Francesca Cesarini : കൈകളില്ല ഒരുകാലും, അക്രോബാറ്റിക് പോൾ ഡാൻസറായി 15 -കാരി, ഞെട്ടിച്ച് പ്രകടനം
"അക്രോബാറ്റിക് എന്നെ സ്വതന്ത്രയാക്കുന്നു" അവൾ പറഞ്ഞു. അവൾ വീട്ടിൽ പരിശീലിക്കുകയും ഒരു പ്രാദേശിക ജിമ്മിൽ അവളുടെ കോച്ച് എലീന ഇംബ്രോഗ്നോയ്‌ക്കൊപ്പം പരിശീലനം നടത്തുകയും ചെയ്യുന്നു.
 )
Follow15 വയസ്സുള്ള ഫ്രാൻസെസ്ക സെസാരിനി(Francesca Cesarini) ജനിച്ചത് കൈകളും ഒരു കാലും ഇല്ലാതെയാണ്. അതിനാൽ, ഒരു അക്രോബാറ്റിക് പോൾ ഡാൻസറാ(acrobatic pole dancer)കാൻ ആഗ്രഹിക്കുന്നുവെന്ന് മകൾ പറഞ്ഞപ്പോൾ അവളുടെ അമ്മ അൽപ്പം ആശ്ചര്യപ്പെടുക തന്നെ ചെയ്തു. ഓരോരുത്തർക്കും അവരുടെ ജീവിതത്തിൽ ബുദ്ധിമുട്ടുകൾ നേരിടേണ്ടിവരും. ചിലര്‍ അവയെ തരണം ചെയ്തുകൊണ്ട് തങ്ങളുടെ സ്വപ്നങ്ങള്‍ക്ക് പിന്നാലെ സഞ്ചരിക്കും. ചിലര്‍ക്കാവട്ടെ അങ്ങനെ സഞ്ചരിക്കുക എന്നത് വളരെ കഠിനമേറിയ പ്രയത്നം തന്നെയായിരിക്കും. ഫ്രാന്‍സെസ്കയും അങ്ങനെ തന്നെയാണ് തന്റെ സ്വപ്നത്തിന്‍റെ പിന്നാലെ സഞ്ചരിച്ചത്.
''ഞാനിത് ആദ്യം സോഷ്യൽ മീഡിയയിൽ കണ്ടതാണോ അതോ സ്വപ്നം കണ്ടതാണോ എന്നറിയില്ല. ഞാൻ (ഉണർന്ന്) അവരുടെ അടുത്തേക്ക് പോയി, എനിക്ക് പോൾ ഡാൻസ് ചെയ്യാൻ ആഗ്രഹമുണ്ടെന്ന് ഞാൻ പറഞ്ഞു" ഫ്രാൻസെസ്ക എങ്ങനെയാണ് പോൾ ഡാൻസിലേക്ക് എത്തിയത് എന്നതിനെ കുറിച്ച് റോയിട്ടേഴ്സിനോട് പറഞ്ഞു.
മൂന്ന് വർഷത്തിന് ശേഷം, 2021 -ൽ ഇറ്റാലിയൻ അന്താരാഷ്ട്ര പോൾ സ്പോർട്സ് ഫെഡറേഷന്റെ വെർച്വൽ വേൾഡ് പോൾ ആൻഡ് ഏരിയൽ ചാമ്പ്യൻഷിപ്പിൽ അവള്‍ മത്സരിച്ചു. കൊവിഡ് -19 പാൻഡെമിക് കാരണം, ലോകമെമ്പാടുമുള്ള പോൾ നർത്തകർ അവരുടെ പ്രകടനങ്ങളുടെ വീഡിയോകൾ സമർപ്പിക്കുകയും വിലയിരുത്തപ്പെടുകയും ചെയ്തു. വികലാംഗ വിഭാഗത്തിൽ മത്സരിച്ച ഏക കായികതാരമായിട്ടാണ് ഫ്രാൻസെസ്ക സ്വർണ്ണ മെഡൽ നേടിയത്.
സ്പോർട്സ് ബുദ്ധിമുട്ടുള്ളതാണെങ്കിലും, ഫ്രാൻസെസ്ക, എപ്പോഴും അതില്‍ മികവ് പുലർത്താൻ പ്രതിജ്ഞാബദ്ധയായിരുന്നു. അവളുടെ പ്രായത്തിലുള്ള പല പെൺകുട്ടികളെയും പോലെ, ഫ്രാൻസെസ്ക പല്ലിൽ ബ്രേസുകളും കറുത്ത പ്ലാസ്റ്റിക് ചോക്കർ നെക്ലേസും ധരിക്കുന്നു. അവൾ മക്‌ഡൊണാൾഡിലേക്ക് പോകാൻ ഇഷ്ടപ്പെടുന്നു, തന്റെ ഉറ്റസുഹൃത്തിനൊപ്പം നടക്കുമ്പോൾ ഏറ്റവും പുതിയ പോപ്പ് ഗാനം ആലപിക്കുന്നു, കൂടാതെ ഹാരി പോട്ടറിനെ ഇഷ്ടപ്പെടുന്നു.
"അക്രോബാറ്റിക് എന്നെ സ്വതന്ത്രയാക്കുന്നു" അവൾ പറഞ്ഞു. അവൾ വീട്ടിൽ പരിശീലിക്കുകയും ഒരു പ്രാദേശിക ജിമ്മിൽ അവളുടെ കോച്ച് എലീന ഇംബ്രോഗ്നോയ്‌ക്കൊപ്പം പരിശീലനം നടത്തുകയും ചെയ്യുന്നു. താൻ അഭിമുഖീകരിക്കുന്ന ബുദ്ധിമുട്ടുകളെക്കുറിച്ച് സംസാരിക്കുമ്പോൾ ഫ്രാൻസെസ്ക പറഞ്ഞു: “ഒരു കൈകൊണ്ടോ കാല്‍ കൊണ്ടോ ഒക്കെ വളച്ചുപിടിക്കേണ്ട ആവശ്യം വരും. അപ്പോഴത് ബുദ്ധിമുട്ടാണ്.”
"തനിക്ക് എന്താണ് വേണ്ടതെന്ന് അറിയാവുന്ന ഒരു പെൺകുട്ടിയാണ് ഫ്രാൻസെസ്ക. ചില ലക്ഷ്യങ്ങൾ നേടാൻ അവൾ ആഗ്രഹിക്കുന്നു. ഫ്രാൻസെസ്ക ഇങ്ങനെയാണ്, ഇതാണ്. അവൾക്ക് ഒരിക്കലും കൈകളുണ്ടായിരുന്നില്ല, അതിനാൽ അവൾ ഉള്ളത് കൊണ്ട് എല്ലാം ചെയ്യുന്നു" അവളുടെ പിതാവ് മാർക്കോ സെസാരിനി റോയിട്ടേഴ്സിനോട് പറഞ്ഞു.
