ജൈവ പദാര്‍ത്ഥങ്ങള്‍ കൊണ്ടൊരു ഹരിത ടയര്‍, വമ്പൻ കണ്ടുപിടുത്തവുമായി ജെകെ ടയര്‍!
യുഎക്സ് ഗ്രീൻ എന്ന് വിളിക്കപ്പെടുന്ന ഈ പുതിയ ടയർ ഒരു സാധാരണ റേഡിയൽ ടയറുമായി താരതമ്യപ്പെടുത്താവുന്ന പ്രകടനം നൽകുന്നു. അതേസമയം കുറഞ്ഞ കാർബൺ പുറന്തള്ളലുകള്‍ രേഖപ്പെടുത്തുന്നു.
 )
Follow80 ശതമാനം സുസ്ഥിരവും പുനരുപയോഗിക്കാവുന്നതുമായ വസ്തുക്കൾ കൊണ്ട് നിർമ്മിച്ച ഒരു പുതിയ പിസിആര്‍ ടയർ വികസിപ്പിച്ച് പ്രമുഖ ടയര്‍ നിര്‍മ്മാതാക്കളായ ജെകെ ടയർ. ഇതോടെ ഈ നേട്ടം സ്വന്തമാക്കുന്ന ആദ്യത്തെ കമ്പനിയായി ജെകെ ടയര്‍ മാറി എന്നാണ് റിപ്പോര്‍ട്ടുകള്‍. മൈസൂരിലെ രഘുപതി സിംഗാനിയ സെന്റർ ഓഫ് എക്‌സലൻസിലാണ് ഈ ടയർ വികസിപ്പിച്ചത്.
80 ശതമാനം സുസ്ഥിരവും പുനരുപയോഗിക്കാവുന്നതുമായ മെറ്റീരിയലുകൾ കൊണ്ട് നിർമ്മിച്ച ഈ പുതിയ ടയർ കമ്പനി പ്രദർശിപ്പിച്ചു. മൈസൂരിലെ ബ്രാൻഡിന്റെ ആഗോള സാങ്കേതിക കേന്ദ്രമായ രഘുപതി സിംഘാനിയ സെന്റർ ഓഫ് എക്‌സലൻസിലെ ആർ ആൻഡ് ഡി ടീമാണ് ഇത് വികസിപ്പിക്കുകയും എഞ്ചിനീയറിംഗ് ചെയ്യുകയും ചെയ്‍തിരിക്കുന്നത് . യുഎക്സ് ഗ്രീൻ എന്ന് വിളിക്കപ്പെടുന്ന ഈ പുതിയ ടയർ ഒരു സാധാരണ റേഡിയൽ ടയറുമായി താരതമ്യപ്പെടുത്താവുന്ന പ്രകടനം നൽകുന്നു. അതേസമയം കുറഞ്ഞ കാർബൺ പുറന്തള്ളലുകള്‍ രേഖപ്പെടുത്തുന്നു.
ബ്രാൻഡിന്റെ ഗ്ലോബൽ ടെക് സെന്ററിൽ ഒരു പതിറ്റാണ്ട് നീണ്ട ഗവേഷണത്തെ അടിസ്ഥാനമാക്കിയാണ് കമ്പനി ടയറുകൾ രൂപകൽപ്പന ചെയ്ത് വികസിപ്പിച്ചിരിക്കുന്നത്. പരമ്പരാഗത പെട്രോളിയം അധിഷ്ഠിത വസ്തുക്കളെ സുസ്ഥിരമായ മെറ്റീരിയലുകൾ ഉപയോഗിച്ച് മാറ്റിസ്ഥാപിക്കാൻ ഉൽ‌പ്പന്നങ്ങളെ അനുവദിക്കുന്ന ഇതര പരിഹാരങ്ങൾ സൃഷ്‌ടിക്കുന്നതിന് ഗവേഷണ-വികസന സംഘം പ്രവർത്തിച്ചുകൊണ്ടിരുന്നു. റീസൈക്കിൾ ചെയ്‌തതും പുനരുപയോഗിക്കാവുന്നതും ജൈവ അധിഷ്ഠിത വസ്തുക്കളും ഉപയോഗിച്ചാണ് ഉൽപ്പന്ന വികസനം നടത്തിയതെന്ന് ജെകെ ടയർ അവകാശപ്പെടുന്നു. പ്രകൃതിദത്ത റബ്ബർ, ബയോ ആട്രിബ്യൂട്ടഡ് എസ്ബിആർ, ബിആർ, ബയോ ബേസ്ഡ് ഓയിൽ, റീസൈക്കിൾ ചെയ്ത റബ്ബർ പൗഡർ, വീണ്ടെടുത്ത കാർബണേഷ്യസ് ബ്ലാക്ക്, റീസൈക്കിൾഡ് പോളിസ്റ്റർ, സ്റ്റീൽ വയർ തുടങ്ങിയ ഉയർന്ന സുസ്ഥിര പദാർത്ഥങ്ങൾ ഉപയോഗിച്ചാണ് യുഎക്സ് ഗ്രീൻ ടയറുകൾ വികസിപ്പിച്ചിരിക്കുന്നത്. ഈ മെറ്റീരിയലുകളിൽ ഭൂരിഭാഗവും ഇന്റർനാഷണൽ സസ്റ്റൈനബിലിറ്റി ആൻഡ് കാർബൺ സർട്ടിഫിക്കേഷൻ സാക്ഷ്യപ്പെടുത്തിയ വസ്‍തുക്കളാണ്.
ഈ പുതിയ ടയർ പരമ്പരാഗത പെട്രോളിയം അധിഷ്ഠിത വസ്തുക്കൾക്ക് പകരം സുസ്ഥിര സാമഗ്രികൾ നൽകുമെന്ന് പ്രതീക്ഷിക്കുന്നതായി ജെകെ ടയര്‍ ചെയർമാനും മാനേജിംഗ് ഡയറക്ടറുമായി ഡോ രഘുപതി സിംഘാനിയ പറഞ്ഞു. തങ്ങളുടെ മൊത്തത്തിലുള്ള സുസ്ഥിരത ലക്ഷ്യങ്ങളുമായി വളരെ അടുത്ത ബന്ധമുള്ള ഒരു ഉൽപ്പന്നം വാഗ്ദാനം ചെയ്യുന്നത് വളരെ അഭിമാനിക്കുന്ന കാര്യമാണെന്നും അദ്ദേഹം വ്യക്തമാക്കി. ആവാസവ്യവസ്ഥയെ സംരക്ഷിക്കുന്നതിന് പകരക്കാരെ സൃഷ്ടിക്കുന്നതിൽ ശക്തമായ ഊന്നൽ നൽകിക്കൊണ്ട്, 80% സുസ്ഥിര വസ്തുക്കൾ ഉപയോഗിച്ച് ടയർ പൂർണ്ണമായും രൂപകൽപ്പന ചെയ്യുകയും വികസിപ്പിച്ചെടുക്കുകയും ചെയ്‍തെന്നും ഈ വികസനം കമ്പനിയുടെ ഉയർന്ന വൈദഗ്ധ്യമുള്ള ഗവേഷണ-വികസന ടീമിന്റെ പ്രതിഫലനം മാത്രമല്ല, സുസ്ഥിര വളർച്ചയും സാമൂഹിക മൂല്യനിർമ്മാണവും വർധിപ്പിക്കാനും 2050-ൽ കാർബൺ ന്യൂട്രാലിറ്റിയിലേക്ക് നീങ്ങാനുമുള്ള ഗൗരവമായ പ്രതിബദ്ധതയെ ഇത് ശക്തിപ്പെടുത്തുന്നുവെന്നും അദ്ദേഹം കൂട്ടിച്ചേര്‍ത്തു.
