ആ ഇന്ത്യയല്ല പുതിയ ഇന്ത്യ, ഇത്രയും ദിവസത്തിനകം ജനം വാങ്ങിക്കൂട്ടിയത് ഇത്രയും ദശലക്ഷം കാറുകൾ!
കൊവിഡ്-19 കാലഘട്ടത്തിലെ വെല്ലുവിളികള്‍ മാറിയതോടെ, മിക്ക നിർമ്മാതാക്കളും അവരുടെ മിക്ക മോഡലുകൾക്കും താരതമ്യേന ഉയർന്ന കാത്തിരിപ്പ് കാലയളവ് റിപ്പോർട്ട് ചെയ്യുന്നുണ്ട്
 )
Followഇന്ത്യൻ പാസഞ്ചർ വെഹിക്കിൾ (പിവി) വ്യവസായത്തിന് 2023 സാമ്പത്തിക വര്‍ഷത്തില്‍ വൻ കുതിപ്പ്. ഇക്കാലയളവില്‍ ഇന്ത്യൻ വിപണിയിൽ 3.6 ദശലക്ഷം കാറുകൾ വിറ്റഴിക്കപ്പെട്ടു എന്നാണ് കണക്കുകള്‍. ഇത് 2019 സാമ്പത്തിക വർഷത്തിന് മുമ്പുള്ള 3.2 ദശലക്ഷത്തിനു ശേഷം രജിസ്റ്റർ ചെയ്‍ത ഏറ്റവും മികച്ച റെക്കോഡാണ്. കൊവിഡ്-19 കാലഘട്ടത്തിലെ വെല്ലുവിളികള്‍ മാറിയതോടെ, മിക്ക നിർമ്മാതാക്കളും അവരുടെ മിക്ക മോഡലുകൾക്കും താരതമ്യേന ഉയർന്ന കാത്തിരിപ്പ് കാലയളവ് റിപ്പോർട്ട് ചെയ്യുന്നുണ്ട്. അതുകൊണ്ടുതന്നെ ഇന്ത്യൻ കാർ വിപണി അതിന്റെ കുതിച്ചുപാച്ചില്‍ തുടരുമെന്ന് പ്രതീക്ഷിക്കുന്നു.
ഫെഡറേഷൻ ഓഫ് ഓട്ടോമൊബൈൽ ഡീലേഴ്‌സ് അസോസിയേഷൻസ് (FADA) ചൊവ്വാഴ്ച പുറത്തുവിട്ട ഏറ്റവും പുതിയ കണക്കുകൾ പ്രകാരം, 2023 സാമ്പത്തിക വർഷത്തിൽ യാത്രാവാഹന വിഭാഗം 22 ശതമാനം വളർച്ച കൈവരിച്ചു. അർദ്ധചാലക ഭാഗങ്ങളുടെ കുറവ്, ഘടകഭാഗങ്ങളുടെ വില കയറൽ തുടങ്ങിയ വ്യത്യസ്ത വെല്ലുവിളികള്‍ക്കിടയിലാണ് ഈ നേട്ടം. നിലവിലുള്ള ചില വെല്ലുവിളികൾക്കിടയിലും, ഇന്ത്യൻ കാർ വിപണിയിൽ ഉയർന്ന കാർ വിൽപ്പന ഉറപ്പാക്കുന്ന അഞ്ച് വലിയ ഘടകങ്ങൾ ഇതാ:
പുതിയ കാർ ലോഞ്ചുകള്‍
കോവിഡ് മാഹാമാരി കാലഘട്ടം നിരവധി കാർ നിർമ്മാതാക്കളെ 2020, 2021 വർഷങ്ങളിലെ ലോഞ്ചുകൾ മാറ്റിവയ്ക്കാൻ നിർബന്ധിതരാക്കി. അതുകൊണ്ടുതന്നെ പുതിയ മോഡലുകളുടെ ബാക്ക്‌ലോഗ് വർദ്ധിച്ചു. കാലതാമസം വന്ന ലോഞ്ചുകൾ സെഗ്‌മെന്റുകളിലുടനീളം ആരംഭിച്ചു. പൂർണ്ണമായും പുതിയ മോഡലുകളും അപ്‌ഡേറ്റ് ചെയ്‍ത കാറുകളും ഇന്ത്യൻ വിപണിയിൽ വലിയ ചലനം സൃഷ്‍ടിച്ചു. ഇത് വാങ്ങുന്നവർക്കിടയിൽ നല്ല വികാരത്തിലേക്ക് നയിക്കുന്നു.
സെമികണ്ടക്ടര്‍ ക്ഷാമം ലഘൂകരിച്ചു
വർദ്ധിച്ച നിർമ്മാണ ശേഷികൾ കാരണം ഡീലർമാർക്കും ഉപഭോക്താക്കൾക്കും കാർ യൂണിറ്റുകളുടെ ലഭ്യത അടുത്ത കാലത്തായി വർദ്ധിച്ചു. അർദ്ധചാലക ക്ഷാമ പ്രശ്നം ലഘൂകരിക്കുന്ന പ്രവര്‍ത്തനങ്ങള്‍ ഫലം കാണുന്നതായി ഫെഡറേഷൻ ഓഫ് ഓട്ടോമൊബൈൽ ഡീലേഴ്‌സ് അസോസിയേഷൻ പറയുന്നു.
എസ്‌യുവി പ്രിയം
ഇന്ത്യൻ കാർ ഉപഭോക്താക്കള്‍ക്കിടയിൽ തുടർച്ചയായി വർദ്ധിച്ചുവരുന്ന എസ്‌യുവികളുടെ ജനപ്രീതി ഒരു വലിയ പോസിറ്റീവ് ആണ്. ഇത് മിക്ക കാര്‍ നിർമ്മാതാക്കളും അംഗീകരിക്കുന്നു. ഉദാഹരണത്തിന്, മഹീന്ദ്ര ആൻഡ് മഹീന്ദ്ര, മാർച്ചിൽ മാത്രം 36,000 എസ്‌യുവികൾ വിറ്റു. മാരുതി സുസുക്കി ബോഡി ടൈപ്പിൽ ഉറച്ച ശ്രദ്ധ കേന്ദ്രീകരിക്കുന്നു. ഫ്രോങ്‌ക്സും ജിംനിയും ഉടൻ പുറത്തിറക്കും. ഹോണ്ടയും അതിന്റെ ഇടത്തരം എസ്‌യുവിക്ക് അന്തിമ മിനുക്കുപണികൾ നൽകുന്നു.
പോസിറ്റീവ് ഉപഭോക്തൃ വികാരങ്ങൾ
പല വ്യവസായ നിരീക്ഷകരും പ്രത്യേകിച്ചും ഇന്ത്യയിലെ കാറുകളോടുള്ള നല്ല ഉപഭോക്തൃ വികാരത്തെ ചൂണ്ടിക്കാണിക്കുന്നു. മഹാമാരിക്കാലം വർദ്ധിച്ച സമ്പാദ്യത്തിന് കാരണമായി. അത് ഇപ്പോൾ വിപണിയില്‍ ഉടനീളവും പ്രത്യേകിച്ച് യാത്രാ വാഹന വിഭാഗത്തിലും പുതിയ വാങ്ങലുകളിലേക്ക് നയിക്കപ്പെടുന്നു. ആഡംബര കാർ നിർമ്മാതാക്കൾ ശക്തമായ വിൽപ്പന രേഖപ്പെടുത്തുന്നതിന്റെ ഒരു പ്രധാന കാരണം ഇതാണ്.
ഉത്സവകാലങ്ങളിൽ വിൽപ്പന വീണ്ടും കുതിച്ചുയരുന്നു
കൊവിഡിന്റെ യാതൊരു സ്വാധീനവുമില്ലാത്ത ആദ്യത്തെ മുഴുവൻ വർഷമായിരുന്നു 2023 സാമ്പത്തിക വര്‍ഷം എന്നും എഫ്‌എ‌ഡി‌എ അഭിപ്രായപ്പെട്ടു. അതുപോലെ, ഉത്സവ കാലത്തെ വിൽപ്പന മൊത്തത്തിലുള്ള വിൽപ്പന പ്രകടനത്തിന് ശ്രദ്ധേയമായ ഉത്തേജനം നൽകി.
