പലരും ചതിച്ചപ്പോഴും മാരുതിയുടെ മാനം കാത്ത് മൈലേജില്‍ എതിരാളികളെ നാണിപ്പിക്കുന്ന ഈ വീരൻ!
എല്ലാ മാസവും ഈ ഇക്കോ വാനിന്റെ വിൽപ്പന പുതിയ റെക്കോർഡുകൾ സൃഷ്‍ടിച്ചുകൊണ്ടിരിക്കുന്നു. മാരുതി സുസുക്കി ഇക്കോയുടെ ഏറ്റവും വലിയ പ്രത്യകതകളിലൊന്നാണ് മൈലേജ്. 2022ലെ മാരുതി സുസുക്കി ഇക്കോ വാനിന്റെ സിഎൻജി പതിപ്പ് കിലോഗ്രാമിന് 26.78 കിലോമീറ്റർ മൈലേജ് നൽകുന്നു, അതേസമയം ഇക്കോ വാനിന്റെ പെട്രോൾ പതിപ്പ് 19.71 കിലോമീറ്റർ മൈലേജ് നൽകുന്നു.
 )
Follow2022 ഡിസംബറിലെ വിൽപ്പന കണക്കുകൾ പുറത്തുവരുമ്പോള്‍ ഇന്ത്യയിലെ ഏറ്റവും വലിയ കാർ നിർമ്മാതാക്കളായ മാരുതി സുസുക്കി വമ്പൻ വിൽപ്പന ഇടിവാണ് രേഖപ്പെടുത്തിയത്. എന്നാല്‍ പല മോഡലുകളും പ്രതീക്ഷയ്ക്കൊത്തുയരാതെ ചതിച്ചപ്പോഴും മാരുതിയുടെ മാനം കാത്ത മോഡലാണ് ഇക്കോ വാൻ. 2021 ഡിസംബറിലെ 9,185 യൂണിറ്റുകളിൽ നിന്ന് കമ്പനി കഴിഞ്ഞ മാസം 10,581 യൂണിറ്റ് ഇക്കോകള്‍ വിറ്റഴിച്ചു. 2022-23 സാമ്പത്തിക വർഷത്തിൽ കമ്പനി 96,135 യൂണിറ്റുകൾ വിറ്റു. 2021-22 സാമ്പത്തിക വർഷത്തിൽ കമ്പനി 79,406 യൂണിറ്റുകൾ വിറ്റ സ്ഥാനത്താണ് ഈ വര്‍ദ്ധനവ്. അതായത്, ഈ വിലകുറഞ്ഞ 7 സീറ്റർ വാങ്ങാൻ ആളുകളുടെ തിരക്കാണ് എന്നാണ്.
എല്ലാ മാസവും ഈ ഇക്കോ വാനിന്റെ വിൽപ്പന പുതിയ റെക്കോർഡുകൾ സൃഷ്‍ടിച്ചുകൊണ്ടിരിക്കുന്നു. മാരുതി സുസുക്കി ഇക്കോയുടെ ഏറ്റവും വലിയ പ്രത്യകതകളിലൊന്നാണ് മൈലേജ്. 2022ലെ മാരുതി സുസുക്കി ഇക്കോ വാനിന്റെ സിഎൻജി പതിപ്പ് കിലോഗ്രാമിന് 26.78 കിലോമീറ്റർ മൈലേജ് നൽകുന്നു, അതേസമയം ഇക്കോ വാനിന്റെ പെട്രോൾ പതിപ്പ് 19.71 കിലോമീറ്റർ മൈലേജ് നൽകുന്നു.
വില അഞ്ചുലക്ഷത്തില്‍ താഴെ, ഏഴ് സീറ്റുകള്‍, വമ്പൻ മൈലേജും; ഇക്കോ വാങ്ങാൻ കൂട്ടയിടി!
നിങ്ങൾ വിലകുറഞ്ഞ 7 സീറ്റർ കാർ വാങ്ങുന്നതിനെക്കുറിച്ച് ചിന്തിക്കുകയാണെങ്കിൽ, മാരുതി സുസുക്കിയുടെ ഇക്കോയെക്കാൾ മികച്ച ഓപ്ഷൻ ഇല്ലെന്നു വേണം പറയാൻ. 7 സീറ്റർ കാറായ ഇക്കോ വർഷങ്ങളായി കമ്പനിയുടെ ഏറ്റവുമധികം വിറ്റഴിക്കപ്പെടുന്ന കാറുകളിലൊന്നാണ്. പുറത്തിറക്കിയതിന് ശേഷം 9.75 ലക്ഷം യൂണിറ്റുകൾ കമ്പനി വിറ്റഴിച്ചു. മൾട്ടി പർപ്പസ് ആയതിനാൽ വിപണിയിൽ ഇതിന് ആവശ്യക്കാരേറെയാണ്. അടുത്തിടെ മാരുതി സുസുക്കി 2022 ഇക്കോ വാൻ (2022 ഇക്കോ വാൻ) കൂടുതൽ കരുത്തുറ്റ എഞ്ചിനുമായി പുറത്തിറക്കി. ഇതിന്റെ ഇന്റീരിയറും മാറ്റിയിട്ടുണ്ട്. നൂതനവും ശക്തവുമായ എഞ്ചിൻ ഘടിപ്പിച്ച പുതിയ 2022 മാരുതി സുസുക്കി ഇക്കോ വാനിനെക്കുറിച്ചുള്ള മികച്ച അഞ്ച് കാര്യങ്ങൾ അറിയാം
മാരുതി ഇക്കോ സ്പെസിഫിക്കേഷനുകൾ
ഇന്ധന തരം CNG/പെട്രോൾ
ARAI മൈലേജ് 26.78 കി.മീ/കിലോ
എഞ്ചിൻ ഡിസ്പ്ലേസ്മെന്റ് (cc) 119
പരമാവധി പവർ (bhp@rpm) 70.67bhp@6000rpm
പരമാവധി ടോർക്ക് (nm@rpm) 95Nm@3000rpm
സീറ്റിംഗ് കപ്പാസിറ്റി 5/7
ട്രാൻസ്മിഷൻ തരം മാനുവൽ
ഇന്ധന ടാങ്ക് ശേഷി 65.0
വില 5.13 ലക്ഷം
കൂടുതല്‍ മൈലേജുമായി പുത്തൻ മാരുതി ഇക്കോ
വിലയും വകഭേദങ്ങളും
മുമ്പത്തെ വേരിയന്റുകളെപ്പോലെ, പുതിയ മാരുതി സുസുക്കി ഇക്കോയും ഒന്നിലധികം വേരിയന്റുകളിൽ വരുന്നു. ഇതിൽ 5 സീറ്റർ സ്റ്റാൻഡേർഡ്, 5 സീറ്റർ എസി, 7 സീറ്റർ സ്റ്റാൻഡേർഡ്, 7 സീറ്റർ എസി, ആംബുലൻസ്, ആംബുലൻസ് ഷെൽ എന്നിവ ഉൾപ്പെടുന്നു. പുതിയ 2022 മാരുതി സുസുക്കി ഇക്കോ വാൻ ടൂർ, കാർഗോ തുടങ്ങിയ വാണിജ്യ വാഹനമായും വിൽക്കുന്നു. വിലയെക്കുറിച്ച് പറയുകയാണെങ്കിൽ, മാരുതി സുസുക്കി ഇക്കോയുടെ 5 സീറ്റർ സ്റ്റാൻഡേർഡ് വേരിയന്റിന് 5.13 ലക്ഷം രൂപയാണ് (എക്സ്-ഷോറൂം, ഇന്ത്യ), അതേസമയം മാരുതി സുസുക്കി ഇക്കോയുടെ സിഎൻജി വേരിയന്റിന് 6.44 ലക്ഷം രൂപയാണ് (എക്സ്-ഷോറൂം, ഇന്ത്യ) വില.
എതിരാളികളില്‍ പരിഭ്രാന്തി സൃഷ്‍ടിക്കും മാരുതിയുടെ ഈ പുതിയ മൂവര്‍സംഘം!
മുമ്പത്തേക്കാൾ ശക്തമായ എഞ്ചിൻ
2022 മാരുതി സുസുക്കി ഇക്കോ വാൻ ഇപ്പോൾ കൂടുതൽ ശക്തമായ 1.2 ലിറ്റർ, കെ 12 സി, ഡ്യുവൽ ജെറ്റ്, ഡ്യുവൽ വിവിടി, നാച്ചുറലി ആസ്പിറേറ്റഡ് എഞ്ചിൻ എന്നിവയിൽ സജ്ജീകരിച്ചിരിക്കുന്നു. മാരുതി സുസുക്കി ഇക്കോ വാനിന്റെ ഈ പുതിയ എഞ്ചിൻ പരമാവധി 80 bhp കരുത്തും 104.4 Nm ടോര്‍ക്കും ഉത്പാദിപ്പിക്കുന്നു. മാരുതി സുസുക്കി ഇക്കോയുടെ സിഎൻജി വേരിയന്റ് ഇപ്പോഴും അതേ 71 ബിഎച്ച്പി പരമാവധി കരുത്തും 95 എൻഎം പരമാവധി ടോർക്കും ഉത്പാദിപ്പിക്കുന്നു. കൂടാതെ, രണ്ട് എഞ്ചിൻ ഓപ്ഷനുകളും ഒരു സ്റ്റാൻഡേർഡ് 5-സ്പീഡ് മാനുവൽ ട്രാൻസ്മിഷനുമായി ജോയിടാക്കിയിരിക്കുന്നു.
മൈലേജ് 26.78kmpl
മാരുതി സുസുക്കി ഇക്കോയുടെ ഏറ്റവും വലിയ ഗുണങ്ങളിലൊന്ന് അതിന്റെ മൈലേജാണ്. മൈലേജ് കാര്യക്ഷമത കൊണ്ട് രാജ്യത്ത് ചില ഹാച്ച്ബാക്കുകളെ നാണം കെടുത്താൻ ഇക്കോ വാനിന് കഴിയും. 2022 മാരുതി സുസുക്കി ഇക്കോ വാനിന്റെ സിഎൻജി പതിപ്പ് 26.78 km/kg മൈലേജ് നൽകുന്നു, അതേസമയം ഇക്കോ വാനിന്റെ പെട്രോൾ പതിപ്പ് 19.71km/l മൈലേജ് നൽകുന്നു.
ജനപ്രിയന്‍റെ പ്രിയം ഇടിയുന്നോ? വിൽപ്പനയില്‍ വമ്പൻ ഇടിവ്!
ഫീച്ചറുകളും സുരക്ഷയും
പുതുക്കിയ മാരുതി സുസുക്കി ഇക്കോ വാൻ ഇപ്പോൾ പുതിയ ഡിജിറ്റൽ ഇൻസ്ട്രുമെന്റ് ക്ലസ്റ്റർ, പുതിയ സ്റ്റിയറിംഗ് വീൽ, പുതിയ ചാരികിടക്കുന്ന മുൻ സീറ്റുകൾ, ആവശ്യമായ എയർ പ്യൂരിഫയർ തുടങ്ങിയ സവിശേഷതകളോടെ സജ്ജീകരിച്ചിരിക്കുന്നു. സുരക്ഷാ ഫീച്ചറുകളെ കുറിച്ച് പറയുമ്പോൾ, ഡ്യുവൽ ഫ്രണ്ട് എയർബാഗുകൾ, ഇബിഡി ഉള്ള എബിഎസ്, ചൈൽഡ് ലോക്ക്, റിയർ പാർക്കിംഗ് സെൻസറുകൾ, ഇലുമിനേറ്റഡ് ഹസാർഡ് സ്വിച്ച് തുടങ്ങി 11-ലധികം പുതിയ സുരക്ഷാ ഫീച്ചറുകൾ പുതിയ ഇക്കോ വാനിന് ഇപ്പോൾ ലഭിക്കുന്നു.
അഞ്ച് കളർ ഓപ്ഷനുകള്‍
പുതിയ 2022 മാരുതി സുസുക്കി ഇക്കോ വാൻ ഇപ്പോൾ അഞ്ച് കളർ ഓപ്ഷനുകളിൽ വാഗ്ദാനം ചെയ്യുന്നു. മെറ്റാലിക് ബ്രിസ്ക് ബ്ലൂ, സോളിഡ് വൈറ്റ്, പേൾ മിഡ്നൈറ്റ് ബ്ലാക്ക്, മെറ്റാലിക് സിൽക്കി സിൽവർ, മെറ്റാലിക് ഗ്ലിസ്റ്റനിംഗ് ഗ്രേ എന്നീ നിറങ്ങളിൽ ഇത് ഇപ്പോൾ ലഭ്യമാണ്. ഈ കളർ ഓപ്ഷനുകളിലെ ഏറ്റവും പുതിയ ഓഫറാണ് മെറ്റാലിക് ബ്രിസ്ക് ബ്ലൂ.
പുതിയ മാരുതി സുസുക്കി വൈടിബി എസ്‌യുവി കൂപ്പെ, കൂടുതല്‍ വിവരങ്ങള്‍ പുറത്ത്
