ-വിറ്റാര, അഡാപ്റ്റീവ് ക്രൂയിസ് കൺട്രോൾ, ലെയ്ൻ-കീപ്പിംഗ് അസിസ്റ്റ്, 360-ഡിഗ്രി ക്യാമറ, ഓട്ടോമാറ്റിക് എമർജൻസി ബ്രേക്കിംഗ്, ട്രാഫിക് സൈൻ റെക്കഗ്നിഷൻ, ബ്ലൈൻഡ് സ്പോട്ട് മോണിറ്ററിംഗ് സിസ്റ്റം തുടങ്ങിയ ADAS സാങ്കേതികവിദ്യ വാഗ്ദാനം ചെയ്യുന്നു. ഇന്ത്യ-സ്പെക്ക് മാരുതി ഇ-വിറ്റാരയും ഇതേ സുരക്ഷാ ഫീച്ചറുമായി സജ്ജീകരിച്ചേക്കാം. എന്നാൽ, ഇതുസംബന്ധിച്ച് ഇതുവരെ ഔദ്യോഗിക സ്ഥിരീകരണം ഉണ്ടായിട്ടില്ല. എഡിഎഎസ് സജ്ജീകരിച്ചിരിക്കുന്ന മാരുതി സുസുക്കി വാഹനത്തെക്കുറിച്ചുള്ള അഭ്യൂഹത്തിന് കൂടുതൽ ശക്തി പകരുന്നത് ഫ്രണ്ട് ഗ്രില്ലിൽ ഘടിപ്പിച്ച എഡിഎഎസ് സെൻസറുള്ള മാരുതി ഫ്രോങ്‌സിൻ്റെ സമീപകാല ചിത്രങ്ങളാണ്. എഡിഎഎസ് സാങ്കേതികവിദ്യയുമായി വരുന്ന രണ്ടാമത്തെ മാരുതി സുസുക്കി മോഡലായിരിക്കാം ഇത്.
അതേസമയം മാരുതി സുസുക്കിയുടെ 2025-ലെ ഉൽപ്പന്ന പദ്ധതികളെക്കുറിച്ച് പരിശോധിക്കുമ്പോൾ, കമ്പനി ഇ-വിറ്റാര ഇലക്ട്രിക് മിഡ്‌സൈസ് എസ്യുവി, അതിൻ്റേതായ ശക്തമായ ഹൈബ്രിഡ് പവർട്രെയിനോടുകൂടിയ അപ്‌ഡേറ്റ് ചെയ്ത ഫ്രോങ്‌ക്‌സ്, ഗ്രാൻഡ് വിറ്റാരയുടെ 7 സീറ്റർ പതിപ്പ് എന്നിവയുൾപ്പെടെ മൂന്ന് പ്രധാന മോഡലുകളുടെ രൂപരേഖ തയ്യാറാക്കിയിട്ടുണ്ട് എന്നാണ് റിപ്പോർട്ടുകൾ.
