കാർ ഏസി മരണകാരണമാകുന്നു! ചെറിയ അശ്രദ്ധ കാരണം മരിച്ചത് രണ്ടുപേർ, എങ്ങനെ രക്ഷപെടാമെന്ന് അറിയൂ
ചില സാഹചര്യങ്ങളിൽ, കാറിലെ എസി ഉപയോഗം മാരകമായേക്കാം. ഇത്തരത്തിൽ പല അപകടങ്ങളും റിപ്പോർട്ട് ചെയ്യപ്പെട്ടിടുണ്ട്. ഡെറാഡൂണിലാണ് ഏറ്റവും പുതിയ സംഭവം. പാർക്ക് ചെയ്ത കാറിൽ ഒരു പുരുഷനെയും സ്ത്രീയെയും മരിച്ച നിലയിൽ കണ്ടെത്തി. റോഡരികിൽ പാർക്ക് ചെയ്‌തിരുന്ന കാറിൽ എസി ഓണാക്കി ഉറങ്ങുകയായിരുന്ന ഇരുവരും എന്നാണ് റിപ്പോര്‍ട്ടുകൾ.
 )
Followകാർ ഓടിക്കുമ്പോൾ എയർ കണ്ടീഷൻ (എസി) ഉപയോഗിക്കുന്നത് വളരെ സാധാരണമായ കാര്യമാണ്. എന്നാൽ ചില സാഹചര്യങ്ങളിൽ, എസി ഉപയോഗം മാരകമായേക്കാം. ഇത്തരത്തിൽ പല അപകടങ്ങളും റിപ്പോർട്ട് ചെയ്യപ്പെട്ടിടുണ്ട്. ഡെറാഡൂണിലാണ് ഏറ്റവും പുതിയ സംഭവം. പാർക്ക് ചെയ്ത കാറിൽ ഒരു പുരുഷനെയും സ്ത്രീയെയും മരിച്ച നിലയിൽ കണ്ടെത്തി. റോഡരികിൽ പാർക്ക് ചെയ്‌തിരുന്ന കാറിൽ എസി ഓണാക്കി ഉറങ്ങുകയായിരുന്ന ഇരുവരും എന്നാണ് റിപ്പോര്‍ട്ടുകൾ.
ഡെറാഡൂണിലെ രാജ്പൂർ മേഖലയിലാണ് സംഭവം. ഡെറാഡൂണിലെ നാഗൽ വാലി റോഡിൽ ഒരു വാഗൺ ആർ പാർക്ക് ചെയ്തിട്ടുണ്ടെന്നും അതിൽ ഒരു പുരുഷനും സ്ത്രീയും അബോധാവസ്ഥയിൽ കിടക്കുന്നതായി കൺട്രോൾ റൂം വഴി പോലീസിന് വിവരം ലഭിച്ചു. വിവരമറിഞ്ഞ് പോലീസ് സ്ഥലത്തെത്തിയപ്പോൾ സ്ത്രീയും പുരുഷനും മരിച്ചുകിടക്കുകയായിരുന്നു. ഇരുവരും മദ്യപിച്ചിരുന്നതായി പ്രാഥമിക അന്വേഷണത്തിൽ കണ്ടെത്തി. രാത്രിയിൽ കാറിൻ്റെ എസി തുടർച്ചയായി ഓൺ ആയതുമൂലമുള്ള ഗ്യാസും ടെമ്പറേച്ചറും മൂലമാകാം ഇരുവരും മരിച്ചതെന്നാണ് റിപ്പോര്‍ട്ടുകൾ. ഇരുവരുടെയും മൃതദേഹങ്ങൾ പോലീസ് കസ്റ്റഡിയിലെടുത്ത് പോസ്റ്റ്‌മോർട്ടത്തിന് അയച്ചു.
ഇത്തരമൊരു സംഭവം ഇതാദ്യമല്ല:
ഇതാദ്യമായല്ല ഇത്തരമൊരു സംഭവം പുറത്തുവരുന്നത്. ഈ വർഷം ജൂണിൽ ഗാസിയാബാദിൽ സമാനമായ ഒരു കേസ് പുറത്തുവന്നിരുന്നു. ആ സമയത്ത് പ്രഹ്ലാദ് ഗാർഹിയിലെ ട്രാഫിക് സിഗ്നലിന് സമീപം 36 കാരനായ ക്യാബ് ഡ്രൈവറെ വാഗൺആർ കാറിൽ മരിച്ച നിലയിൽ കണ്ടെത്തി. സാഹിബാബാദ് സ്വദേശിയായ കാബ് ഡ്രൈവർ കല്ലു ദുബെ ശ്വാസം മുട്ടിയാണ് മരിച്ചതെന്ന് പോലീസ് പറഞ്ഞു. മദ്യലഹരിയിലായിരുന്ന ഇയാൾ കാറിൽ എസി ഓണാക്കി ഉറങ്ങുകയായിരുന്നു. രാത്രി മുഴുവൻ എസി ഓൺ ആയതിനാൽ ക്യാബിനിൽ ഗ്യാസ് നിറച്ചതിനെ തുടർന്ന് ക്യാബ് ഡ്രൈവർ ശ്വാസം മുട്ടി മരിച്ചു.
2020ൽ നോയിഡയിലും സമാനമായ സംഭവം നടന്നിരുന്നു. ആ സമയത്തും മദ്യലഹരിയിലായിരുന്ന 30 വയസ്സുള്ള ഒരാൾ ബേസ്‌മെൻ്റിലെ പാർക്കിംഗിൽ കാർ നിർത്തി എസി ഓണാക്കി ഉറങ്ങുകയായിരുന്നു. ഈ സാഹചര്യത്തിലും, കാറിനുള്ളിലെ വാതകവും ഊഷ്മാവുമാണ് മരണകാരണമെന്നാണ് പോലീസ് പറയുന്നത്. ഇതിന് പുറമെ ചെന്നൈയിലും സമാനമായ സംഭവം നടന്നിരുന്നു.
മലയാളി നടൻ വിനോദ് തോമസിന്റെ മരണവും ഇത്തരത്തിലായിരുന്നു എന്നതും ഓർക്കണം. അയ്യപ്പനും കോശിയും എന്ന ചിത്രത്തിലൂടെ ശ്രദ്ധേയനായ വിനോദിനെ 2023 നവംബറിലാണ് കോട്ടത്ത് നിർത്തിയിട്ട കാറിൽ മരിച്ച നിലയിൽ കണ്ടെത്തിയത്. കാർബൺ മോണോക്സൈഡ് ശ്വസിച്ചതാണ് മരണകാരണമെന്നായിരുന്നു കോട്ടയം മെഡിക്കൽ കോളജിൽ നടത്തിയ പോസ്റ്റ്മോർട്ടം റിപ്പോർട്ടിൽ വ്യക്തമായത്. സ്റ്റാർട്ട് ചെയ്ത കാറിൽ എസി ഓണാക്കിയിട്ട ശേഷം ഗ്ലാസ് പൂട്ടി വിനോദ് ഇരിക്കുകയായിരുന്നു. പിന്നീട് മയക്കത്തിനിടെ വിഷവാതകം ശ്വസിച്ച് അബോധാവസ്ഥയിലായി മരണം സംഭവിച്ചു എന്നായിരുന്നു റിപ്പോര്‍ട്ടുകള്‍. പൊലീസ് വിനോദിന്റെ കാറിൽ നടത്തിയ പരിശോധനയിൽ അസ്വാഭാവികമായി ഒന്നും കണ്ടെത്തിയിരുന്നുമില്ല.
എസി ഓണാക്കി ഉറങ്ങുമ്പോൾ മരണം സംഭവിക്കുന്നത് എന്തുകൊണ്ട്?
ഒരു എഞ്ചിന്‍റെ എക്സ്ഹോസ്റ്റ് വാതകങ്ങളിലെ പ്രധാന ഘടകം കാർബൺ മോണോക്സൈഡും മറ്റ് വിഷവാതകങ്ങളുമാണ്. കാർബൺ മോണോക്സൈഡ്, അടഞ്ഞ സ്ഥലങ്ങളിൽ വലിയ അളവിൽ കടന്നെത്തിയാല്‍ മാരകമായിത്തീരും. കാർബൺ മോണോക്സൈഡ് നിങ്ങളുടെ രക്തത്തിലെ ഓക്സിജന്റെ അളവ് കുറച്ചുകൊണ്ടുവന്ന് മരണത്തിലേക്ക് നയിക്കുന്നു.
ഒരാള്‍ വലിയ അളവിൽ കാർബൺ മോണോക്സൈഡ് ശ്വസിക്കുമ്പോൾ അത് പെട്ടെന്നുള്ള മരണത്തിന് കാരണമാകുന്നു, കാരണം രക്തകോശങ്ങൾ പെട്ടെന്ന് ഓക്സിജൻ പുറന്തള്ളുന്നു. ശരീരത്തിലെ ഓരോ കോശത്തിനും പ്രവർത്തിക്കാൻ ഓക്സിജൻ ആവശ്യമാണ്. കാർബൺ മോണോക്സൈഡുമായി സമ്പർക്കം പുലർത്തുമ്പോൾ ഹീമോഗ്ലോബിനിലെ ഓക്സിജനെ കാർബോക്സിഹെമോഗ്ലോബിൻ ആക്കി മാറ്റുന്നു. ഇത് കോശങ്ങളെ നശിപ്പിക്കുകയും കോശകലകളുടെ പ്രവർത്തനം തടയുകയും ചെയ്യുന്നു. ഈ അവസ്ഥയെ ഹൈപ്പോക്സിയ എന്ന് വിളിക്കുന്നു. ഇത് ആളുകളില്‍ കടുത്ത തലവേദന, തലകറക്കം, ആശയക്കുഴപ്പം എന്നിവയ്ക്ക് കാരണമാകുന്നു.
ആള്‍ ഉണർന്നിരിക്കുന്നുവെങ്കിലോ ബോധമുണ്ടെങ്കിലോ കാറിനുപുറത്തിറങ്ങി രക്ഷപ്പെടാം. പക്ഷേ, അവർ മയക്കത്തിലോ മദ്യലഹരിയിലോ ആണെങ്കില്‍ വിഷവാതകം അകത്തുചെല്ലുന്നത് അവര്‍ അറിയാതെ പോകും. അതൊരു നിശബ്ദ മരണത്തിലേക്ക് നയിക്കും എന്നാണ് വിദഗ്ധർ പറയുന്നത്. നിർഭാഗ്യവശാൽ, എക്സ്ഹോസ്റ്റ് പുകകൾക്ക് തിരിച്ചറിയാൻ കഴിയുന്ന ദുർഗന്ധം ഉണ്ടെങ്കിലും, കാർബൺ മോണോക്സൈഡ് ദുർഗന്ധമില്ലാത്ത വാതകമാണ്. അതുകൊണ്ട് അടഞ്ഞ സ്ഥലത്ത് ഇത് എത്രമാത്രം ശ്വസിക്കുന്നുവെന്ന് മനസിലാക്കാൻ പ്രയാസമാകും. ഗാരേജുകളിലായാലും ബേസ്മെന്‍റുകളിലായാലും, കാർ എഞ്ചിൻ കൂടുതൽ നേരം പ്രവർത്തിപ്പിക്കുന്നതിന് മുമ്പ് നമ്മള്‍ എല്ലായ്പ്പോഴും ജാഗ്രത പാലിക്കണം.
എ സിയ്ക്ക് തകരാറുണ്ടെങ്കിലും ഇങ്ങനെ സംഭവിക്കാം. കാർ എ സി പഴയതോ കേടുവന്നതോ ആണെങ്കില്‍, വായുസഞ്ചാരസംവിധാനം തകരാറിലാകുകയും ഉള്ളില്‍ ശുദ്ധ വായു വേണ്ടത്ര നിറയുന്നതിന് ബുദ്ധിമുട്ടനുഭവപ്പെടുകയും ചെയ്യും. ഇതോടെ കാർബൺ മോണോക്സൈഡ്, കാർബൺ ഡൈ ഓക്സൈഡ് തുടങ്ങിയ വിഷവാതകങ്ങള്‍ വാഹനത്തില്‍ നിറയുന്നു. പൂർണ്ണ ജ്വലനം നടന്നാൽ കാർബൺ ഡൈ ഓക്സൈഡ്, നീരാവി ഇവയാണ് ഉണ്ടാകുക. എന്നാൽ അപൂർണ്ണമായ ജ്വലനം നടക്കുമ്പോൾ, അതായത് ജ്വലനത്തിനായി ആവശ്യമായ ഓക്സിജന്റെ അഭാവത്തിൽ ചെറിയ അളവിൽ കാർബൺ മോണോ ഓക്സൈഡ് ഉണ്ടാവാനും സാദ്ധ്യത ഉണ്ട്. ഇങ്ങനെ ഇന്ധനം ജ്വലിച്ചു തീരുമ്പോൾ ഏകദേശം 30,000 parts per million (ppm) കാർബൺ മോണോക്സൈഡ് വിഷ വാതകം ഉണ്ടാകും.
ഇത് എക്സ്ഹോസ്റ്റ് പൈപ്പിൽ ഘടിപ്പിച്ച 'ക്യാറ്റലിറ്റിക്ക് കോൺവെർട്ടർ' എന്ന സംവിധാനം വച്ച് വിഷം അല്ലാത്ത കാർബർ ഡൈ ഓക്സൈഡ് ആക്കി മറ്റും. സാധാരണ ഗതിയിൽ കാറുകളിൽ ഇത് യാതൊരു പ്രശനവും ഉണ്ടാക്കാറില്ല. എങ്കിലും, തുരുമ്പിച്ചോ, മറ്റു കാരണങ്ങൾ കൊണ്ട് ദ്രവിച്ചോ പൈപ്പിൽ ദ്വാരങ്ങൾ വീണാൽ 'ക്യാറ്റലിറ്റിക്ക് കോൺവെർട്ടറിൽ' എത്തുന്നതിനും മുൻപേ കാർബൺ മോണോക്സൈഡ് എന്ന വിഷ വാതകം പുറത്തേക്കു വരാം. ക്യാറ്റലിറ്റിക്ക് കോൺവെർട്ടർ ശരിയായി പ്രവർത്തിക്കുന്നില്ലെങ്കിലും ഇങ്ങനെ സംഭവിക്കാം.
എസി ഓൺ സ്റ്റാറ്റസ് ഉള്ള നിങ്ങളുടെ കാറിന്റെ ഒരു മണിക്കൂറോളം നിഷ്ക്രിയാവസ്ഥ കാർബൺ മോണോക്സൈഡ് അടിഞ്ഞുകൂടാനുള്ള സാധ്യത വർദ്ധിപ്പിക്കും. വാതകം ഉള്ളിൽ കെട്ടിക്കിടന്ന് നിങ്ങളെ കൊന്നേക്കാം. കാർബൺ മോണോക്സൈഡ് വാതകം കാറിനുള്ളിൽ പ്രവഹിക്കും. ഇതോടെ നിങ്ങൾക്ക് വളരെയധികം ശ്വാസം മുട്ടിക്കാൻ തുടങ്ങും. കുറച്ച് മിനിറ്റിനുള്ളിൽ ഇത് സംഭവിക്കുകയാണെങ്കിൽ, നിങ്ങളുടെ ബോധം നഷ്‍ടപ്പെടുകയും ശ്വാസതടസ്സം മൂലം കാറിനുള്ളിൽ വച്ച് മരിക്കുകയും ചെയ്യാം. കാർബൺ മോണോക്സൈഡ് വാതകത്തിന്റെ പ്രധാന പ്രശ്‍നം, തുടർച്ചയായി ശ്വസിച്ചാൽ ഒരു വ്യക്തിക്ക് സ്വയം തിരിച്ചറിയാൻ കഴിയില്ല എന്നതാണ്. തൽഫലമായി, കാറിനുള്ളിലെ വ്യക്തികൾക്ക് കാറിൽ നിന്ന് രക്ഷപ്പെടാൻ പ്രയാസമാണ്.
എന്താണ് ഹൈപ്പോക്സിയ?
ശരീരത്തിലെ എല്ലാ കോശങ്ങളുടെയും പ്രവർത്തനത്തിന് ഓക്സിജൻ ആവശ്യമാണ്. ഒരു വ്യക്തി കാർബൺ മോണോക്സൈഡുമായി സമ്പർക്കം പുലർത്തുമ്പോൾ, ഹീമോഗ്ലോബിനിൽ അടങ്ങിയിരിക്കുന്ന ഓക്സിജൻ കാർബോക്സി ഹീമോഗ്ലോബിൻ ആയി പരിവർത്തനം ചെയ്യപ്പെടുന്നു, ഇത് കോശങ്ങളെ ഉപയോഗശൂന്യമാക്കുകയും ടിഷ്യൂകളുടെ പ്രവർത്തനത്തെ തടസ്സപ്പെടുത്തുകയും ചെയ്യുന്നു. കഠിനമായ തലവേദന, തലകറക്കം, ആശയക്കുഴപ്പം എന്നിവയ്ക്ക് കാരണമാകുന്ന ഈ അവസ്ഥയെ ഹൈപ്പോക്സിയ എന്ന് വിളിക്കുന്നു. എന്നാൽ വ്യക്തി ഉണർന്നിരിക്കുമ്പോൾ മാത്രമേ ഈ ഫലങ്ങൾ ദൃശ്യമാകൂ. അങ്ങനെയൊരു സാഹചര്യം വന്നാൽ കാറിൽ നിന്നിറങ്ങി മരണത്തിൽ നിന്ന് പെട്ടെന്ന് രക്ഷപ്പെടാം. പക്ഷേ, ഉറങ്ങുമ്പോഴോ മദ്യലഹരിയിലായിരിക്കുമ്പോഴോ, നിശ്ശബ്ദമായ ഒരു വിഷം തൻ്റെ ശരീരത്തിലേക്ക് പ്രവേശിക്കുന്നത് നിശബ്ദമായ മരണത്തിന് കാരണമാകുമെന്ന് ഉറപ്പാണ്.
കാർ പാർക്ക് ചെയ്‌ത് എയർകണ്ടീഷണർ ഓണാക്കിയാണ് മിക്കവരും ഉറങ്ങുന്നത്. എസി പ്രവർത്തിക്കുന്നതിനാൽ, ആളുകൾ എല്ലാ വിൻഡോകളും അടച്ചിടുന്നു, അത്തരമൊരു സാഹചര്യത്തിൽ കാർ ക്യാബിനിൽ ഗ്യാസ് അടിഞ്ഞുകൂടുന്നത് സാധാരണമാണ്. എന്നാൽ ഈ മാരക വാതകം എങ്ങനെയാണ് ക്യാബിനിനുള്ളിൽ എത്തുന്നത് എന്നതാണ് ഏറ്റവും വലിയ ചോദ്യം. കാറിൻ്റെ എഞ്ചിനിൽ നിന്ന് പുറപ്പെടുന്ന വിഷവാതകങ്ങൾ, പ്രധാനമായും കാർബൺ മോണോക്സൈഡ് കാരണം കാറിൽ ഇരിക്കുന്ന ആളുകൾക്ക് ശ്വാസംമുട്ടാം. എസി വെൻ്റിലൂടെയാണ് ഈ വാതകം വാഹനത്തിൻ്റെ ക്യാബിനിലേക്ക് എത്തുന്നത്.
ഒരാൾ ഉറങ്ങുകയാണെങ്കിൽ, അയാൾ അത് തിരിച്ചറിയുന്നില്ല. കാർബൺ മോണോക്സൈഡ് നിങ്ങളുടെ രക്തത്തിലെ ഓക്സിജനെ ഇല്ലാതാക്കുന്നു. ഇതുമൂലം ആ വ്യക്തി ക്രമേണ 'ശ്വാസംമുട്ടൽ' മൂലം മരിക്കുന്നു. വിദഗ്ധർ പറയുന്നത്, ഒരു വ്യക്തിയുടെ ശരീരത്തിൽ കാർബൺ മോണോക്സൈഡ് വലിയ അളവിൽ നിറയുമ്പോൾ, അത് അവൻ്റെ ദ്രുത മരണത്തിലേക്ക് നയിക്കും എന്നാണ്. കാരണം കാർബൺ മോണോക്സൈഡ് ശ്വസിക്കുന്ന വ്യക്തിയുടെ രക്തകോശങ്ങൾക്ക് പെട്ടെന്ന് ഓക്സിജൻ ലഭിക്കില്ല.
ഏസി പരിപാലനം പ്രധാനം
- നിങ്ങളുടെ കാറിന്റെ എക്സ്ഹോസ്റ്റ് സിസ്റ്റം എല്ലാ വർഷവും പരിശോധിക്കുക. ദീർഘദൂര യാത്രയ്‌ക്കായി കാർ എടുക്കുന്നതിന് മുമ്പ് നിങ്ങളുടെ എസി സിസ്റ്റം പരിശോധിച്ച് കേടുപാടുകൾ, തടസ്സങ്ങൾ അല്ലെങ്കിൽ അടഞ്ഞ ഫിൽട്ടറുകൾ ഉണ്ടെങ്കിൽ അവ അറ്റകുറ്റപ്പണികൾ നടത്തുക.
- യാത്ര ചെയ്യുമ്പോൾ, നിങ്ങളുടെ കാറിൽ ഉറങ്ങുകയോ അല്ലെങ്കിൽ കൂടുതൽ നേരം അകത്തിരിക്കുകയോ ചെയ്താൽ, കുറച്ചു സമയം വാഹനത്തിൽ നിന്ന് ഇറങ്ങുന്നുവെന്ന് ഉറപ്പുവരുത്തുക. ചെറിയ ഇടവേളകൾ എടുക്കുന്നുവെന്ന് ഉറപ്പാക്കുക.
- നിര്‍ത്തിയിട്ട കാറില്‍ എസി ഓണാക്കി കിടന്നുറങ്ങുമ്പോൾ, കുറച്ച് വായുസഞ്ചാരം ഉണ്ടെന്ന് ഉറപ്പാക്കാൻ വിൻഡോ ഭാഗികമായി തുറന്നുവെക്കുക. പരമാവധി ഏസി ഇട്ട് കാറിനുള്ളിൽ ഉറങ്ങുന്നത് ഒഴിവാക്കുന്നതാണ് ഉചിതം.
എങ്ങനെ സുരക്ഷിതമാകാം?
പാർക്ക് ചെയ്ത കാറിൽ ഉറങ്ങുന്നത് ഒരു സാഹചര്യത്തിലും സുരക്ഷിതമല്ലെന്ന് ആദ്യം നിങ്ങൾ അറിഞ്ഞിരിക്കണം. എന്നാൽ ഒരു അടിയന്തര സാഹചര്യം ഉണ്ടാകുകയും നിങ്ങൾ കാറിൽ ഉറങ്ങേണ്ടി വരികയും ചെയ്താൽ, കാറിൻ്റെ വിൻഡോ പൂർണ്ണമായും അടയ്ക്കരുത്. അങ്ങനെ കാർ ക്യാബിനിൽ നിന്നുള്ള വാതകം പുറത്തേക്ക് വരികയും ഓക്സിജൻ അകത്തേക്ക് വരികയും ചെയ്യുന്നു. മദ്യപിച്ച് ഒരിക്കലും കാറിൽ ഉറങ്ങരുത്, കാരണം ഇതാണ് ഏറ്റവും അപകടകരമായ സാഹചര്യം. ഇത്തരം മിക്ക കേസുകളിലും മദ്യം കാരണം വാഹനങ്ങളിൽ ആളുകൾ മരണമടഞ്ഞതായിട്ടാണ് റിപ്പോര്‍ട്ടുകൾ.
എന്തായാലും കാറിനുള്ളിൽ സ്ഥിരമായി ഉറങ്ങുന്ന വ്യക്തികളോടും മുകളിൽ പറഞ്ഞ വിവരങ്ങൾ നിങ്ങൾ വിശദീകരിക്കുക. നിങ്ങളുടെ വിശദീകരണം ചിലപ്പോള്‍ ഒരു ആത്മാവിനെ അപകടത്തിൽ നിന്ന് രക്ഷിച്ചേക്കാം!
