വെന്‍റിലേഷൻ സീറ്റുകൾ, വയർലെസ് ചാർജറും മറ്റും! അടിപൊളി ഫീച്ചറുകളുമായി പുതിയ സ്കോർപിയോ
സ്കോർപിയോ-എൻ ലൈനപ്പിൻ്റെ മികച്ച മൂന്ന് വകഭേദങ്ങളായ Z8 സെലക്ട്, Z8, Z8 L എന്നിവയിൽ കമ്പനി ഈ ഫീച്ചറുകൾ ഉൾപ്പെടുത്തിയിട്ടുണ്ട്. ഇത് ഈ എസ്‌യുവിയെ മുമ്പത്തേതിനേക്കാൾ മികച്ചതാക്കുന്നു. പുതിയ ഫീച്ചറുകൾ ചേർത്തിട്ടും എസ്‌യുവിയുടെ വില കമ്പനി വർധിപ്പിച്ചില്ല എന്നതാണ് പ്രത്യേകത.
രാജ്യത്തെ മുൻനിര എസ്‌യുവി നിർമ്മാതാക്കളായ മഹീന്ദ്ര ആൻഡ് മഹീന്ദ്ര പ്രശസ്തമായ എസ്‌യുവിയായ മഹീന്ദ്ര സ്കോർപിയോ-എൻ പുതിയ ഫീച്ചറുകളോടെ പരിഷ്‍കരിച്ചു. സ്കോർപിയോ-എൻ ലൈനപ്പിൻ്റെ മികച്ച മൂന്ന് വകഭേദങ്ങളായ Z8 സെലക്ട്, Z8, Z8 L എന്നിവയിൽ കമ്പനി ഈ ഫീച്ചറുകൾ ഉൾപ്പെടുത്തിയിട്ടുണ്ട്. ഇത് ഈ എസ്‌യുവിയെ മുമ്പത്തേതിനേക്കാൾ മികച്ചതാക്കുന്നു. പുതിയ ഫീച്ചറുകൾ ചേർത്തിട്ടും എസ്‌യുവിയുടെ വില കമ്പനി വർധിപ്പിച്ചില്ല എന്നതാണ് പ്രത്യേകത.
അടുത്തിടെ മഹീന്ദ്ര സ്കോർപിയോയുടെ പുതിയ Z8 സെലക്ട് വേരിയൻ്റ് പുറത്തിറക്കിയിരുന്നു. ഇപ്പോൾ Z8 സെലക്ട്, Z8 വേരിയൻ്റുകളിൽ വയർലെസ് ചാർജറും ഉയർന്ന ഗ്ലോസ് ഫിനിഷും ഉള്ള ഒരു പുതിയ സെൻ്റർ കൺസോൾ ഉൾപ്പെടുത്തിയിട്ടുണ്ട്. ഇതിനുപുറമെ, Z8 S വേരിയൻ്റിൽ, വെൻ്റിലേറ്റഡ് ഫ്രണ്ട് സീറ്റ്, സൈഡ് റിയർ വ്യൂ മിററിൽ ഓട്ടോ ഡിമ്മിംഗ് (IRVM), കൂളിംഗ് ഫംഗ്ഷനോടുകൂടിയ വയർലെസ് ചാർജിംഗ് പാഡ്, സെൻ്റർ കൺസോളിൽ ഉയർന്ന ഗ്ലോസ് ഫിനിഷിംഗ് എന്നിവ കമ്പനി നൽകിയിട്ടുണ്ട്. ഇതുകൂടാതെ, ഇതുവരെ Z8 സെലക്ട് വേരിയൻ്റിൽ മാത്രം ലഭ്യമായിരുന്ന മിഡ്‌നൈറ്റ് ബ്ലാക്ക് കളർ പെയിൻ്റ് സ്‌കീം 'Z8' ട്രിമ്മിലുടനീളം വാഗ്ദാനം ചെയ്യുന്നു.
മഹീന്ദ്ര സ്കോർപിയോ-എൻ അപ്‌ഡേറ്റ് ചെയ്‌തിട്ടും കമ്പനി വില വർധിപ്പിച്ചിട്ടില്ല. Z8 സെലക്ട് വേരിയൻ്റിന് 17.10 ലക്ഷം രൂപയും Z8 വേരിയൻ്റിന് 18.74 ലക്ഷം രൂപയും Z8 L വേരിയൻ്റിന് 20.37 ലക്ഷം രൂപയുമാണ് എക്‌സ് ഷോറൂം വില. സ്കോർപിയോ-എൻ-ൻ്റെ എല്ലാ വേരിയൻ്റുകളുടെയും വിലയിൽ കമ്പനി അടുത്തിടെ 10,000 രൂപ വർധിപ്പിച്ചിരുന്നു എന്നതും ഇവിടെ ശ്രദ്ധിക്കേണ്ടതാണ്.
സ്കോർപിയോ-എൻ-ൻ്റെ തിരഞ്ഞെടുത്ത വകഭേദങ്ങളിൽ ഫീച്ചറുകൾ ചേർക്കുന്നതല്ലാതെ മറ്റൊരു മാറ്റവും കമ്പനി വരുത്തിയിട്ടില്ല. മഹീന്ദ്ര സ്കോർപിയോ-എൻ മുമ്പത്തെപ്പോലെ 2.0 ലിറ്റർ ടർബോ-പെട്രോൾ, 2.2 ലിറ്റർ ഡീസൽ എഞ്ചിനുകളിൽ ലഭ്യമാണ്. ഈ എഞ്ചിനുകളിൽ 6-സ്പീഡ് മാനുവൽ, ഓട്ടോമാറ്റിക് ഗിയർബോക്‌സ് ഓപ്ഷൻ ലഭ്യമാണ്. ഇതുകൂടാതെ, ഫോർ വീൽ ഡ്രൈവ് (4WD) എന്ന ഓപ്ഷൻ ഡീസൽ എഞ്ചിനിൽ മാത്രമേ ലഭ്യമാകൂ. ആറ് എയർബാഗുകൾ, 7 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെൻ്റ് സിസ്റ്റം, പവർഡ് ഡ്രൈവിംഗ് കാഴ്ച, സൺറൂഫ്, 18 ഇഞ്ച് അലോയ് വീലുകൾ, ഫ്രണ്ട്, റിയർ ക്യാമറകൾ, ഡ്രൈവർ ഉറങ്ങിയാൽ മുന്നറിയിപ്പ് നൽകുന്ന സംവിധാനം തുടങ്ങിയ ഫീച്ചറുകളാണ് ഇതിൻ്റെ ടോപ്പ് വേരിയൻ്റിൽ ഉള്ളത്.
