സെൽറ്റോസിന്റെ വില വെട്ടിക്കുറച്ചു, കുറച്ചത് ഇത്രയും
വില കുറച്ചതോടെ കിയ സെൽറ്റോസ് ഫേസ്‌ലിഫ്റ്റിന്റെ വില ഇപ്പോൾ 10.89 ലക്ഷം രൂപയിൽ ആരംഭിക്കുന്നു. പുതിയ വിലകൾ 2023 നവംബർ 15 മുതൽ പ്രാബല്യത്തിൽ വരും. മോഡലിന് ലഭിച്ച പരമാവധി വിലക്കുറവ് 2,000 രൂപയാണ്.
 )
Followഇന്ത്യയിലെ സെൽറ്റോസ് ഫെയ്‌സ്‌ലിഫ്റ്റിന്റെ എക്സ്-ഷോറൂം വില കിയ കുറച്ചു. സെൽറ്റോസ് ഫെയ്‌സ്‌ലിഫ്റ്റിന്റെ തിരഞ്ഞെടുത്ത ചില വകഭേദങ്ങൾക്ക് വിലക്കുറവ് ബാധകമാണ്. വില കുറച്ചതോടെ കിയ സെൽറ്റോസ് ഫേസ്‌ലിഫ്റ്റിന്റെ വില ഇപ്പോൾ 10.89 ലക്ഷം രൂപയിൽ ആരംഭിക്കുന്നു. പുതിയ വിലകൾ 2023 നവംബർ 15 മുതൽ പ്രാബല്യത്തിൽ വരും. മോഡലിന് ലഭിച്ച പരമാവധി വിലക്കുറവ് 2,000 രൂപയാണ്. HTX, HTX പ്ലസ്, GTX പ്ലസ്, GTX പ്ലസ് എസ് വേരിയന്റുകളുടെ വിലക്കുറവ് ലഭിക്കുന്നു.
വില കുറയാനുള്ള കൃത്യമായ കാരണം അറിവായിട്ടില്ല. കമ്പനി കാറിലെ ഫീച്ചറുകളിലൊന്ന് നീക്കം ചെയ്‍തതിന് പിന്നാലെ സെൽറ്റോസ് എസ്‌യുവിയുടെ വില കുറച്ചതെന്നും റിപ്പോര്‍ട്ടുകള്‍ ഉണ്ട്. എക്സ്-ലൈൻ ഒഴികെ, വിൻഡോകളുടെ വൺ-ടച്ച് റോളിംഗ് വാഗ്ദാനം ചെയ്യുന്ന സെൽറ്റോസിന്റെ മറ്റെല്ലാ വകഭേദങ്ങൾക്കും വില പരിഷ്‌കരിക്കും. ഈ ഫീച്ചർ ഇനി മുതൽ ഡ്രൈവർ സൈഡ് വിൻഡോയിൽ മാത്രമേ ലഭ്യമാകൂ. എന്നിരുന്നാലും, എസ്‌യുവിയുടെ എക്സ്-ലൈൻ വേരിയന്റിന് എല്ലാ വിൻഡോകളിലും വൺ-ടച്ച് സവിശേഷത ലഭിക്കുന്നത് തുടരും. വാഹനത്തിന്റെ രൂപകൽപ്പനക്കും പുതിയ ഫീച്ചറുകൾക്കും രാജ്യത്ത് ആവശ്യക്കാരേറെയാണ്. വർഷാവസാനം വിൽപ്പന കൂടുതൽ മെച്ചപ്പെടുത്തുന്നതിന്‍റെ ഭാഗമായാണ് പുതിയ നീക്കമെന്നും സൂചനകൾ ഉണ്ട്.
സൈന്യത്തിനൊപ്പം ചരിത്രം സൃഷ്‍ടിച്ച് മഹീന്ദ്ര ബൊലേറോ! ആദ്യമായി ഒരു വാഹനം അമർനാഥ് ഗുഹയിൽ!
പരിഷ്കരിച്ച സെൽറ്റോസിനെ ഈ ജൂലൈ മാസത്തിൽ ആണ് കിയ അവതരിപ്പിച്ചത്. പുതിയ സെൽറ്റോസ് ഫെയ്‌സ്‌ലിഫ്റ്റ് ടെക്-ലൈൻ, ജിടി ലൈൻ, എക്സ്-ലൈൻ എന്നിങ്ങനെ മൂന്ന് ട്രിം ലെവലുകളിൽ ലഭ്യമാണ്. എൻഎ പെട്രോൾ പതിപ്പിന് 10.89 ലക്ഷം മുതൽ 16.59 ലക്ഷം രൂപ വരെയാണ് വില. ടർബോ പെട്രോൾ പതിപ്പിന് 14.99 ലക്ഷം മുതൽ 19.99 ലക്ഷം രൂപ വരെയാണ് വില. സെൽറ്റോസിന്റെ ഡീസൽ പതിപ്പിന് അടിസ്ഥാന വേരിയന്റിന് 11.99 ലക്ഷം രൂപയും ടോപ്പ്-സ്പെക്ക് വേരിയന്റിന് 19.99 ലക്ഷം രൂപയുമാണ് (എക്സ്-ഷോറൂം, ന്യൂഡൽഹി) വില.
പുതിയ സെൽറ്റോസ് ഫെയ്‌സ്‌ലിഫ്റ്റ് 1.5 ലിറ്റർ NA പെട്രോൾ, 1.5 ലിറ്റർ ടർബോ പെട്രോൾ, 1.5 ലിറ്റർ ടർബോ ഡീസൽ എന്നിങ്ങനെ മൂന്ന് എഞ്ചിൻ ഓപ്ഷനുകളിൽ ലഭ്യമാണ്. എൻഎ പെട്രോൾ എഞ്ചിന് 115 bhp കരുത്തും 144 Nm ടോര്‍ക്കും ഉത്പാദിപ്പിക്കാൻ കഴിയുമെങ്കിലും ടർബോ ഡീസൽ എഞ്ചിൻ 116 bhp കരുത്തും 250 Nm ടോര്‍ക്കും ഉത്പാദിപ്പിക്കുന്നു. ട്രാൻസ്മിഷൻ ചോയിസുകളിൽ 6-സ്പീഡ് മാനുവൽ, NA പെട്രോളുള്ള ഒരു CVT ഓട്ടോമാറ്റിക്, 6-സ്പീഡ് iMT, ടർബോ ഡീസൽ ഉള്ള 6-സ്പീഡ് ഓട്ടോമാറ്റിക് ഗിയർബോക്സ് എന്നിവ ഉൾപ്പെടുന്നു.
ടർബോ പെട്രോൾ എഞ്ചിന് 160 bhp കരുത്തും 253 Nm torque ഉം ഉത്പാദിപ്പിക്കാൻ കഴിയും. ട്രാൻസ്മിഷൻ തിരഞ്ഞെടുപ്പുകളിൽ 6-സ്പീഡ് iMT അല്ലെങ്കിൽ 7-സ്പീഡ് DCT ഉൾപ്പെടുന്നു. ഈ ടർബോ പെട്രോൾ എഞ്ചിൻ HTK+, HTX+, GTX+, X-Line എന്നിവയിൽ മാത്രമേ ലഭ്യമാകൂ. മാനുവൽ ഗിയർബോക്‌സോടുകൂടിയ 1.5L NA പെട്രോൾ HTE, HTK, HTK+, HTX ട്രിമ്മുകളിൽ ലഭ്യമാണ്, അതേസമയം iMT ഗിയർബോക്സ് HTX ട്രിമ്മിൽ മാത്രമേ ലഭ്യമാകൂ.
പരിഷ്കരിച്ച ഡിസൈന്‍, സ്പോര്‍ട്ടി പെര്‍ഫോമന്‍സ്, മികച്ച എക്സ്റ്റീരിയര്‍ എന്നിങ്ങനെ അത്യാധുനിക സാങ്കേതികവിദ്യകള്‍ അടങ്ങിയ പുതിയ സെല്‍റ്റോസ് ജൂലായ് 21നാണ് കിയ പുറത്തിറക്കിയത്. 15 അതിസുരക്ഷാ ഫീച്ചറുകളും 17 എഡിഎഎസ് ലെവല്‍ 2 ഓട്ടോണമസ് ഫീച്ചറുകളും ഉള്‍പ്പെടെ 32 സവിശേഷതകളും വാഹനത്തിലുണ്ട്. ഡ്യുവല്‍ സ്‌ക്രീന്‍ പനോരമിക് ഡിസ്പ്ലേ, ഡ്യുവല്‍ സോണ്‍ ഫുള്ളി ഓട്ടോമാറ്റിക് എയര്‍ കണ്ടീഷണര്‍, ഡ്യുവല്‍ പാന്‍ പനോരമിക് സണ്‍റൂഫ് എന്നിവയും സെല്‍റ്റോസില്‍ സജ്ജീകരിച്ചിച്ചിട്ടുണ്ട്.
