ഫാമിലി യാത്രകൾക്ക് തയ്യാറാകൂ! ഇതാ ഇന്ത്യയിൽ വരാനിരിക്കുന്ന പ്രീമിയം സെവൻ സീറ്റർ എസ്യുവികൾ
അടുത്ത രണ്ടുമുതൽ മൂന്നു വർഷത്തിനുള്ളിൽ, ടാറ്റ, മഹീന്ദ്ര, കിയ, സ്‌കോഡ, ഫോക്‌സ്‌വാഗൺ എന്നിവയിൽ നിന്ന് മൂന്നു വരി പ്രീമിയം എസ്‌യുവി വിഭാഗത്തിൽ കുറഞ്ഞത് ഏഴ് മുതൽ എട്ട് വരെ പുതിയ ഉൽപ്പന്ന ലോഞ്ചുകൾ ഉണ്ടാകും.
 )
Followകഴിഞ്ഞ മൂന്ന് വർഷമായി ഇന്ത്യൻ വാഹന വിപണിയിൽ എസ്യുവികൾക്ക് ഉയർന്ന ഡിമാൻഡാണ്. അതുകൊണ്ടുതന്നെ വിവിധ കമ്പനികൾ അവരുടെ എസ്‌യുവി മോഡൽ ലൈനപ്പുകൾ വ്യത്യസ്ത വില ശ്രേണികളിലുടനീളം വികസിപ്പിക്കുന്നു. അടുത്ത രണ്ടുമുതൽ മൂന്നു വർഷത്തിനുള്ളിൽ, ടാറ്റ, മഹീന്ദ്ര, കിയ, സ്‌കോഡ, ഫോക്‌സ്‌വാഗൺ എന്നിവയിൽ നിന്ന് മൂന്നു വരി പ്രീമിയം എസ്‌യുവി വിഭാഗത്തിൽ കുറഞ്ഞത് ഏഴ് മുതൽ എട്ട് വരെ പുതിയ ഉൽപ്പന്ന ലോഞ്ചുകൾ ഉണ്ടാകും.
2024 ഡിസംബറിൽ XUV.e8 കൺസെപ്റ്റ് അധിഷ്ഠിത ഇലക്ട്രിക് എസ്‌യുവിയുടെ ലോഞ്ച് മഹീന്ദ്ര സ്ഥിരീകരിച്ചു. ബ്രാൻഡിൻ്റെ പുതിയ ബോൺ ഇലക്ട്രിക്ക് ഇൻഗ്ലോ പ്ലാറ്റ്‌ഫോമിനെ അടിസ്ഥാനമാക്കിയുള്ള ആദ്യത്തെ ഇലക്ട്രിക്ക് ഓഫറായിരിക്കും ഇത്. 230bhp-നും 350bhp-നും ഇടയിൽ പവർ നൽകുന്ന 80kWh വരെയുള്ള ബാറ്ററി പാക്ക് ഓപ്‌ഷനുകളോടെ ഇവി വാഗ്ദാനം ചെയ്യപ്പെടാൻ സാധ്യതയുണ്ട്. വരാനിരിക്കുന്ന XUV.e8 ഇലക്ട്രിക് എസ്‌യുവി AWD (ഓൾ-വീൽ ഡ്രൈവ്) സിസ്റ്റവുമായി വരുമെന്ന് മഹീന്ദ്ര മുമ്പ് വെളിപ്പെടുത്തിയിരുന്നു.
ടാറ്റ സഫാരി ഇവിയും സഫാരി പെട്രോളും ഏറെ കാത്തിരിക്കുന്ന വരാനിരിക്കുന്ന പ്രീമിയം 7 സീറ്റർ എസ്‌യുവികളിൽ ഉൾപ്പെടുന്നു. അവ 2025-ൽ എത്താൻ സാധ്യതയുണ്ട്. എസ്‌യുവിയുടെ വൈദ്യുത പതിപ്പിന് ടാറ്റയുടെ പുതിയ ആക്ടി ഡോട്ട് ഇവി പ്ലാറ്റ്‌ഫോം അടിസ്ഥനാമിടും. വരാനിരിക്കുന്ന ഹാരിയർ ഇ.വി. ഏകദേശം 500 കിലോമീറ്റർ റേഞ്ച് എസ്‌യുവി വാഗ്ദാനം ചെയ്യുമെന്നാണ് റിപ്പോർട്ടുകൾ. ചില ഇവി അനുസൃത മാറ്റങ്ങൾ അകത്തും പുറത്തും വരുത്തും, അതേസമയം അതിൻ്റെ യഥാർത്ഥ ഡിസൈൻ, ഇൻ്റീരിയർ ലേഔട്ട്, സവിശേഷതകൾ എന്നിവ അതേപടി നിലനിൽക്കും.
ടൊയോട്ട ഇന്ത്യയ്‌ക്കായി രണ്ട് പുതിയ പ്രീമിയം 7-സീറ്റർ എസ്യുവികൾ ആസൂത്രണം ചെയ്തിട്ടുണ്ട്. കൊറോള ക്രോസ് അടിസ്ഥാനമാക്കിയുള്ള മൂന്ന്-വരി എസ്‌യുവിയും പുതിയ തലമുറ ഫോർച്യൂണറും. ടൊയോട്ട കൊറോള ക്രോസ് മൂന്ന്-വരി പതിപ്പ് 2026-ൻ്റെ തുടക്കത്തിൽ വിൽപ്പനയ്‌ക്കെത്തുമെന്നാണ് റിപ്പോര്‍ട്ടുകൾ. ഫോർച്യൂണറിൻ്റെ 2.0 എൽ പെട്രോൾ, ഇന്നോവ ഹൈക്രോസിൻ്റെ ശക്തമായ ഹൈബ്രിഡ് പെട്രോൾ പവർട്രെയിൻ ഓപ്ഷനുകൾക്കൊപ്പം ഇത് വാഗ്ദാനം ചെയ്യാൻ സാധ്യതയുണ്ട്. പുതിയ ഫോർച്യൂണർ 2024 അവസാനത്തോടെ ആഗോളതലത്തിൽ അരങ്ങേറ്റം കുറിക്കുമെന്ന് പ്രതീക്ഷിക്കുന്നു, 2025 ൻ്റെ തുടക്കത്തിൽ ലോഞ്ച് ചെയ്യപ്പെടാൻ സാധ്യതയുണ്ട്. ഇത്തവണ, ഹൈബ്രിഡ് പവർട്രെയിനിനൊപ്പം കാര്യമായ ഡിസൈൻ മാറ്റങ്ങളും ഫീച്ചർ അപ്‌ഗ്രേഡുകളും എസ്‌യുവിക്ക് ലഭിക്കും.
ബ്രാൻഡിൻ്റെ പുതിയ തന്ത്രത്തിൻ്റെ ഭാഗമായി കിയ EV9 ഇന്ത്യയിൽ അവതരിപ്പിക്കും. ഇത് ആഗോള വിപണിയിലെ കിയയുടെ ഏറ്റവും വലിയ ഇലക്ട്രിക് എസ്‌യുവിയാണ്. 76.1kWh ബാറ്ററി, RWD, 99.9kWh ബാറ്ററി, RWD സജ്ജീകരണം, AWD, രണ്ട് ഇലക്ട്രിക് മോട്ടോർ ഓപ്ഷനുകൾ എന്നിവയ്‌ക്കൊപ്പം ഇവി വാഗ്ദാനം ചെയ്യുന്നു. ഇന്ത്യയിൽ, പൂർണ്ണമായും ഇറക്കുമതി ചെയ്ത യൂണിറ്റായാണ് EV9 വരുന്നത്, ഇതിന് ഏകദേശം ഒരു കോടി രൂപ വില പ്രതീക്ഷിക്കുന്നു.
സ്‌കോഡയുടെ പുതിയ തലമുറ കൊഡിയാക്, ഫോക്‌സ്‌വാഗൻ്റെ ടെയ്‌റോൺ പ്രീമിയം 7-സീറ്റർ എസ്യുവികൾ 2025-ൽ പ്ലാൻ ചെയ്‌തിരിക്കുന്നു. നിലവിലുള്ള 190 ബിഎച്ച്‌പി, 2.0 എൽ ടർബോ പെട്രോൾ എഞ്ചിൻ തുടങ്ങിയവ നിലനിർത്തിക്കൊണ്ടുതന്നെ മികച്ച സ്‌റ്റൈലിങ്ങും പുതിയ ഫീച്ചറുകളുമായാണ് പുതിയ കോഡിയാക് എത്തുന്നത്. ടിഗ്വാൻ ഓൾസ്‌പേസിൻ്റെ ആത്മീയ പിൻഗാമിയായി ഫോക്‌സ്‌വാഗൺ ടെയ്‌റോൺ വരും. ഈ കാറിനെ സികെഡി കിറ്റുകൾ വഴി പ്രാദേശികമായി അസംബിൾ ചെയ്യും.
