ഈ കിടിലന്‍ സുരക്ഷാ സംവിധാനമുള്ള ഇന്ത്യയിലെ ഏറ്റവും താങ്ങാവുന്ന അഞ്ച് കാറുകൾ
ഇതാ ഇന്ത്യയില്‍ ഈ സംവിധാനമുള്ള ഏറ്റവും താങ്ങാനാവുന്ന ഏറ്റവും മികച്ച അഞ്ച് കാറുകളെ പരിചയപ്പെടാം.
Followസുരക്ഷയും സാങ്കേതികവിദ്യയും തമ്മില്‍ അടുത്ത ബന്ധമുണ്ട്. സാങ്കേതികവിദ്യ അതിവേഗം വികസിച്ചുകൊണ്ടിരിക്കുന്നതിനാൽ, പുതിയ കാലത്തെ സുരക്ഷാ ഫീച്ചറുകൾ ഉപഭോക്താക്കൾക്ക് കൂടുതൽ മെച്ചപ്പെട്ട രീതിയില്‍ സ്വീകരിക്കുവാന്‍ കഴിയും. ഉയർന്ന നിലവാരമുള്ള ആഡംബര കാറുകളിൽ മാത്രം ലഭ്യമായിരുന്ന ആധുനിക സുരക്ഷാ സാങ്കേതികവിദ്യയായ അഡ്വാൻസ്ഡ് ഡ്രൈവർ അസിസ്റ്റൻസ് സിസ്റ്റംസ് (ADAS) ആണ് ഇവിടെ പ്രധാനം. താങ്ങാനാവുന്ന ചില മാസ്-മാർക്കറ്റ് സെഗ്‌മെന്റ് വാഹനങ്ങളിലും ഈ സംവിധാനം ഇപ്പോൾ കാണാം.
590 കിമീ മൈലേജുമായി ആ ജര്‍മ്മന്‍ മാന്ത്രികന്‍ ഇന്ത്യയില്‍, വില കേട്ടാലും ഞെട്ടും!
എന്താണ് അഡ്വാൻസ്ഡ് ഡ്രൈവർ അസിസ്റ്റൻസ് സിസ്റ്റംസ് (ADAS)?
സ്വയംഭരണ ശേഷി ഉറപ്പാക്കുന്ന ഒരു വാഹനത്തിനുള്ളിലെ ഒരു കൂട്ടം സോഫ്‌റ്റ്‌വെയർ പ്രവർത്തനക്ഷമമായ സംവിധാനങ്ങൾ ഉൾക്കൊള്ളുന്ന ഒരു ആധുനിക സാങ്കേതികവിദ്യയാണ് ADAS (അഡ്വാൻസ്ഡ് ഡ്രൈവർ അസിസ്റ്റൻസ് സിസ്റ്റംസ്). ക്യാമറകൾ, റഡാർ, മറ്റ് സെൻസറുകൾ എന്നിവയ്‌ക്കൊപ്പം അവ പ്രവർത്തിക്കുന്നു. ഓട്ടോമോട്ടീവ് എഞ്ചിനീയർമാരുടെ അഭിപ്രായത്തിൽ, അഞ്ച് ലെവൽ ഓട്ടോണമസ് ഡ്രൈവിംഗ് ഉണ്ട്, ലെവൽ-5 പൂർണ്ണമായും ഓട്ടോമാറ്റിക്കും മനുഷ്യ മേൽനോട്ടം ആവശ്യമില്ലാത്തതുമാണ്.
ഇതാ ഇന്ത്യയില്‍ ഈ സംവിധാനമുള്ള ഏറ്റവും താങ്ങാനാവുന്ന ഏറ്റവും മികച്ച അഞ്ച് കാറുകളെ പരിചയപ്പെടാം.
എംജി ആസ്റ്റർ
9.98 ലക്ഷം രൂപ മുതല്‍ വില
ലെവൽ-2 എ‌ഡി‌എ‌എസുമായി വരുന്ന അതിന്റെ ക്ലാസിലെ ആദ്യത്തെ വാഹനമാണ് എംജി ആസ്റ്റർ. അഡാപ്റ്റീവ് ക്രൂയിസ് കൺട്രോൾ, ഹൈ-ബീം അസിസ്റ്റ്, ബ്ലൈൻഡ്-സ്പോട്ട് മോണിറ്ററിംഗ്, ഫ്രണ്ട് കൊളിഷൻ വാണിംഗ്, ലെയ്ൻ-കീപ്പ് അസിസ്റ്റ്, ഓട്ടോമാറ്റിക് എമർജൻസി ബ്രേക്കിംഗ് തുടങ്ങിയ സവിശേഷതകൾ ഇതിന് ലഭിക്കുന്നു. 1.5 ലിറ്റർ നാച്ചുറലി ആസ്പിറേറ്റഡ്, 1.3 ലിറ്റർ ടർബോ പെട്രോൾ എഞ്ചിൻ എന്നിവയാണ് ഈ എസ്‌യുവി വാഗ്ദാനം ചെയ്യുന്നത്. 9.98 ലക്ഷം രൂപ മുതലാണ് എംജി ആസ്റ്ററിന്റെ എക്സ് ഷോറൂം വില ആരംഭിക്കുന്നത്.
ബിഎംഡബ്ല്യു X3 ഡീസൽ എസ്‌യുവി ഇന്ത്യയില്‍, വില 65.50 ലക്ഷം
മഹീന്ദ്ര XUV700
13.18 ലക്ഷം രൂപ മുതലാണ് വില
മഹീന്ദ്ര XUV700 ആണ് നിലവിൽ അതിന്റെ സെഗ്‌മെന്റിലെ ഏറ്റവും ഫീച്ചർ സമ്പന്നമായ എസ്‌യുവി. ഈ മിഡ്-സൈസ് എസ്‌യുവിയുടെ ADAS സവിശേഷതകളിൽ അഡാപ്റ്റീവ് ക്രൂയിസ് കൺട്രോൾ, ഹൈ-ബീം അസിസ്റ്റ്, ട്രാഫിക് സൈൻ റെക്കഗ്നിഷൻ, ഡ്രൈവര്‍ക്ക് ഉറക്കത്തെക്കുറിച്ചുള്ള മുന്നറിയിപ്പ്, ഓട്ടോമാറ്റിക് എമർജൻസി ബ്രേക്കിംഗ് മുതലായവ ഉൾപ്പെടുന്നു. 2.0-ലിറ്റർ ടർബോ പെട്രോൾ മിൽ, 2.2-ലിറ്റർ ഡീസൽ എഞ്ചിനുമാണ് ഇത് വാഗ്ദാനം ചെയ്യുന്നത്. 13.18 ലക്ഷം രൂപ മുതലാണ് മഹീന്ദ്ര XUV700ന്റെ എക്സ്ഷോറൂം വില.
സ്വിച്ചിട്ടാല്‍ നിറം മാറും, അദ്ഭുത കാറുമായി ബിഎംഡബ്ല്യു
ഹോണ്ട സിറ്റി ഹൈബ്രിഡ്
19.50 ലക്ഷം രൂപ മുതലാണ് വില
അടുത്തിടെ പുറത്തിറക്കിയ ഹോണ്ട സിറ്റി ഇ:എച്ച്ഇവി ഹൈബ്രിഡ് ഹോണ്ടയുടെ സെൻസിംഗ് ടെക്നോളജി ആദ്യമായി ഇന്ത്യയിലേക്ക് കൊണ്ടുവരുന്നു. കൂട്ടിയിടി ലഘൂകരണ ബ്രേക്കിംഗ് സിസ്റ്റം, അഡാപ്റ്റീവ് ക്രൂയിസ് കൺട്രോൾ, ലെയ്ൻ-കീപ്പ് അസിസ്റ്റ് എന്നിവ പോലുള്ള സുരക്ഷാ ഫീച്ചറുകളുള്ള ADAS വാഹനത്തിന് ലഭിക്കുന്നു. ഹോണ്ട സിറ്റി ഇ:എച്ച്ഇവിയുടെ 1.5 ലിറ്റർ അറ്റ്കിൻസൺ-സൈക്കിൾ പെട്രോൾ എഞ്ചിനും രണ്ട് ഇലക്ട്രിക് മോട്ടോറുകളും 19.50 ലക്ഷം രൂപയാണ് എക്സ്ഷോറൂം വില.
എംജി ഇസെഡ്എസ് ഇവി
21.99 ലക്ഷം രൂപ മുതലാണ് വില
എംജി മോട്ടോർ ഇന്ത്യ അടുത്തിടെ പരിഷ്‍കരിച്ച ഇസെഡ്എസ് ഇവി ഇന്ത്യയിൽ അവതരിപ്പിച്ചു. 2022 ഇസെഡ് എസ് ഇവിക്ക് ആസ്റ്റർ എസ്‌യുവി പോലെയുള്ള ലെവൽ-2 ADAS ലഭിക്കുന്നില്ല. എന്നിരുന്നാലും, ബ്ലൈൻഡ്-സ്പോട്ട് ഡിറ്റക്ഷൻ സിസ്റ്റം, ലെയ്ൻ ചേഞ്ച് അസിസ്റ്റ്, റിയർ ക്രോസ് ട്രാഫിക് അലേർട്ട് തുടങ്ങിയ ചില അഡ്വാൻസ്ഡ് ഡ്രൈവർ അസിസ്റ്റൻസ് ഫീച്ചറുകൾ ഇതിലുണ്ട്. ഒരു ചാർജിന് 461 കിലോമീറ്റർ റേഞ്ച് വാഗ്ദാനം ചെയ്യുന്ന പുതിയ ഇസെഡ്എസ് ഇവിക്ക് 21.99 ലക്ഷം രൂപ മുതലാണ് എക്സ്-ഷോറൂം വില.
'മിന്നല്‍ മുരളി'യായി അർനോൾഡ്, കറന്‍റടിച്ചത് പാഞ്ഞത് ബിഎംഡബ്ല്യുവില്‍!
എംജി ഗ്ലോസ്റ്റർ
31.50 ലക്ഷം രൂപ മുതലാണ് വില
ADAS ലഭിച്ച ഇന്ത്യയിലെ ആദ്യത്തെ മാസ്-മാർക്കറ്റ് കാർ ആയിരുന്നു എംജി ഗ്ലോസ്റ്റര്‍. ഓട്ടോമാറ്റിക് പാർക്കിംഗ് അസിസ്റ്റ്, അഡാപ്റ്റീവ് ക്രൂയിസ് കൺട്രോൾ, ഓട്ടോമാറ്റിക് എമർജൻസി ബ്രേക്ക്, ഫോർവേഡ് കൂട്ടിയിടി മുന്നറിയിപ്പ്, ലെയ്ൻ ഡിപ്പാർച്ചർ മുന്നറിയിപ്പ്, തുടങ്ങിയ പ്രവർത്തനങ്ങളുള്ള ലെവൽ-1 ADAS ഫീച്ചറാണ് ഇത്. എംജി ഗ്ലോസ്റ്ററിന് 31.50 ലക്ഷം രൂപ മുതലാണ് എക്സ് ഷോറൂം വില.
Source : FE Drive
