Avani Lekhara : വാക്ക് പാലിച്ച് മഹീന്ദ്ര, നന്ദി പറഞ്ഞ് പാരാലിമ്പ്യൻ താരം
കഴിഞ്ഞ വർഷം ഓഗസ്റ്റിൽ, മഹീന്ദ്ര ഗ്രൂപ്പ് ചെയർമാൻ ആനന്ദ് മഹീന്ദ്ര, കാർ നിർമ്മാതാക്കളുടെ ഗ്ലോബൽ പ്രൊഡക്റ്റ് ഡെവലപ്‌മെന്റ് മേധാവി വേലുസ്വാമി ആർയോട്, അത്തരത്തിലുള്ള ഒരു എസ്യുവി രൂപകൽപ്പന ചെയ്യാൻ ആവശ്യപ്പെട്ടിരുന്നു. പാരാലിമ്പിക്സിൽ സ്വർണ്ണ മെഡൽ നേടുന്ന ആദ്യ ഇന്ത്യൻ വനിതയായ പാരാ ഷൂട്ടർ അവനി ലേഖരയ്ക്ക് സമ്മാനിക്കാനായിരുന്നു ഇത്
 )
Followപാരാലിമ്പിക്സിൽ രാജ്യത്തെ ആദ്യ സ്വർണമെഡൽ ജേതാവായ ഇന്ത്യൻ ഷൂട്ടർ അവനി ലേഖരയ്ക്ക് മഹീന്ദ്ര ആൻഡ് മഹീന്ദ്ര കസ്റ്റം-മെയ്ഡ് XUV700 എസ്യുവി സമ്മാനിച്ചു. കമ്പനിക്ക് നന്ദി പറഞ്ഞുകൊണ്ട് അത്‌ലറ്റ് XUV700 ന്റെ ചിത്രങ്ങൾ പങ്കിട്ടതായി ഹിന്ദുസ്ഥാന്‍ ടൈംസ് ഓട്ടോ റിപ്പോര്‍ട്ട് ചെയ്യുന്നു.
2021 ലെ ടോക്കിയോ പാരാലിമ്പിക്സിൽ സ്വർണ്ണ മെഡൽ നേടുന്ന ആദ്യ ഇന്ത്യൻ വനിതയായിരുന്നു അവനി ലേഖരെ.തുടര്‍ന്ന് മഹീന്ദ്ര ഗ്രൂപ്പ് ചെയർമാൻ ആനന്ദ് മഹീന്ദ്ര താരത്തിന് ഉപയോഗിക്കാന്‍ പ്രത്യേകം രൂപകൽപ്പന ചെയ്‍തതുമായ ഒരു പുതിയ എസ്യുവി വികസിപ്പിക്കാൻ ആഗ്രഹിക്കുന്നുവെന്ന് പറഞ്ഞു. ലേഖയ്ക്ക് വേണ്ടി എസ്യുവി രൂപകൽപന ചെയ്യാൻ കാർ നിർമ്മാതാവിന്റെ ഗ്ലോബൽ പ്രൊഡക്‌ട് ഡെവലപ്‌മെന്റ് മേധാവി ആർ വേലുസ്വാമിയോട് ആനന്ദ് മഹീന്ദ്ര ആവശ്യപ്പെടുകയായിരുന്നു. മഹീന്ദ്രയുടെ ഏറ്റവും പുതിയ ഓഫറായ XUV700 എസ്യുവി വികസിപ്പിച്ചതിന് പിന്നിലും വേലുസ്വാമി ആയിരുന്നു.
ഒളിമ്പിക്സിലും പാരാലിമ്പിക്സിലും വിജയിച്ച ഇന്ത്യൻ അത്‌ലറ്റുകൾക്ക് പാരിതോഷികം നൽകാനുള്ള മഹീന്ദ്രയുടെ തീരുമാനം അനുസരിച്ച് ഇന്ത്യയുടെ ആദ്യ സ്വർണ്ണ മെഡൽ ജേതാവ് നീരജ് ചോപ്രയ്ക്ക് കഴിഞ്ഞ വർഷം XUV700 കമ്പനി സമ്മാനിച്ചിരുന്നു. ഇങ്ങനെ മഹീന്ദ്രയുടെ വകയായി വാഹനം സമ്മാനം ലഭിച്ച ഇന്ത്യൻ കായികതാരങ്ങളുടെ പട്ടികയിലെ ഏറ്റവും പുതിയ പേരാണ് ആവണി ലേഖര.
കുട്ടികളുടെ സുരക്ഷയില്‍ ചരിത്ര നേട്ടം, ഇടിച്ചിട്ടും തകരാതെ മഹീന്ദ്ര, കയ്യടിച്ച് രാജ്യം!
ആവണി ലേഖയ്ക്ക് സമ്മാനിച്ച മഹീന്ദ്ര സമ്മാനിച്ച XUV700-ന്റെ ഗ്രിൽ സ്വർണ്ണം പൂശിയതാണ്. ഈ എസ്‌യുവിയുടെ മുൻ സീറ്റുകൾ താരത്തിന്‍റെ യാത്രകള്‍ സുഖകരമാക്കുന്നതിനും ഡ്രൈവിംഗ് എളുപ്പമാക്കുന്നതിനും വിധത്തിൽ കസ്റ്റമൈസ് ചെയ്‌തിരിക്കുന്നു. സീറ്റുകൾ വശത്തേക്ക് തള്ളാൻ കഴിയും, ഇത് ലേഖയ്ക്ക് എസ്‌യുവിയിൽ കയറുന്നതിനും ഇറങ്ങുന്നതിനും എളുപ്പമാക്കും. എസ്‌യുവിയിൽ നിന്ന് സീറ്റുകൾ പുറത്തേക്ക് തള്ളാനും താഴേക്ക് താഴ്ത്താനും സാങ്കേതികവിദ്യ സഹായിക്കുന്നു.
മഹീന്ദ്ര ആൻഡ് മഹീന്ദ്ര കഴിഞ്ഞ വർഷമാണ് XUV700 എസ്‌യുവിയെ 11.99 ലക്ഷം രൂപ പ്രാരംഭ എക്സ് ഷോറൂം വിലയിൽ പുറത്തിറക്കിയത്. എസ്യുവി അഞ്ച്, ഏഴ് സീറ്റ് ലേഔട്ടുകളിലും മാനുവൽ, എടി, പെട്രോൾ, ഡീസൽ എഞ്ചിൻ ഓപ്ഷനുകളിലും വാഗ്ദാനം ചെയ്യുന്നു. XUV500-ന്റെ പിൻഗാമിയായി 2021 XUV700 പുറത്തിറക്കി, അതിൽ പുതിയ ബോഡി ഡിസൈൻ, പുതിയ ഫീച്ചറുകൾ, സുരക്ഷാ ഉപകരണങ്ങൾ എന്നിവയും അതിലേറെയും ഉൾപ്പെടുന്നു. ടാറ്റ സഫാരി, ഹ്യുണ്ടായ് അൽകാസർ, വരാനിരിക്കുന്ന കിയ കാരൻസ് എന്നിവയ്‌ക്കെതിരെ ഇത് മത്സരിക്കും.
സുരക്ഷയിലും മികച്ച പ്രകടനം കാഴ്‍ചവച്ച മോഡലാണിത്. ഗ്ലോബൽ NCAP ക്രാഷ് ടെസ്റ്റിൽ അഞ്ച് സ്റ്റാറുകളും നേടിയാണ് ഈ എസ്യുവി യാത്രികരുടെ സുരക്ഷ അരക്കിട്ട് ഉറപ്പിച്ചത്. XUV300-ന് ശേഷം ക്രാഷ് ടെസ്റ്റില്‍ പഞ്ചനക്ഷത്ര റേറ്റിംഗ് നേടുന്ന മഹീന്ദ്രയുടെ രണ്ടാമത്തെ കാറാണിത്. മൊത്തം 17 പോയിന്റിൽ 16.03 പോയിന്റ് നേടിയാണ് മഹീന്ദ്ര XUV700 ഗ്ലോബൽ NCAPയുടെ പഞ്ചനക്ഷത്ര റേറ്റിംഗ് സ്വന്തമാക്കിയത്. വാഹനത്തിന്റെ ഘടനയും സ്ഥിരതയുള്ളതായി വിലയിരുത്തപ്പെടുന്നു. അപകടം ഉണ്ടായാല്‍ മുൻവശത്തുള്ള യാത്രക്കാർക്കും ഉണ്ടാകാൻ സാധ്യതയുള്ള പരിക്കുകൾ വളരെ കുറവാണെന്നാണ് ക്രാഷ് ടെസ്റ്റിലെ കണ്ടെത്തല്‍. കുട്ടികളുടെ സുരക്ഷാ റേറ്റിംഗിൽ എക്കാലത്തെയും ഉയർന്ന പോയിന്റുകളും ഈ കാറിന് ലഭിച്ചു. ഈ വിഭാഗത്തില്‍ പരമാവധി 49-ൽ 41.66 സ്കോർ വാഹനത്തിന് ലഭിച്ചു. ഇത് ഇതുവരെ ഇന്ത്യയിൽ നിർമ്മിച്ച ഏതൊരു കാറിനെ സംബന്ധിച്ചും ഏറ്റവും ഉയർന്ന സ്കോർ ആണെന്നാണ് റിപ്പോര്‍ട്ടുകള്‍.
സുമിത് ആന്‍റിലിന് XUV700ന്റെ ആദ്യ ജാവലിന്‍ എഡിഷന്‍ കൈമാറി മഹീന്ദ്ര
മഹീന്ദ്ര XUV700 ന്റെ അടിസ്ഥാന വേരിയന്‍റാണ് ഗ്ലോബൽ NCAP പരീക്ഷിച്ചത്. രണ്ട് എയർബാഗുകൾ മാത്രമുള്ള വാഹനത്തിന് ABS, ISOFIX എന്നിവ സ്റ്റാൻഡേർഡായി ലഭിക്കുന്നു. വാഹനത്തിന്റെ ടോപ്-എൻഡ് വേരിയന്റിനൊപ്പം മഹീന്ദ്ര ഏഴ് എയർബാഗുകൾ വാഗ്ദാനം ചെയ്യുന്നുണ്ട്. കൂടാതെ ഉയർന്ന നിലവാരമുള്ള വേരിയന്റുകളിൽ ESC, ADAS തുടങ്ങിയ സവിശേഷതകളും ലഭ്യമാണ്.
യാത്രക്കാരുടെ സുരക്ഷ കൂടുതൽ മെച്ചപ്പെടുത്തുന്നതിനായി താഴ്ന്ന വേരിയന്റുകളിൽ ഓപ്ഷണൽ ഉപകരണങ്ങളായി സൈഡ്, കർട്ടൻ എയർബാഗുകൾ നൽകാൻ ക്രാഷ് ടെസ്റ്റ് റേറ്റിംഗ് ഏജൻസി മഹീന്ദ്രയോട് ശുപാർശ ചെയ്‍തിട്ടുണ്ട്. ഒരു കാറിന് സൈഡ്-ഇംപാക്ട് ടെസ്റ്റും വിജയിക്കേണ്ടതിനാൽ രണ്ട് XUV700കൾ ക്രാഷ് ടെസ്റ്റിന് ഉപയോഗിച്ചിരുന്നു. ഈ വിഭാഗത്തിലും XUV700 മികവ് പുലർത്തി. ADAS ലഭിക്കുന്ന കാറിന്റെ ടോപ്പ് എൻഡ് വേരിയന്റിന്റെ ഓട്ടോണമസ് എമർജൻസി ബ്രേക്കിംഗ് അല്ലെങ്കിൽ AEB ഫീച്ചറും ഗ്ലോബൽ NCAP പരീക്ഷിച്ചിരുന്നു. ഈ പരീക്ഷണം വാഹനങ്ങൾക്കും കാൽനടയാത്രക്കാർക്കും ഒരുപോലെ വിജയമായി എന്നായിരുന്നു റിപ്പോര്‍ട്ടുകള്‍.
വാങ്ങാന്‍ തള്ളിക്കയറ്റം, ഈ വണ്ടിയുടെ വില കുത്തനെ കൂട്ടി മഹീന്ദ്ര!
