ജിയോയുടെ പുതുക്കിയ പ്ലാനുകള്‍ ഡിസ്‌നി+ ഹോട്ട്സ്റ്റാര്‍ മൊബൈല്‍ ആനുകൂല്യങ്ങള്‍ 499 രൂപയ്ക്കും 888 രൂപയ്ക്കും 2599 രൂപയ്ക്കും നല്‍കുന്നു. 499 രൂപയുടെ പ്ലാനില്‍ 3 ജിബി പ്രതിദിന ഡാറ്റയും 28 ദിവസത്തെ വാലിഡിറ്റിയും ലഭിക്കും.
ഡിസ്‌നി+ ഹോട്ട്സ്റ്റാര്‍ ആനുകൂല്യങ്ങള്‍ വിവിധ മൊബൈല്‍ കമ്പനികള്‍ക്കുണ്ട്. ഇപ്പോള്‍ എയര്‍ടെല്‍ അതിന്റെ ചില പ്ലാനുകള്‍ പരിഷ്‌കരിച്ചപ്പോള്‍, ജിയോ ഇപ്പോള്‍ ഈ പ്ലാനുകളിലേക്ക് ഡാറ്റ ആനുകൂല്യങ്ങള്‍ ചേര്‍ക്കുന്നു. ഇത് ഡിസ്‌നി+ ഹോട്ട്സ്റ്റാര്‍ പ്ലാനുകള്‍ക്കൊപ്പം 10 ജിബി വരെ അധിക ഡാറ്റ വാഗ്ദാനം ചെയ്യും. ഡിസ്‌നി+ ഹോട്ട്സ്റ്റാര്‍ പ്ലാനിന്റെ വില വര്‍ദ്ധിപ്പിച്ചിട്ടുണ്ടെങ്കിലും, ഉപയോക്താക്കള്‍ക്ക് അധിക ഡാറ്റ നല്‍കി ഇതു തുല്യമാക്കാനാണ് മൊബൈല്‍ കമ്പനികള്‍ ലക്ഷ്യമിടുന്നത്.
ജിയോയുടെ പുതുക്കിയ പ്ലാനുകള്‍ ഡിസ്‌നി+ ഹോട്ട്സ്റ്റാര്‍ മൊബൈല്‍ ആനുകൂല്യങ്ങള്‍ 499 രൂപയ്ക്കും 888 രൂപയ്ക്കും 2599 രൂപയ്ക്കും നല്‍കുന്നു. 499 രൂപയുടെ പ്ലാനില്‍ 3 ജിബി പ്രതിദിന ഡാറ്റയും 28 ദിവസത്തെ വാലിഡിറ്റിയും ലഭിക്കും. അടുത്ത പ്ലാന്‍ 666 രൂപയും 2 ജിബി പ്രതിദിന ഡാറ്റയും 56 ദിവസത്തെ വാലിഡിറ്റിയും വാഗ്ദാനം ചെയ്യുന്നു. ഈ പ്ലാനിന് ശേഷം, അടുത്ത പ്ലാനിന് 888 രൂപയാണ് വില, ഇത് 84 ദിവസത്തെ വാലിഡിറ്റിയുള്ള 2 ജിബി പ്രതിദിന ഡാറ്റ നല്‍കും. അവസാനമായി, ഡിസ്‌നി+ ഹോട്ട്സ്റ്റാര്‍ ആനുകൂല്യങ്ങളുള്ള ഒരു വാര്‍ഷിക പ്ലാന്‍ ഉണ്ട്, അത് 365 ദിവസത്തെ വാലിഡിറ്റിയും 2 ജിബി പ്രതിദിന ഡാറ്റയും നല്‍കും, അതിന്റെ വില 2599 രൂപയും.
undefined
ഈ പ്ലാനുകളെല്ലാം പരിധിയില്ലാത്ത കോളും പ്രതിദിനം 100 എസ്എംഎസും നല്‍കുന്നു. 499 രൂപയുടെ പ്ലാന്‍ 6 ജിബി ഡാറ്റയും 888 രൂപ പ്ലാന്‍ 2 ജിബി പ്രതിദിന ഡാറ്റയും നല്‍കുന്നു. 2599 രൂപയുടെ പ്രീപെയ്ഡ് പ്ലാന്‍ 10 ജിബി അധിക ഡാറ്റ നല്‍കുന്നു. 549 രൂപ വിലയുള്ള ഒരു ഡാറ്റ പ്ലാനും ജിയോ വാഗ്ദാനം ചെയ്യുന്നു, ഇത് 56 ദിവസത്തെ വാലിഡിറ്റിയില്‍ 1.5 ജിബി പ്രതിദിന ഡാറ്റ ഉപയോക്താക്കള്‍ക്ക് നല്‍കും. അതേസമയം, ഇതിനകം തന്നെ ഡിസ്‌നി+ ഹോട്ട്സ്റ്റാര്‍ പ്ലാനുകള്‍ സബ്സ്‌ക്രൈബുചെയ്തിട്ടുള്ള ഉപയോക്താക്കള്‍ക്ക് അവരുടെ സബ്സ്‌ക്രിപ്ഷന്‍ അവസാനം വരെ ഉപയോഗിക്കാന്‍ കഴിയും.
അതിനുശേഷം അവര്‍ക്ക് അപ്ഗ്രേഡ് പ്ലാനുകള്‍ തിരഞ്ഞെടുക്കേണ്ടി വരും. അതേസമയം, എയര്‍ടെലും പ്രീപെയ്ഡ് പോസ്റ്റ്‌പെയ്ഡ്, ബ്രോഡ്ബാന്‍ഡ് പ്ലാനുകളുടെ പട്ടിക അപ്ഡേറ്റുചെയ്തു. എയര്‍ടെലിന്റെ ബ്രോഡ്ബാന്‍ഡ് പ്ലാനുകള്‍ 999 രൂപ മുതല്‍ സ്ട്രീമിംഗ് ആനുകൂല്യങ്ങള്‍ നല്‍കും. 999 രൂപയുടെ എയര്‍ടെല്‍ XStream പ്ലാന്‍ പരിധിയില്ലാത്ത ഇന്റര്‍നെറ്റും 200 Mbps വേഗതയും പരിധിയില്ലാത്ത കോളുകളും വാഗ്ദാനം ചെയ്യും. ഈ പ്ലാന്‍ ഡിസ്‌നി+ ഹോട്ട്സ്റ്റാര്‍ സൂപ്പര്‍ പ്ലാനിലേക്കും ആമസോണ്‍ പ്രൈമിലേക്കും പ്രവേശനം നല്‍കും. 1499 രൂപയും 3999 രൂപ പ്ലാനുകളും ഡിസ്‌നി+ ഹോട്ട്സ്റ്റാര്‍ സൂപ്പര്‍ ആനുകൂല്യങ്ങള്‍ യഥാക്രമം 300 എംബിപിഎസ്, 1 ജിബിപിഎസ് വേഗത വരെ നല്‍കുന്നു. ഈ പ്ലാനുകളെല്ലാം തന്നെ വിങ്ക് സംഗീതത്തിലേക്കുള്ള എന്‍ട്രിയും നല്‍കുന്നു.കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യർത്ഥിക്കുന്നു. ഒന്നിച്ച് നിന്നാൽ നമുക്കീ മഹാമാരിയെ തോൽപ്പിക്കാനാവും. #BreakTheChain #ANCares #IndiaFightsCorona