ഷാസി തകരാർ, ഈ കാറുകൾ തിരിച്ചുവിളിച്ചു

ജർമ്മൻ വാഹന ബ്രാൻഡായ ബിഎംഡബ്ല്യു യൂറോപ്പിൽ നിർമ്മിച്ച ബിഎംഡബ്ല്യു i4 ൻ്റെ ചില യൂണിറ്റുകൾ തിരിച്ചുവിളിച്ചു. 2024 ഏപ്രിൽ 3 നും ഏപ്രിൽ 26 നും ഇടയിൽ നിർമ്മിച്ച വാഹനങ്ങളാണ് തിരിച്ചുവിളിച്ചിരിക്കുന്നതെന്ന് യൂറോപ്യൻ കമ്മീഷൻ ഡാറ്റാബേസ് വ്യക്തമാക്കുന്നു. മോഡലിൻ്റെ ചേസിസിൻ്റെ ഒരു ഭാഗത്തെ തകരാറാണ് തിരിച്ചുവിളിയുടെ മുഖ്യ കാരണമെന്നാണ് കാർ ആൻഡ് ബൈക്ക് റിപ്പോര്‍ട്ട് ചെയ്യുന്നു. 
 
തിരിച്ചുവിളിക്കുന്ന അറിയിപ്പ് അനുസരിച്ച്, ഈ കാലയളവിൽ നിർമ്മിച്ച യൂണിറ്റുകൾക്ക് പിൻ വശത്തെ അംഗത്തിൽ വിള്ളലുകൾ ഉണ്ടാകാൻ സാധ്യതയുണ്ട്. അത് വാഹനത്തെ ഘടനാപരമായി അസ്ഥിരമാകാൻ ഇടയാക്കും. വാഹനത്തിൻ്റെ ക്രംപിൾ സോൺ ഉൾക്കൊള്ളുന്ന കാറിൻ്റെ ഘടനയുടെ അവിഭാജ്യ ഘടകമാണ് റിയർ സൈഡ്. ഇത് അപകടത്തിൽ ചില ആഘാതങ്ങളെ കുറയ്ക്കാൻ സഹായിക്കുന്നു.  അതുകൊണ്ടുതന്നെ തകരാറിലായ ഈ വാഹനങ്ങൾ കൂട്ടിയിടിച്ചാൽ യാത്രക്കാർക്ക് അപകടസാധ്യത വർധിപ്പിക്കുമെന്ന് അറിയിപ്പിൽ പറയുന്നു.

അതേസമയം തിരിച്ചുവിളി വിജ്ഞാപനത്തിൽ തകരാർ ബാധിച്ച യൂണിറ്റുകളുടെ എണ്ണത്തെക്കുറിച്ചോ ബിഎംഡബ്ല്യു എന്ത് തിരുത്തൽ നടപടി സ്വീകരിച്ചുവെന്നോ പറയുന്നില്ല. ബിഎംഡബ്ല്യുവിൻ്റെ ആദ്യത്തെ ഓൾ-ഇലക്‌ട്രിക് സെഡാനാണ് i4. 2021 മാർച്ചിലാണ് ഈ മോഡൽ ആഗോളതലത്തിൽ അരങ്ങേറ്റം കുറിക്കുന്നത്. ഈ മോഡൽ ഇന്ത്യയിലുൾപ്പെടെ ലോകമെമ്പാടുമുള്ള ഒന്നിലധികം വിപണികളിൽ വിൽക്കുന്നുണ്ട്. ഇവിടെ ഇത് റിയർ-വീൽ ഡ്രൈവ് eDrive40 സ്‌പെക്കിൽ വിൽക്കുന്നു. സെഡാൻ 335 bhp കരുത്തും 430 Nm ടോർക്കും വികസിപ്പിക്കുകയും 83.9 kWh ബാറ്ററി ഉപയോഗിക്കുകയും ഒറ്റ ചാർജിൽ 590 കിലോമീറ്റർ വരെ സഞ്ചരിക്കാൻ അവകാശപ്പെടുകയും ചെയ്യുന്നു.

• BMW i4