കരുതൽ വേണം

വീണ്ടും അ​ഗസ്ത്യാർകൂടത്തിലേക്കുള്ള ട്രെക്കിം​ഗ് ആരംഭിക്കുകയാണ്. ട്രെക്കിം​ഗിന്റെ ബുക്കിം​ഗ് നാളെ മുതലാണ് ആരംഭിക്കുന്നത്. എന്തൊക്കെ കരുതൽ വേണം ഈ യാത്രയിൽ?

കേരളത്തിലെ ഏറ്റവും കഠിനമായ ട്രെക്കിം​ഗ് പാതകളിലൊന്നാണിത്. അതിനാൽ തന്നെ അതിനാവശ്യമായ തയ്യാറെടുപ്പുകളും എടുക്കണം. 

സമുദ്രനിരപ്പിൽ നിന്നും 1868 മീറ്റര്‍ ഉയരത്തിലാണ് അഗസ്ത്യാർകൂടം. അഗസ്ത്യമല ബയോസ്ഫിയർ റിസർവിന്റെ ഭാഗമാണിത്. 

യാത്രയല്പം കഠിനമാണെങ്കിലും കാഴ്ചകൾ അത്രയേറെ മനോഹരമാണ്. വേറൊരിടത്തും കിട്ടാത്ത അനുഭവമാകും ഈ യാത്ര നമുക്ക് സമ്മാനിക്കുക. 

ലോകത്തൊരിടത്തും കാണാനാവാത്ത അപൂർവ്വമായ ഔഷധസസ്യങ്ങളിവിടെ കാണാം. അനേകം ജീവികളുടെ ആവാസകേന്ദ്രവുമാണിവിടം. യുനെസ്കോയുടെ പട്ടികയിലിടം നേടിയിട്ടുണ്ട് അ​ഗസ്ത്യാർ‌കൂടം. 

മൂന്നുദിവസം നീണ്ടുനിൽക്കുന്നതാണ് ട്രെക്കിം​ഗ്. 20 കിമി ദൂരമാണ് ഒരു ഭാ​ഗത്തേക്ക് മാത്രം വരുന്നത്. തുടക്കദിവസം രാവിലെ 9 മണിയോടെയാണ് മിക്കവാറും യാത്ര തുടങ്ങുക. 

ടിക്കറ്റിന്റെ പ്രിന്റൗട്ടും ഐഡിയും മിഡിക്കൽ ഫിറ്റ്നെസ് സർട്ടിഫിക്കറ്റും തുടങ്ങി ഉദ്യോ​ഗസ്ഥർ നിഷ്കർഷിക്കുന്ന രേഖകളെല്ലാം കയ്യിൽ കരുതണം. 

ഒന്നാം ദിവസം രാത്രിയും പിറ്റേന്ന് രാവിലെ അഗസ്ത്യാർകൂടം കയറി തിരികെ വന്നശേഷവും താമസം അതിരുമല ബേസ് ക്യാമ്പിലായിരിക്കും. മൂന്നാം ദിവസമാവും മടക്കം. 

ട്രെക്കിം​ഗ് കഠിനമാണ് എന്നതിനാൽ തന്നെ അതിനനുസരിച്ചുള്ള ട്രെക്കിം​ഗ് ഷൂകൾ, വസ്ത്രങ്ങൾ, റെയിൻകോട്ടുകൾ, ജാക്കറ്റുകൾ തുടങ്ങി ആവശ്യമുള്ളവയെല്ലാം നിർബന്ധമായും കയ്യിൽ കരുതാം. 

എന്തെങ്കിലും മരുന്ന് കഴിക്കുന്നവരാണെങ്കിൽ അത് കയ്യിൽ കരുതണം. അത്യാവശ്യത്തിന് വേണ്ടി വരുന്ന മറ്റ് മരുന്നുകളും കയ്യിൽ കരുതാം. 

ഒരുതരത്തിലുള്ള ലഹരിവസ്തുക്കളും കൈവശം കരുതുകയോ ഉപയോ​ഗിക്കുകയോ ചെയ്യരുത്. പ്ലാസ്റ്റിക്കോ മറ്റ് മാലിന്യങ്ങളോ കയ്യിൽ കരുതാനോ വലിച്ചെറിയാനോ പാടില്ല. 

നിറയെ വന്യമൃ​ഗങ്ങളുള്ള കാടാണ് എന്നതിനാൽ തന്നെ അതിനു പാലിക്കേണ്ടുന്ന മാർ​ഗനിർദ്ദേശങ്ങൾ‌ ​ഗൈഡുകളും ഉദ്യോ​ഗസ്ഥരും നൽകും. അതിനനുസരിച്ച് വേണം പെരുമാറാൻ. 

യാത്രയ്ക്ക് ഒരുങ്ങുമ്പോൾ തന്നെ ശാരീരികമായുള്ള വ്യായാമങ്ങൾ ചെയ്ത് തുടങ്ങാം. ഒപ്പം നടത്തം ശീലിക്കുന്നതും നല്ലതാണ്. 

ഏതൊരു ട്രെക്കിം​ഗിന്റെയും ഹരം അതിനൊടുവിൽ നമ്മെക്കാത്ത് നിൽക്കുന്ന മനോഹരമായ കാഴ്ചകളും, അതിന്റെ മായാത്ത ഓർമ്മകളും തന്നെ ആയിരിക്കും. 

യാത്രകളിലുണ്ടായ വേദനകളും അസ്വസ്ഥതകളും തിരികെ എത്തിക്കഴിഞ്ഞാൽ നമ്മെ വിട്ടൊഴിയുകയും യാത്ര സമ്മാനിച്ച മനോഹരമായ അനുഭവം മാത്രം മനസിൽ തങ്ങിനിൽക്കുകയും ചെയ്യും. 

ഈ നാട്ടിൽ ജീവിച്ചിട്ടും ഒരിക്കലെങ്കിലും ഈ യാത്ര അനുഭവിച്ചില്ലെങ്കില്‍ അതൊരു നഷ്ടമാവും. നിങ്ങളൊരു യാത്രസ്നേഹിയും പ്രകൃതിസ്നേഹിയുമാണെങ്കിൽ ബുക്കിം​ഗ് മറക്കേണ്ട.