auto blog
പഴയ മഹീന്ദ്ര ജീപ്പുകൾ ഉൾപ്പെടെയുള്ള പതിറ്റാണ്ടുകൾ പഴക്കമുള്ള ചില വാഹന മോഡലുകൾക്ക് വൻ ഡിമാൻഡാണ് ഇന്ന് വാഹന വിപണിയിൽ
നിർമ്മിച്ച വർഷം അനുസരിച്ച് രണ്ടുമുതൽ പത്തുലക്ഷം വരെയൊക്കെ വിലയിലാണ് ഇപ്പോൾ നിർമ്മാണത്തിൽ ഇല്ലാത്ത ഇത്തരം വാഹനങ്ങൾ വിൽക്കുന്നത്
ഒരുപക്ഷേ ഏതാനും വ‍ർഷങ്ങൾക്കകം ഇത്തരം വാഹനങ്ങളിലും പലതും റോഡിലിറക്കാൻ പറ്റാത്തവിധം നിയമങ്ങൾ മാറുന്നു.
വില മുടക്കി വാങ്ങുന്നവർ ജാഗ്രത പാലിക്കണമെന്നും മോട്ടോർവാഹനവകുപ്പിലെ ഒരു ഉദ്യോഗസ്ഥൻ ഏഷ്യാനെറ്റ് ന്യൂസ് ഓൺലൈനിനോട് പറഞ്ഞു.
രാജ്യത്തെ മാറി വരുന്ന മലിനീകരണ നിയന്ത്രണ നിയമങ്ങളാണ് ഇത്തരം വാഹനങ്ങൾ വൻ തുക മുടക്കി വാങ്ങുന്നതിനുള്ള അപകടകാരണമായി ഉദ്യോഗസ്ഥർ ചൂണ്ടിക്കാട്ടുന്നത്.
ഗവൺമെൻ്റിൻ്റെ വാഹന സ്‌ക്രാപ്പിംഗ് നയവും ആര്‍ഡിഇ, കഫെ2, ഒബിഡി2 തുടങ്ങിയ മലിനീകരണ നിയന്ത്രണ നിയമങ്ങളും ഇതിൽ പല വാഹനങ്ങൾക്കും ഭാവിയിൽ അന്തകനായേക്കും എന്നാണ് റിപ്പോര്‍ട്ടുകൾ.
ഫിറ്റ്‌നസ് സർട്ടിഫിക്കറ്റുള്ള ഏതൊരു വാഹനത്തിനും റോഡുകളിൽ ഓടാം. പക്ഷേ ഫിറ്റ്‌നസ് സർട്ടിഫിക്കറ്റുകള്‍ തീരുന്ന മുറയ്ക്ക് പഴയ വാഹനങ്ങള്‍ കർശനമായ പുനഃപരിശോധനയ്ക്ക് വിധേയരാകേണ്ടി വരും.
ഇനിമുതല്‍ പൂര്‍ണമായും യന്ത്രവല്‍കൃതമായ സംവിധാനങ്ങളാണ് വാഹനങ്ങളെ പരിശോധിക്കുന്നത്. ഇതില്‍ പുറത്തുനിന്നുള്ള യാതൊരുവിധ ഇടപെടലുകളും നടത്താൻ സാധിക്കില്ല.
അടുത്തകാലത്തായി വാഹനങ്ങളുടെ പുക പരിശോധന കടുപ്പം. പരിശോധനകള്‍ കടുക്കുന്നു
25 വർഷത്തോളം പഴക്കമുള്ള വാഹനങ്ങളെ റീ ടെസ്റ്റിൽ നിന്നും പൂർണമായും തടയുന്നതിനുള്ള നിയമങ്ങളെക്കുറിച്ചുള്ള ആലോചനകളും അണിയിറയിൽ നടക്കുന്നതായി റിപ്പോര്‍ട്ടുകൾ
കേരളത്തിൽ ഏറെ ജനപ്രിയമായ മഹീന്ദ്ര ജീപ്പുകൾ ഉൾപ്പെടെയുള്ള മോഡലുകൾക്ക് നിലവിലെ നിയമം അനുസരിച്ച് വിന്‍റേജ് പരിരക്ഷയും കിട്ടില്ല
വിന്‍റേജ് വാഹനങ്ങൾക്ക് പ്രത്യേക രജിസ്ട്രേഷനും നമ്പർ പ്ലേറ്റും ഏർപ്പെടുത്തി മോട്ടർ വാഹന നിയമം 2021ല്‍ ഭേദഗതി ചെയ്‍തതും ജീപ്പുകള്‍ ഉള്‍പ്പെടെയുള്ള പഴയ മോഡലുകള്‍ക്ക് തിരിച്ചടി
50 വർഷത്തിലേറെ പഴക്കമുള്ള, വാണിജ്യ ആവശ്യത്തിനുപയോഗിക്കാത്ത ഇരുചക്ര, നാലുചക്ര വാഹനങ്ങളെയാണ് പുതിയ ഭേദഗതിയില്‍ വിന്‍റേജ് വാഹനങ്ങളായി പരിഗണിക്കുക
പഴയ വാഹനങ്ങൾ പൊളിക്കണമെന്ന നിലപാടിൽ അടുത്തിടെ കേന്ദ്രം അൽപ്പം അയവുവരുത്തിയിരുന്നു. പക്ഷേ നിലവിലെ മലിനകരണ നിയമങ്ങൾക്ക് അനുസൃതമായെങ്കിൽ മാത്രമേ ഈ പരിഗണന കിട്ടു എന്ന് ഉറപ്പാണ്
ഇപ്പോൾത്തന്നെ രാജ്യത്തെ മലിനീകരണ നിയമങ്ങള്‍ക്ക് അനുസൃത്യമായി പഴയ വാഹനങ്ങളുടെ എഞ്ചിന്‍ പണി എടുക്കണമെങ്കില്‍ കാശ് ഏറെ ചെലവാക്കേണ്ടി വരുമെന്ന് ഉറപ്പാണ്.
എന്തായാലും ഈ വാഹനങ്ങൾ വൻ വില കൊടുത്തു വാങ്ങുന്നവര്‍ കൂടുതല്‍ ആലോചിക്കുന്നത് നല്ലതായിരിക്കും