വിചിത്രവും പേടിപ്പെടുത്തുന്നതുമായ ഉള്ളടക്കങ്ങളിലൂടെയാണ് ജിമ്മി ഡൊണാൾഡ്സൺ എന്ന മിസ്റ്റർ ബീസ്റ്റ് സബ്സ്ക്രൈബേഴ്സിനെ കൂട്ടിയത്
ടി-സീരീസിന്റെ റെക്കോർഡ് മറികടന്ന് അമേരിക്കക്കാരനായ ജിമ്മി ഡൊണാൾഡ്സൺ. ലോകത്ത് ഏറ്റവും കൂടുതൽ സബ്സ്ക്രൈബേഴ്സുള്ള യൂട്യൂബ് ചാനലെന്ന റെക്കോർഡ് ഇതുവരെ ഇന്ത്യൻ മ്യൂസിക് കമ്പനിയായ ടി-സീരീസിനായിരുന്നു. ഇന്ത്യയിലെ വിവിധ ഭാഷകളിലുള്ള സിനിമ-ആൽബം ഗാനങ്ങളാണ് ടി-സീരീസിന്റെ ഉള്ളടക്കമായി വരുന്നത്.
266 ദശലക്ഷം (26.6 കോടി) പേരാണ് ടി-സീരീസ് നിലവിൽ സബ്‌സ്‌ക്രൈബ് ചെയ്‌തിരിക്കുന്നത്. ഈ റെക്കോർഡാണ് ജിമ്മി മറികടന്നിരിക്കുന്നത്. യൂട്യൂബ് ലോകത്തെ ഏറ്റവും വലിയ സെലിബ്രിറ്റിയായ ജിമ്മിയുടെ മിസ്റ്റർ ബീസ്റ്റ് (MrBeast) എന്ന ചാനൽ പുതിയ റെക്കോർഡിട്ട വിവരം അദേഹം തന്നെയാണ് എക്സിലൂടെ ഷെയർ ചെയ്തത്. പുതിയ സബ്സ്ക്രിപ്ഷൻ കണക്കുകൾ കാണിക്കുന്ന ചിത്രം പങ്കുവെച്ചാണ് അദേഹം ഈ വിവരം കുറിച്ചിരിക്കുന്നത്. സ്വീഡിഷ് യൂട്യൂബർ ‘പ്യൂഡിപൈ’-ക്ക് വേണ്ടി താൻ പ്രതികാരം ചെയ്തുവെന്നും അദേഹം പോസ്റ്റിൽ പറയുന്നുണ്ട്. നിലവിൽ 268 ദശലക്ഷം പേരാണ് യൂട്യൂബിൽ ബീസ്റ്റിനെ ഫോളോ ചെയ്യുന്നത്.
undefined
വിചിത്രവും പേടിപ്പെടുത്തുന്നതുമായ ഉള്ളടക്കങ്ങളിലൂടെയാണ് ജിമ്മി ഡൊണാൾഡ്സൺ എന്ന മിസ്റ്റർ ബീസ്റ്റ് സബ്സ്ക്രൈബേഴ്സിനെ കൂട്ടിയത്. തന്നെ ജീവനോടെ കുഴിച്ചുമൂടിയ വീഡിയോ യൂട്യൂബിൽ പങ്കുവെച്ചയാളാണ് ഇയാൾ. 50 മണിക്കൂർ നേരം ചില്ലുകൊണ്ടുള്ള ശവപ്പെട്ടിയിൽ കിടന്ന ജിമ്മിയുടെ വീഡിയോ കണ്ടത് കോടിക്കണക്കിനാളുകളാണ്. 26-കാരനായ ജിമ്മി ശവപ്പെട്ടിക്കുള്ളിൽ ഘടിപ്പിച്ച ക്യാമറ ഉപയോഗിച്ചായിരുന്നു അകത്തെ രംഗങ്ങൾ ഷൂട്ട് ചെയ്തത്. പുറത്ത് രണ്ട് സുഹൃത്തുക്കൾ അവനുമായി നിരന്തരം ഫോണിലൂടെ ബന്ധപ്പെട്ടുകൊണ്ടിരുന്നു. രണ്ട് ദിവസത്തിലധികം നീണ്ടുനിന്ന സാഹസത്തിന്‍റെ 12 മിനിറ്റുകൾ മാത്രമാണ് ഷെയർ ചെയ്തത്.
പ്യൂഡിപൈ- ടി-സീരീസ് യുദ്ധമെന്താണെന്ന് അറിയാത്ത നിരവധി പേരുണ്ട്. യൂട്യൂബ് സെൻസേഷൻ ഫെലിക്സ് കെൽബെർഗാണ് പ്യൂഡിപൈ എന്ന പേരിൽ ചാനൽ നടത്തുന്നത്. ഒരു കാലത്ത് യൂട്യൂബിലെ പ്യൂഡിപൈ- ടി-സീരീസ് യുദ്ധം നിരവധി ചർച്ചകൾക്ക് കാരണമായതാണ്. ഏറ്റവും കൂടുതൽ സബ്സ്ക്രൈബർമാരുള്ള ചാനലായിരുന്ന പ്യൂഡിപൈയെ വർഷങ്ങൾക്ക് മുമ്പ് ടി-സീരീസ് മറികടന്നു. അതോടെ ഫെലിക്സിന്‍റെ ആരാധകർ അദേഹത്തിന് വേണ്ടി സമൂഹ മാധ്യമങ്ങളിൽ പ്രചരണം നടത്തിത്തുടങ്ങി. ഇവർ ടി-സീരീസിനെതിരെ തിരിഞ്ഞുവെന്ന് എടുത്തുപറയേണ്ടല്ലോ. പക്ഷേ അതിനൊന്നും ടി-സീരീസിനെ തളർത്താനായില്ല. എന്നാൽ ഇപ്പോൾ ടി-സീരീസിനെ ആദ്യമായി മറികടന്നിരിക്കുക എന്ന റെക്കോർഡ് കൂടി സാക്ഷാൽ മിസ്റ്റർ ബീസ്റ്റ് നേടിയിരിക്കുകയാണ്.
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം