പുത്തന്‍ ക്രെറ്റയുമായി ഹ്യുണ്ടായി
കമ്പനിയുടെ ഇന്തോനേഷ്യൻ യൂണിറ്റാണ് പുതിയ ക്രെറ്റയുടെ ഇന്‍റീരിയര്‍, എക്സ്‍റ്റീരിയര്‍ ഡിസൈനുകള്‍ അവതരിപ്പിച്ചിരിക്കുന്നതെന്ന് ഇന്ത്യാ ടുഡേ റിപ്പോര്‍ട്ട് ചെയ്യുന്നു
 )
Followപുതിയ ക്രെറ്റയുടെ (Creta) രേഖാചിത്രങ്ങൾ വെളിപ്പെടുത്തി ദക്ഷിണ കൊറിയന്‍ (South Korea) വാഹന നിര്‍മ്മാതാക്കളായ ഹ്യുണ്ടായി (Hyundai). കമ്പനിയുടെ ഇന്തോനേഷ്യൻ (Indonesia) യൂണിറ്റാണ് പുതിയ ക്രെറ്റയുടെ ഇന്‍റീരിയര്‍, എക്സ്‍റ്റീരിയര്‍ ഡിസൈനുകള്‍ അവതരിപ്പിച്ചിരിക്കുന്നതെന്ന് ഇന്ത്യാ ടുഡേ റിപ്പോര്‍ട്ട് ചെയ്യുന്നു.
തെക്കുകിഴക്കൻ ഏഷ്യയിലെ കമ്പനിയുടെ ആദ്യത്തെ ഫാക്ടറിയായ ഹ്യുണ്ടായിയുടെ പുതിയ ഫാക്ടറിയിലാണ് ഇത് നിർമ്മിക്കുന്നത്. 2022 ലെ പുതിയ ക്രെറ്റയിൽ ഒരു പുതിയ ഡിസൈൻ സമീപനം സ്വീകരിച്ചു, കൂടാതെ നിരവധി പുതിയ ഫീച്ചറുകളും ചേർത്തിട്ടുണ്ട് എന്നാണ് റിപ്പോര്‍ട്ടുകള്‍. പുതിയ ഡിസൈൻ അനുസരിച്ച്, അടുത്ത തലമുറ ഹ്യുണ്ടായ് ക്രെറ്റയുടെ ബോഡി മുമ്പത്തേക്കാൾ കൂടുതൽ മസ്‍കുലർ ആയിരിക്കും.
ഹ്യുണ്ടായ് ക്രെറ്റയുടെ പുതിയ ഡിസൈനില്‍ ക്രോം ഫിനിഷ് വർക്ക് ലഭിക്കുന്നു. അലോയി വീലുകൾ, ഒരു ത്രിമാന പാറ്റേൺ ഗ്രിൽ, സിൽവർ ടച്ച് എന്നിവ ഗിയർ നോബിന് സമീപം ലഭിക്കുന്നു. ഇത് അതിന്റെ പ്രീമിയം ലുക്ക് കൂടുതൽ മെച്ചപ്പെടുത്തുന്നു.
വാഹനത്തിന്‍റെ ഇന്റീരിയറിന് ബോൾഡും ഡൈനാമിക് ലുക്കും നൽകിയിട്ടുണ്ട്. ഡാഷ്‌ബോർഡ് കാറിന്റെ വാതിലുകളുമായി ചേർന്ന് ചിറകുപോലുള്ള ഒരു വളവ് ഉണ്ടാക്കുന്നു. കാറിന്റെ മധ്യഭാഗത്തുള്ള കൺസോളുമായി സംയോജിപ്പിച്ചിരിക്കുന്ന 8 ഇഞ്ച് ഇൻഫോടെയ്ൻമെന്റ് സ്ക്രീൻ കാറിൽ പ്രതീക്ഷിക്കുന്നു.
പുതിയ ഹ്യുണ്ടായ് ക്രെറ്റയ്ക്ക് ഡി-കട്ട് സ്റ്റിയറിംഗ് വീൽ ലഭിക്കും. വാഹനത്തിന്‍റെ ക്ഷമത ഇത് വർദ്ധിപ്പിക്കുന്നു.കാർ മൂടൽമഞ്ഞിൽ നിന്ന് ഒഴിവാക്കാൻ ഡിഫോഗറിനൊപ്പം ലംബമായ രൂപത്തിൽ വെന്റിലേഷൻ ചേർത്തിട്ടുണ്ടെന്നും റിപ്പോര്‍ട്ടുകള്‍ ഉണ്ട്.
