ഉടൻ ലോഞ്ച് ചെയ്യുന്ന രണ്ട് പുതിയ മൈക്രോ എസ്‌യുവികൾ
ഹ്യുണ്ടായ് എക്‌സ്‌റ്റർ ജൂലൈ 10 -ന് ഇന്ത്യയിൽ വിൽപ്പനയ്‌ക്കെത്തും. അതേസമയം 2023-ഓടുകൂടി ഉത്സവ സീസണിൽ മാരുതി ഫ്രോങ്‌സിന്റെ റീ-ബാഡ്‍ജ് പതിപ്പ് ടൊയോട്ട കൊണ്ടുവരും.
 )
Follow2021 ഒക്ടോബറിൽ ലോഞ്ച് ചെയ്‍തതു മുതൽ ടാറ്റ പഞ്ച് മൈക്രോ എസ്‌യുവി സെഗ്‌മെന്റിൽ മുന്നിലാണ്. ഈ മോഡൽ വാങ്ങുന്നവർക്കിടയിൽ വളരെയധികം പ്രശസ്‍തി നേടിയിട്ടുണ്ട്. ഹ്യുണ്ടായ്, ടൊയോട്ട തുടങ്ങിയ കാർ നിർമ്മാതാക്കളും ഈ മേഖലയിലേക്ക് പ്രവേശിക്കാൻ ഒരുങ്ങുകയാണ്. മാരുതി സുസുക്കി അടുത്തിടെ ഫ്രോങ്ക്സ് മിനി എസ്‌യുവി അവതരിപ്പിക്കുകയും ടർബോ പെട്രോൾ എഞ്ചിൻ തിരികെ കൊണ്ടുവരികയും ചെയ്തു. ഹ്യുണ്ടായ് എക്‌സ്‌റ്റർ ജൂലൈ 10 -ന് ഇന്ത്യയിൽ വിൽപ്പനയ്‌ക്കെത്തും , അതേസമയം 2023-ഓടുകൂടി ഉത്സവ സീസണിൽ മാരുതി ഫ്രോങ്‌സിന്റെ റീ-ബാഡ്‍ജ് പതിപ്പ് ടൊയോട്ട കൊണ്ടുവരും.
ഹ്യുണ്ടായ് എക്‌സ്‌റ്റർ
പ്രാരംഭ തുകയായ 11,000 രൂപയ്ക്ക് എക്സ്റ്ററിന്റെ ബുക്കിംഗ് ആരംഭിച്ചു. ഈ മൈക്രോ എസ്‌യുവി അഞ്ച് വകഭേദങ്ങളിൽ വരും.രണ്ട് ഇന്ധന, ഗിയർബോക്‌സ് ഓപ്ഷനുകൾ ഇതിന് ലഭിക്കും. ഹുഡിന് കീഴിൽ, മോഡലിന് 1.2 എൽ പെട്രോൾ എഞ്ചിൻ ഉണ്ട്, അത് 83 ബിഎച്ച്പിക്കും 114 എൻഎമ്മിനും മതിയാകും. സിഎൻജി കിറ്റ് ഉപയോഗിച്ച് മോട്ടോർ 69 ബിഎച്ച്പി പവറും 95.2 എൻഎം ടോർക്കും പുറപ്പെടുവിക്കുന്നു. ട്രാൻസ്മിഷൻ ഓപ്ഷനുകളിൽ 5-സ്പീഡ് മാനുവലും 5-സ്പീഡ് എഎംടി യൂണിറ്റും ഉൾപ്പെടുന്നു. ആറ് മോണോടോണിലും മൂന്ന് ഡ്യുവൽ ടോണിലും മൈക്രോ എസ്‌യുവി വരുമെന്ന് ഹ്യുണ്ടായ് സ്ഥിരീകരിച്ചു. 6 ലക്ഷം രൂപ മുതലാണ് വില പ്രതീക്ഷിക്കുന്നത്, ഹ്യുണ്ടായ് ഇന്ത്യയിൽ നിന്നുള്ള ഏറ്റവും താങ്ങാനാവുന്ന എസ്‌യുവിയായി എക്‌സ്‌റ്റർ മാറും.
ടൊയോട്ട കൂപ്പെ എസ്‌യുവി
ടൊയോട്ട കിർലോസ്‌കർ മോട്ടോർ 2023-ന്റെ രണ്ടാം പകുതിയിൽ റീ-ബാഡ്‍ജ് ചെയ്‌ത ഫ്രോങ്ക്സ് മിനി എസ്‌യുവി അവതരിപ്പിക്കും. ഇതിന്റെ രൂപകൽപ്പനയിൽ ചില സൗന്ദര്യവർദ്ധക മാറ്റങ്ങൾ വരുത്തുമെന്ന് പ്രതീക്ഷിക്കുന്നു. പുതിയ ടൊയോട്ട കൂപ്പെ എസ്‌യുവി യൂറോപ്യൻ വിപണികളിൽ വിൽക്കുന്ന യാരിസ് ക്രോസിൽ നിന്ന് ചില ഡിസൈൻ ഘടകങ്ങൾ എടുത്തേക്കുമെന്ന് റിപ്പോർട്ടുകൾ സൂചിപ്പിക്കുന്നു. ഇന്റീരിയർ ലേഔട്ടും ഫീച്ചറുകളും ഫ്രോൺക്‌സിന് സമാനമായിരിക്കുമെന്ന് പ്രതീക്ഷിക്കുന്നു. ശക്തിക്കായി, പുതിയ ടൊയോട്ട മൈക്രോ എസ്‌യുവി 1.2 എൽ, 4 സിലിണ്ടർ പെട്രോൾ, 1.0 എൽ, 3 സിലിണ്ടർ ടർബോ പെട്രോൾ എഞ്ചിനുകൾ ഉപയോഗിക്കും. രണ്ട് മോട്ടോറുകളിലും സുസുക്കിയുടെ മൈൽഡ് ഹൈബ്രിഡ് സാങ്കേതിക വിദ്യയുണ്ടാകും.
