കള്ളന്മാര്‍ കുടുങ്ങും; പുത്തൻ സാങ്കേതികവിദ്യയുമായി പുതിയ ഹോണ്ട ആക്ടിവ
ലോഞ്ച് ചെയ്യുമ്പോൾ, പുതിയ ആക്ടിവ എച്ച്-സ്മാർട്ട് ടിവിഎസ് ജൂപ്പിറ്റർ, ഹീറോ മാസ്ട്രോ എന്നിവയെ നേരിടും.
 )
Followജാപ്പനീസ് വാഹന ബ്രാൻഡായ ഹോണ്ട മോട്ടോർസൈക്കിൾ ആൻഡ് സ്‍കൂട്ടർ ഇന്ത്യ (എച്ച്എംഎസ്ഐ) അതിന്റെ ഏറ്റവും പുതിയ മോഡൽ പുറത്തിറക്കാൻ ഒരുങ്ങുന്നു. പുതിയ സാങ്കേതികവിദ്യ ഉപയോഗിച്ചെത്തുന്ന വരാനിരിക്കുന്ന മോഡലിനെ ഒരു 'പുതിയ സ്മാർട്ട്' സ്‍കൂട്ടറായി ഇതിനകം തന്നെ ടീസ് ചെയ്‍തിട്ടുണ്ട്. വരാനിരിക്കുന്ന മോഡലിനെക്കുറിച്ച് കമ്പനി കൂടുതൽ വിശദാംശങ്ങൾ പങ്കുവെച്ചിട്ടില്ലെങ്കിലും, അതിന്റെ എച്ച്-സ്മാർട്ട് സാങ്കേതികവിദ്യയുടെ ഭാഗമായി പുതിയ ആന്റി-തെഫ്റ്റ് സിസ്റ്റം ഉൾപ്പെടെ നിരവധി പുതിയ സവിശേഷതകൾ വാഗ്ദാനം ചെയ്യുമെന്നാണ് റിപ്പോർട്ടുകൾ. ലോഞ്ച് ചെയ്യുമ്പോൾ, പുതിയ ആക്ടിവ എച്ച്-സ്മാർട്ട് ടിവിഎസ് ജൂപ്പിറ്റർ, ഹീറോ മാസ്ട്രോ എന്നിവയെ നേരിടും.
ഹോണ്ട ആക്ടിവ എച്ച്-സ്മാർട്ട് മുൻ തലമുറ മോഡലിനേക്കാൾ ഭാരം കുറഞ്ഞതായിരിക്കും എന്നാണ് റിപ്പോര്‍ട്ടുകള്‍. ഡിഎൽഎക്‌സ് വേരിയന്റിനേക്കാൾ ഒരു കിലോഗ്രാം കുറവായിരിക്കും പുതിയ സ്‌കൂട്ടറിന്. അപ്‌ഡേറ്റിന്റെ ഭാഗമായി പുതിയ ഗ്രാഫിക്സും കളർ ഓപ്ഷനുകളുമുള്ള പുതിയ ആക്ടിവ എച്ച്-സ്മാർട്ട് ഹോണ്ട വാഗ്ദാനം ചെയ്യുമെന്ന് പ്രതീക്ഷിക്കുന്നു. കൂടുതൽ പവർ വാഗ്ദാനം ചെയ്യുന്നതിനായി ഹോണ്ട പവർട്രെയിനിലും മാറ്റങ്ങൾ വരുത്തും. അതേ 110 സിസി സിംഗിൾ-സിലിണ്ടർ, എയർ-കൂൾഡ് യൂണിറ്റ് ഇപ്പോൾ 7.68 bhp-ൽ നിന്ന് 7.80 bhp-ൽ കൂടുതൽ പവർ ഉത്പാദിപ്പിക്കാൻ സാധ്യതയുണ്ട്.
എച്ച്-സ്മാർട്ട് സാങ്കേതികവിദ്യയിൽ കമ്പനിയുടെ ആന്റി-തെഫ്റ്റ് സിസ്റ്റം അവതരിപ്പിക്കുമെന്ന് പ്രതീക്ഷിക്കുന്നു. ജാപ്പനീസ് ഇരുചക്രവാഹന ഭീമൻ ഇതിനകം തന്നെ അതിന്റെ പ്രീമിയം ഓഫറുകളിൽ ഹോണ്ട ഇഗ്നിഷൻ സെക്യൂരിറ്റി സിസ്റ്റം (HISS) വാഗ്ദാനം ചെയ്യുന്നുണ്ട്. കൂടാതെ ബ്രാൻഡിന്റെ കമ്മ്യൂട്ടർ ശ്രേണിക്ക് വേണ്ടി രൂപകൽപ്പന ചെയ്‍ത ചെലവ് കുറഞ്ഞ ഫീച്ചറാണ് എച്ച് - സ്‍മാര്‍ട്ട്. ആക്ടീവയ്ക്ക് ആദ്യം ഫീച്ചർ ലഭിക്കാൻ സാധ്യതയുണ്ട്. പിന്നാലെ ഈ വർഷം തന്നെ മുഴുവൻ ഈ സാങ്കേതികവിദ്യ മറ്റ് ഹോണ്ട ഇരുചക്രവാഹനങ്ങളിലേക്കും എത്തുമെന്ന് പ്രതീക്ഷിക്കാം.
ഹോണ്ട ആക്ടിവ 6G 2020-ൽ ആണ് അവതരിപ്പിച്ചത്. അതിനുശേഷം ഈ മോഡലിന് വിലയിൽ വൻ വർധനയുണ്ടായി. നിരന്തരമായ വിലക്കയറ്റം കൈകാര്യം ചെയ്യുന്നതിനിടയിൽ, തങ്ങളുടെ ഉൽപ്പന്നത്തിന് കൂടുതൽ മൂല്യവർദ്ധനകൾ കൊണ്ടുവരിക എന്നതാണ് പുതിയ സാങ്കേതികവിദ്യ ഹോണ്ടയുടെ ലക്ഷ്യം. നിലവിലെ തലമുറ ആക്ടിവ 6G-യുടെ വില 73,360 രൂപ മുതൽ 75,860 വരെയാണ് . പുതിയ മോഡലിന്റെ വില ഏകദേശം 75,000 രൂപയ്ക്കും 80,000 രൂപയ്ക്കും ഇടയിലായിരിക്കുമെന്ന് പ്രതീക്ഷിക്കുന്നു.
ഹോണ്ട ടൂവീലറുകളുടെ വില്‍പ്പനയില്‍ 38 ശതമാനം വളര്‍ച്ച
ഇന്നോവ മുതലാളിക്ക് പിന്നാലെ കേന്ദ്രത്തിന്‍റെ മനസറിഞ്ഞ് ആക്ടിവ മുതലാളിയും!
