സ്കോഡ കൈലാക്ക് ഡെലിവറി, ബുക്കിംഗ് വിശദാംശങ്ങൾ
സ്കോഡ കൈലാക്ക് എസ്‌യുവിയുടെ എൻട്രി ലെവൽ ക്ലാസിക് വേരിയൻ്റ് ഇതിനകം വിറ്റുതീർന്നു എന്നാണ് റിപ്പോർട്ടുകൾ. കമ്പനി അതിനുള്ള ബുക്കിംഗ് സ്വീകരിക്കുന്നത് താൽക്കാലികമായി നിർത്തി.
Followഇന്ത്യയിലെ ചെക്ക് വാഹന നിർമ്മാതാക്കളിൽ നിന്നുള്ള ഏറ്റവും പുതിയ സബ് കോംപാക്റ്റ് എസ്‌യുവി ഓഫറാണ് സ്കോഡ കൈലാക്ക്. 2024 ജനുവരി 27-ന് ഡെലിവറികൾ ആരംഭിക്കാനിരിക്കെ, കാർ നിർമ്മാതാവ് അതിൻ്റെ വേരിയൻ്റ് വിശദാംശങ്ങളും സവിശേഷതകളും വിലകളും ഇതിനകം വെളിപ്പെടുത്തിയിട്ടുണ്ട് . അടുത്ത മാസം അവസാനത്തോടെ ടെസ്റ്റ് ഡ്രൈവുകളും ആരംഭിക്കാൻ സാധ്യതയുണ്ട്. ബുക്കിംഗുകൾ ഇതിനകം നടന്നുകൊണ്ടിരിക്കുകയാണ്, മോഡൽ ഇതുവരെ 10,000 ഓർഡറുകൾ ശേഖരിച്ചു. ക്ലാസിക്, സിഗ്നേച്ചർ, സിഗ്നേച്ചർ+, പ്രസ്റ്റീജ് എന്നീ നാല് വകഭേദങ്ങളാണ് കൈലാക്ക് മോഡൽ ലൈനപ്പിലുള്ളത്. മാനുവൽ, ഓട്ടോമാറ്റിക് ഗിയർബോക്സുകൾ ഓഫറിൽ ലഭ്യമാണ്.
പെട്രോൾ-മാനുവൽ ക്ലാസിക്, സിഗ്നേച്ചർ, സിഗ്നേച്ചർ+, പ്രസ്റ്റീജ് വേരിയൻ്റുകൾക്ക് യഥാക്രമം 7.89 ലക്ഷം, 9.59 ലക്ഷം, 11.40 ലക്ഷം, 13.35 ലക്ഷം എന്നിങ്ങനെയാണ് വില. യഥാക്രമം 10.59 ലക്ഷം രൂപ, 12.40 ലക്ഷം രൂപ, 14.40 ലക്ഷം രൂപ വിലയുള്ള സിഗ്നേച്ചർ, സിഗ്നേച്ചർ+, പ്രസ്റ്റീജ് എന്നിങ്ങനെ മൂന്ന് ട്രിമ്മുകളുള്ള ഒരു ഓട്ടോമാറ്റിക് ഗിയർബോക്‌സ് വാങ്ങുന്നവർക്ക് തിരഞ്ഞെടുക്കാം.
നേരത്തെ, സ്കോഡ കൈലാക്കിൻ്റെ ആദ്യ ബാച്ചിൽ 33,000 യൂണിറ്റുകൾ ഉണ്ടാകുമെന്ന് ചെക്ക് വാഹന നിർമ്മാതാവ് വെളിപ്പെടുത്തിയിരുന്നു. അത് 2025 മെയ് മാസത്തോടെ ഡെലിവർ ചെയ്യപ്പെടും. എസ്‌യുവിയുടെ എൻട്രി ലെവൽ ക്ലാസിക് വേരിയൻ്റ് ഇതിനകം വിറ്റുതീർന്നു എന്നാണ് റിപ്പോർട്ടുകൾ. കമ്പനി അതിനുള്ള ബുക്കിംഗ് സ്വീകരിക്കുന്നത് താൽക്കാലികമായി നിർത്തി. ആദ്യ ബാച്ച് ഡെലിവർ ചെയ്തതിന് ശേഷം ക്ലാസിക് ട്രിമ്മിനുള്ള ബുക്കിംഗ് വീണ്ടും തുറക്കും. വിപണി ആവശ്യകതയെ അടിസ്ഥാനമാക്കി ഓരോ വേരിയൻ്റുകളുടെയും പ്രൊഡക്ഷൻ നമ്പറുകൾ ക്രമീകരിക്കുമെന്നും സ്കോഡ അറിയിച്ചു.
മെയ്ക്ക് ഇൻ ഇന്ത്യ പദ്ധതിക്ക് കീഴിലാണ് സ്കോഡ കൈലാക്ക് രൂപകല്പന ചെയ്ത് തദ്ദേശീയമായി നിർമ്മിച്ചിരിക്കുന്നത്. ശക്തമായ MQB-A0-IN പ്ലാറ്റ്‌ഫോമിൽ നിർമ്മിച്ച കമ്പനിയുടെ അഞ്ചാമത്തെ മോഡലാണിത്. 10 ദിവസത്തിനുള്ളിൽ 10,000 ഉപഭോക്താക്കളാണ് ഈ എസ്‌യുവി ബുക്ക് ചെയ്തത്. 7.89 ലക്ഷം രൂപ പ്രാരംഭ എക്‌സ് ഷോറൂം വിലയിലാണ് കമ്പനി സ്കോഡ കൈലാക്കിനെ ഇന്ത്യയിൽ അവതരിപ്പിച്ചിരിക്കുന്നത്. 2025 ജനുവരിയോടെ ഇതിൻ്റെ ഡെലിവറി ആരംഭിക്കും.
കൈലാക്കിൻ്റെ ഉൽപ്പാദനത്തോടെ SAVWIPL അതിൻ്റെ ചക്കൻ പ്ലാൻ്റിൻ്റെ ഉൽപ്പാദന ശേഷി 30% വർധിപ്പിച്ച് 255,000 യൂണിറ്റുകളായി. പ്രവർത്തനങ്ങളും ഗണ്യമായി മെച്ചപ്പെട്ടു, ഉൽപ്പാദന ലൈനുകൾ ഇപ്പോൾ മണിക്കൂറിൽ 40 ജോലികൾ (JPH) എന്ന വേഗതയിൽ പ്രവർത്തിക്കുന്നു. കമ്പനി ഇന്ത്യയിലുടനീളം അതിൻ്റെ വിൽപ്പന, സേവന ശൃംഖല അതിവേഗം വിപുലീകരിക്കുന്നു. ടയർ 2, ടയർ 3 നഗരങ്ങളെ ഉൾപ്പെടുത്തി 2025-ൽ ഞങ്ങളുടെ നെറ്റ്‌വർക്ക് 350 ആയി വികസിപ്പിക്കാൻ പദ്ധതിയിടുന്നതായും കമ്പനി പറയുന്നു.
തിളങ്ങുന്ന കറുത്ത ഫ്രണ്ട് ഗ്രിൽ, 17 ഇഞ്ച് അലോയ് വീലുകൾ, എൽഇഡി ഹെഡ്‌ലൈറ്റുകൾ, എൽഇഡി ഡിആർഎൽ, എൽഇഡി ടെയിൽ ലൈറ്റുകൾ, ഡ്രൈവർക്കും കോ-ഡ്രൈവറിനുമുള്ള 6-വേ ഇലക്ട്രിക്കലി അഡ്ജസ്റ്റ് ചെയ്യാവുന്ന സീറ്റുകൾ, ഫ്രണ്ട് വെൻ്റിലേറ്റഡ് സീറ്റുകൾ, സിംഗിൾ പെയിൻ ഇലക്ട്രിക് സൺറൂഫ്, 20.32 സെ.മീ ഇൻസ്ട്രുമെൻ്റ് ക്ലസ്റ്റർ, വയർലെസ് ചാർജിംഗ്, 25.6 സെൻ്റീമീറ്റർ ഇൻഫോടെയ്ൻമെൻ്റ് സിസ്റ്റം, ട്രങ്കിൽ മൂന്ന് കിലോഗ്രാം കപ്പാസിറ്റിയുള്ള ഹുക്ക് തുടങ്ങി നിരവധി ഫീച്ചറുകൾ നൽകിയിട്ടുണ്ട്.
സ്കോഡ കൈലാക്ക് എസ്‌യുവിയുടെ സുരക്ഷയിലും വളരെയധികം ശ്രദ്ധ ചെലുത്തിയിട്ടുണ്ട്. ആറ് എയർബാഗുകൾ, ബ്രേക്ക് ഡിസ്‌ക് വൈപ്പിംഗ്, ഇഎസ്‌സി, ട്രാക്ഷൻ കൺട്രോൾ സിസ്റ്റം, ഇലക്ട്രോണിക് ഡിഫറൻഷ്യൽ ലോക്ക്, മൾട്ടി കൊളിഷൻ ബ്രേക്ക് തുടങ്ങിയ സവിശേഷതകൾ ഉൾപ്പെടുന്ന 25-ലധികം സുരക്ഷാ ഫീച്ചറുകൾ എസ്‌യുവിയിൽ സ്റ്റാൻഡേർഡായി നൽകിയിട്ടുണ്ട്.
കൈലാക്ക് കോംപാക്ട് എസ്‌യുവിയുടെ ആദ്യ 33,333 ഉപഭോക്താക്കൾക്കായി സ്കോഡ പ്രത്യേക മെയിൻ്റനൻസ് പാക്കേജ് വാഗ്ദാനം ചെയ്യുന്നു. ഈ പാക്കേജിലൂടെ വാഹനത്തിൻ്റെ നടത്തിപ്പ് ചെലവ് കിലോമീറ്ററിന് 0.24 രൂപയായി കുറയും. വാങ്ങുന്നവർക്ക് എസ്‌യുവിയ്‌ക്കൊപ്പം സ്റ്റാൻഡേർഡ് 3-വർഷം/1,00,000 കിലോമീറ്റർ വാറൻ്റിയും ലഭിക്കും.
