നിധിയല്ലാതെ എന്ത്? വിറ്റത് 11 കോടിക്ക്, വീട്ടിൽ ആരുമറിഞ്ഞില്ല, മച്ചിൽനിന്നും കണ്ടെത്തിയ പെയിന്റിംഗ് ലേലത്തിന്
ഒരു സമ്പന്ന കുടുംബത്തിൻ്റെ ഫാം ഹൗസിൻ്റെ മച്ചിൽ നിന്നാണ് പെയിൻ്റിംഗ് കണ്ടെത്തിയത്. ആ വീട്ടിൽ ഒരുപാട് മനോഹരമായ വസ്തുക്കളുണ്ട്. എന്നാൽ, ഈ പെയിന്റിംഗ് കണ്ടെത്തിയത് മറ്റ് പല വസ്തുക്കളുടെയും കൂടെ മച്ചിൽ നിന്നാണ് എന്നാണ് വെയ്ലെക്സ് പറഞ്ഞത്.
 )
Followഈ ലോകത്ത് പല സ്ഥലങ്ങളിലും നമ്മുടെ ആരുടെ കണ്ണിലും പെടാതെ ഒരുപാട് നിധികൾ ഒളിച്ചിരിക്കുന്നുണ്ടാവണം. നിധികളെന്നാൽ, സ്വർണമോ മറ്റ് ആഭരണങ്ങളോ ഒന്നും തന്നെ ആവണമെന്നില്ല. പുരാതനകാലത്തെ വസ്തുക്കളിൽ പലതും വലിയ വില പിടിപ്പുള്ള നിധി തന്നെയാണ്. അതുപോലെ തന്നെയാണ് പെയിന്റിംഗ് അടക്കം ആർട്ട് വർക്കുകളും. എന്തായാലും, അങ്ങനെ വർഷങ്ങളോളം ആരുടെയും കണ്ണിൽ പെടാതെ ഒരിടത്തിരുന്ന ഒരു പെയിന്റിംഗ് ഒടുവിൽ ലേലത്തിലൂടെ നേടിയ തുക എത്രയാണെന്നോ? 11.7 കോടി.
പതിനേഴാം നൂറ്റാണ്ടിലെ ഡച്ച് കലാകാരനായ റെംബ്രാൻഡ് ഹാർമൻസൂൺ വാൻ റിജിൻ്റെ പെയിൻ്റിംഗാണ് 1.4 മില്യൺ ഡോളറിന് (ഏകദേശം 11.75 കോടി രൂപ) ലേലത്തിൽ വിറ്റത്. 'പോർട്രെയിറ്റ് ഓഫ് എ ഗേൾ' എന്ന് പേരിട്ടിരിക്കുന്ന പെയിൻ്റിംഗിൽ കറുത്ത വസ്ത്രം ധരിച്ച പെൺകുട്ടി വെളുത്ത കോളറും വെളുത്ത തൊപ്പിയും ധരിച്ച് കാണാം. 17 -ാം നൂറ്റാണ്ടിലെ ഈ പെയിന്റിംഗ് എവിടെ നിന്നാണ് കണ്ടെത്തിയത് എന്നതാണ് അതിനെ കൂടുതൽ രസകരമാക്കുന്നത്.
തോമസ്റ്റൺ പ്ലേസ് ഓക്ഷൻ ഗാലറീസ് ഉടമ കാജ വെയ്ലെക്സ് പറയുന്നതനുസരിച്ച്, ഒരു സമ്പന്ന കുടുംബത്തിൻ്റെ ഫാം ഹൗസിൻ്റെ മച്ചിൽ നിന്നാണ് പെയിൻ്റിംഗ് കണ്ടെത്തിയത്. ആ വീട്ടിൽ ഒരുപാട് മനോഹരമായ വസ്തുക്കളുണ്ട്. എന്നാൽ, ഈ പെയിന്റിംഗ് കണ്ടെത്തിയത് മറ്റ് പല വസ്തുക്കളുടെയും കൂടെ മച്ചിൽ നിന്നാണ് എന്നാണ് വെയ്ലെക്സ് പറഞ്ഞത്.
എന്നാൽ, ചിത്രകാരൻ ഈ ചിത്രത്തിൽ തന്റെ ഒപ്പിട്ടിട്ടില്ല. പക്ഷേ, റെംബ്രാൻഡ് താൻ ചെയ്യുന്ന എല്ലാ പെയിന്റിംഗുകൾക്കും ഒപ്പിടുന്ന ആളായിരുന്നില്ല എന്നും ഈ പെയിന്റിംഗിന്റെ സ്റ്റൈൽ മാത്രം മതി അത് ഒറിജിനലാണ് എന്ന് തിരിച്ചറിയാൻ എന്നുമാണ് വെയ്ലെക്സ് പറയുന്നത്.
1920 മുതൽ ഇത് സ്വകാര്യ വ്യക്തികളുടെ കയ്യിലാണ് ഉള്ളത്. എന്നാൽ, അങ്ങനെയൊരു പെയിന്റിംഗ് മച്ചിലുള്ള കാര്യം അതിന്റെ ഉടമകൾ പോലും പാടേ മറന്നിരിക്കയായിരുന്നു. ഒടുവിൽ ഓഗസ്റ്റ് മാസം നടന്ന ലേലത്തിൽ 11.7 കോടിക്കാണ് അത് വിറ്റുപോയത്. പെയിന്റിംഗ് വാങ്ങിയ ആൾ തന്റെ പേര് പരസ്യപ്പെടുത്താൻ തയ്യാറായിട്ടില്ല.
